نمرّ

١٩

قرائه ممتعه🤗

-

-

دخل بهدوء ومعه كوبين من القهوه الحاره وهو يناظر اللي منسدح عـ السرير الابيض بـ ملامح تعبانه

وعلى عيونه شاش مغطيها نايم مثل الملاك والابره مغروزه في وريد يده الصغيره مظهره عروقه

جلس قريب من النايم على الكرسي وحط الكوبين عـ الطاوله بهدوء وناداه بهمس
:شهاب... شهاب اصحى

فز شهاب من الصوت ناظر حوالينه يتأكد هو وين تنهد بتعب من شافه للحين مـ صحى

لف لاخوه اللي يناظر سلاف بـ حنان يختلط مع حزن
وقال:توك واصل؟؟

اف عليه صالح بهدوء وقال
:ايه توني وشفتك نايم روح ياخوي ارتاح فـ البيت وانا راح اكون عنده لا تخاف

هز راسه بـ لا وقال بـ اصرار
:مـ راح اتحرك لين مـ يصحى ويحس فيه

مـ تكلم صالح وهو يعرف بـ عناد اخوه اذا تعلق الموضوع بـ سلاف ظلوا فتره على هالحال لين قطعه صالح

وهو يقول:شهاب بيني وبينك افكر في شي

ناظره شهاب وهو معقد حواجبه وقال
:وش اللي تفكر فيه

تنهد صالح ومسح على جبهته بـ توتر وقال
:افكر في سلاف اني اخذه يعيش معي بالبيت من يوم ورايح

انتفض شهاب من كلامه وقال بحده
:وش هالكلام يـ صالح الولد للحين مـ صحى اجله لبعدين

تنهد صالح ولف عليه وقال
:ليش انأجله الحين لازم نتكلم فيه وهالوقت يـ شهاب ابي ولدي يعيش قريب مني وقريب من اخوانه كفايه بعد طول هالسنين

ضحك شهاب بسخريه وهز راسه وقال
:اللي يسمعك يقول ان احنا اللي حرمناك منه مو انت اللي رميته بعد وفاة امه ولا سألت عليه

شد على يده صالح وقال بقهر
:يعني لازم نتكلم فـ الماضي

قال شهاب وعينه على سلاف بهدوء
:الماضي مـ يفتحه احد يـ صالح انت اللي بنيته بنفسك وبعدت ولدك عنك لا تجي تعاتب الحين

رص على سنانه ولف وجهه عنه وقال بقوه
:الماضي ماضي وهو ولدي واسوي اللي اسويه فيه مـ احد له حكم عليه وراح اخذه وانتها النقاش

قال شهاب ببرود وهو يشرب من القهوه اللي جابها له
:نشوف بعدين اذا صحى الحين مـ وقته

لف عليه ببتسامه وقال بروقان
:ذوقك فـ القهوه نار يـ ولد

ضحك صالح غصب عنه وهز راسه بـ اسى مهما تكلموا راح يظل الحوار بينهم عقيم وخصوصا بـ شهاب اللي يقلب الموضوع عليك بـ جداره