فرعونة التانسو

الشخصيات

ريم: شخصية متقلبة مزاجياً😑😐بتمل للفكاهة ،، زولة اهم شيء في حياتها الفارغة سرير نومها🌚💔،، دائما في مناوشات مع اخوها الصغير، بتكره وبشدة الناس البكونوا جادين🙈🐸،، وفضولية لحد خطير😶فهي لمن تباري العناصر م لانها عايزة تساعد ناس ريماس، لا عشان تعرف الصوت جاي من وين😓😓

آصف: شخصية قوية جادة،، بارد في اغلب الأحيان،، ده طبعا لانه اعتمد على نفسه بشكل تام عشان اراعى اخته الوحيدة،، وعشان قام يتيم،، وطبعا في ناس ح تقول لي انه عاش في بيت حبوبته كيف حس باليتم؟؟،، يا جماعة ما في زول بعوض حنان الام والاب ،، مهما حاول✋✋

حامد الكادح: ده ما فيه شيء،، شخصية خالطة بين الحزم و الهزل،، م اظن في تعقيد في شخصيته..

منال الكادح: يلا منال دي يا اخوانا م جبت قصتها لمن رجعت بالزمن،،، لانها ما فيها شيء،، بس مشت المقبرة مع زوجها ،، ورجعوا بالزمن قابلوا هاكا،، ولمن شافت منال طوالي عرفت انها م المقصودة ،، وكلمت حامد بموضوع التعويذة،، فلمن رجعوا هي نست كل شيء بس هو اتذكر،، وبعد م ناس ريم وآصف رجعوا،، كان كأن كل ده م حصل،، و ما في زول متذكر شيء غير ريم وآصف بس،، وشخصيتها حازمة وجادة، وم بتكره ريم والله🐸✋😸خوف الام على مستقبل بتها الضايع في السرير والمطبخ عمره م كان كره😹😹
عمر: وما ادراك ما عمر، أطلعوا على كل البيوت وتلقوه متسنتر🌚✋باشكال مختلفه طبعا،، اخر العنقود وكده🐸نحن عندنا بنكهة عبير اختي😶😑تحس برغبة بشلهم وجدعهم،، او من هم صغار تشيله بالدس وتوديه جنب الجامع وبلقى ود حلال ويلمهم😹✋باختصار شافع قليص بس😐😐✋..

شمعة: شخصية رقيقة،، معتبرة آصف امها وابوها واخوها وصاحبها،، لانه م برضى فيها الهواء الطائر😑✋

سليمان: شخصية متكبرة ،، تحس بيه من زمن الاستقراطيين🙀..

ريماس: شخصية مخالفة لشخصية ريم تماماً، هي حنونة وقوية،، شخصية رائعة بمعنى الكلمة❤

هاكا: شخصية غامضة✋ الصراحة دي اصعب شخصية في الرواية🙀باخد ساعة افكر في ردة فعلها😩

آصمخ: ده شخصية ثانوية طبعا،، بس هو قوي وعنده استعداد اضحي بحياته لريماس ،، ولمن حصلت الإتفاقية وتم تبادل السلع،، كان من أمراء مصر اتزوج ريماس في حياة الملك اردخس، ولمن حملت وولدت دسوا الموضوع عن الكل،، ماعدا اوتيق وزوجته عشان اعتنوا بيها هم عشان خافوا عليها من واترب،، بس غابتس وهاكا كان بتابعوها عن بعد لمن كبرت، ولمن حصل لريماس الحصل هو كان مسافر،، وعرف من هاكا الاختفت عن الانظار عشان تخطط وناس واترب وهترع م يشكوا انهم ممكن انكشفوا..
غابتس: قزم ظريف،، خادم لهاكا،، شخصية فكاهية متأثرة بغموض هاكا،، وعنده جنون عظمة😓😓

واترب: خائن وعميل وحيوان وكله فيه😤😤

هترع: خله بالنية ،، لو نبذته للصباح م بخلص😏👋👋😤

ريناس: يلا القصة كلها هنا،، ريناس ياها الكنداكة في قصص خرافية كتيرة عنها ،، زيها زي نفرتيتي في مصر،، يلا ريناس ده اسمها الحقيقي والكنداكة لقب،، ومجوهراتها تعتبر من اثمن واجمل واروع وادق المجوهرات في العالم،، وفتشوا عنها أن م مصدقين،، وهي تعتبر من اهم الفراعنة الكوشيين نسبة لدهائها العسكري العظيم،، ومن النقاط المهمة فيها انها كانت بتقود الجيوش في المعارك بنفسها،، ونسبة لقوتها يرمز للمرأة السودانية بها❤❤..

_____________________________
*تنويه:

جمع كنش : كنشة وليس اكناش..
(اكتشفت الكلام ده من الوالدة الله يحفظها😹😹)..

*انا بعتذر لان الرواية تحتوي على مشاهد مخلة بالوحدانية الالهية، بس للاسف حقبتهم كانت بالفعل كده، وم ح نقدر نغير التاريخ، وهم كانوا وثنيين فعلاً، وانا بس نقلت لكم جزء من واقع حياتهم، واساساً الرواية موضوعة في قسم الفانتازيا، يعني رواية خيالية بحتة*..

بكرر اعتذاري ، واتمنى اسمع ارائكم وانتقاداكم، وابدا الانتقاد م بزعلني، بالعكس بحس الناس متابعة معاي، ياريت اكون انتقاد بناء بس..
"في يا جماعة أغنية لندى القلعة اسمها *الكنداكة النحاس والسيف والدرع* للاسف م لاقياها، البلقاها ارسل اللينك في الكومنت👇"..

تحياتي:
تسنيم العوض المسلمي
TasneemElawad
*روح*..

#نتلاقى_ في _قصة _كاكي