نمرّ

٢٣

قرائه ممتعه🤗

-

-

يسوق السياره وهو يدوره بعيونه بـ كل مكان تطيح فيه ، كأنه نقطة مويه وتبخرت

ضرب الدركسون بقهر وقال
:وينك يـ نايف وينك

سمع صوت جواله يدق ، اخذه بسرعه ظن منه انه نايف ، بس خابت ظنونه لما شاف اسم جراح

غمض عيونه بقوه وفتحها وهو الود وده مـ يرد عليه ، بس مجبور اذا يبي يلقى نايف

رد عليه وقال
:ايش عندك

قال جراح بهدوء
:لقيته

ضحك سطام بقوه وقال
:جد تسأل بعد سواتك

قال جراح بهدوء
:الحين مـ وقت العتب لارم نلقاه

ارتفع ضغط سطام منه وقفل فـ وجهه الخط ، شد عـ الدركسون يحاول يضبط اعصابه لا ينفجر

بعد مرور نصف ساعه كان راح ينجن فيها سطام من اختفاء نايف ، دق جواله مره ثانيه

اخذه بسرعه وشاف المتصل ياسر ، فصل الخط فـ وجهه وهو ماله خلقه ابداً

دق على جوال نايف على امل يرد عليه ، فصل الخط ولا جا له رد
قال بيأس: تكفى رد يـ نايف ردد

عاد الاتصال بدون كلل كل اللي يبيه انه يسمع صوت نايف ، ظل ثواني على امل يرد عليه

انفتح الخط وماصدق انه رد عليه وقال بسرعه
:الو نايف وينك الله يخليك قل لي

جاه صوت شخص غريب يقول
:انا م نايف اخوي صاحب الجوال مهو موجود

عقد حواجبه سطام وقال
:شلون مهو موجود وشلون الجوال معك

قال الرجال بهدوء
:انا عند السياره والواضح ان صاحبها تركها شغاله وراح والجوال فيها

قال سطام بصدمه
:يعني شلون راح اختفى فجأه

قال الرجال
:والله وانا اخوك مدري تقدر تجي وتشوف بنفسك

قال سطام بتعب
:طيب طيب انا راح اجي بس قل لي بـ الضبط وين انت

وصفه الرجال مكانه وظل معاه عـ الخط لين وصل للمكان اللي فيه السياره

نزل بسرعه وهو يشوف السياره قريب من منحدر خطير ، اتسعت عيونه وركض لـ السياره

شاف شخص غريب عندها ، وقف عنده وهو يتلفت في كل مكان عله يلمح نايف

قال بصوت يرجف
:متى لمحت السياره