نمرّ

١١

قرائه ممتعه🤗

-

-

وقف مكانه وتشنج جسمه بالكامل وهو يسمع صوته اللي ظل ايام يفكر فيه ويحلم فيه ومعذبه ليالي

التفت يحاول يلقى وين سمع الصوت وأي جهه جاء منه بس كثرت عليه الاصوات وماعاد صار يثبت وجهته

صار يتحرك بسرعه ويدور مثل المجنون يمكن يسمع صوته مره اخرى ويقدر يعرف من هالانسان اللي عفس حياته الهاديه

ناظره حمد بخوف من حالته والناس اللي تناظره بفزع من حالته الاشبه بالمجنون وهو يتحرك ويدور كنه مضيع شي

قرب منه حمد وحاول يمسكه بس نمر بعد عنه
وقال بسرعه
:سمعت صوته ي حمد والله سمعته هو هنا موجود لازم الاقيه ي حمد لازم

وصار يلتفت يمين ويسار يتمنى انه يتكلم مره اخرى حتى يعرف مكانه بس م تحققت امنيته اللي طالت وهو يدور

بس هذا الشي م خلاه ييأس ويوقف بينما حمد اللي يتبعه ويشوف اخرتها معه

لمح شخص يعرفه زين ومستحيل ينساه بسهوله شافه عند احد العربات يختار شي

تقدم منه بسرعه بدون م يفكر بشي مسك يده من الخلف بقوه ولفه جهته بكل قوته

شهق بصدمه من المجنون اللي تعرض له بوسط هالناس خاف من شاف ملامحه المرعبه له
وقال بخوف:ن ننن نمر

مسكه نمر بقوه يبدينه الثنتين وهزه بقهر
وقال:وينه قل لي وينه اعترف سمعته سمعت صوته هنا اكيد هو معك قول وينه بسرعه

مافهم هتان هالمجنون ايش يقصد فشتت نظره وناظر حمد يفهم شوي عن اللي يقصده نمر

بس هزه اقوى نمر وقال بغضب
:م عليك منه ناظرني انا وقل لي وينه ولا قسم بالله م راح ارحمك تسمع

قرب حمد منه بسرعه ومسك نمر يحاول يرجعه لعقله هذا اذا بقى معه عقل اصلاً
قال:نمر اترك الولد انت انهبلت وش مسوي لك اتركه الناس طالعنا

صرخ نمر بقهر وقال
:بالطقاق الناس م هموني كثر ماهمني هو تفهم

عرف حمد ان نمر ماراح يتجاوب معه بحركه سريعه منه ضرب جمب نمر خلته ينزوي بألم من الضربه وافلت هتان منه وسحبه له
وقال:روح بسرعه م اظمن لك اذا قام هالمجنون ايش ممكن يسوي

ركض هتان بكل سرعته والناس تطالعه بخوف عليه لا يسوي في هذاك المجنون شي تحركوا بعض الاشخاص مغطين عليه عشان م يشوفه نمر اذا التفت له