رواية انت مُناسب لي بقلم:شروق خالد

Part 1

في بيت كبير وجميل في احدي بيوت فرنسا تجلس بطلة روايتنا ليلي
_____________
ليلي فتاة جميلة تتميز بجمالها الساحر فهي ذات البشرة البيضاء والعيون البني والشعر الاسود الحرير الذي يصل الي خصرها وهي من اصول مصرية ولكنها تعيش هي ووالدها رأفت ووالدتها حنان في فرنسا لتكمل تعليمها في الخارج بعد وفاة اخيها وهي في كلية طب وحصلت علي الدكتوراه والماچيستير
__________________
في بيت ليلي كانت تجلس ثم دخل عليها والدها
رأفت:ليلي حبيبتي هو انتي هتجيبي شهادتك بكرا وكل حاجه تخصك من الجامعة صح
ليلي بتعجب:ايوا يا بابا ليه
رأفت:انا قررت ننزل مصر
ليلي بفرحة لانها تعشق مصر: بجد يا بابا
رأفت:ايوا عمك كل شوية يكلمني ويقولي لازم ننزل مصر بقي
ليلي بتفكير:طب وشركتك اللي هنا دي يا بابا
رأفت:هصفي كل حاجه هنا وهفتح شركة في مصر
ليلي: طب كويس ثم قالت بتعجب:امال ماما فين
رأفت:بتجيب شوية حاجات من السوبر ماركت
ثم دخلت عليهم حنان وهي تحمل بعض الاكياس
حنان: السلام عليكم
رأفت وليلي:وعليكم السلام
ثم قامت ليلي واخذت منها الاكياس
رأفت:اقعدي يا حنان عايزينك في موضوع
حنان:حاضر.....ثم جلست
ليلي بفرحة:ماما هننزل مصر
حنان بفرحة هي الاخري:بجد
رأفت:اصل خلاص إحنا كنا جايين عشان ليلي تكمل تعليمها هنا وهي الحمدلله خلصت وهتروح بكرا الجامعة تجيب شهادتها اللي هناك وانا هحجز علي طيارة بعد يومين
ليلي:يا سلام الواحد اخيراً هينزل ويشوف صحابه بقي
حنان بضحك:طب يلا يا اختي عشان نحضر الشنط ونلم حاجتنا
ليلي بفرحة وضحك:يلا
__________________
في القاهرة
في ڤيلا كبيرة وتتميز بالجمال والرقي يجلس مروان وعائلته يتناولون الغداء
__________________
مروان بطل روايتنا وهو ذات العيون الزرقاء ووسيم للغاية ويهتم بجسمه وعضلاته البازرة فجميع البنات يتمنون ان يحدثهم مروان وهو يعيش مع والده ادهم الشاذلي ووالدته مني واخوه خالد وهو متخرج وعنده شركة ادوية خاصه به
___________________
كانوا يجلسون يتناولوا الغداء
ادهم لمروان:قولي يا مروان شركتك عامله ايه
خالد بضحك:كويسة يا بابا وبتسلم عليك كمان
ادهم بغضب:خااالد انا بتكلم مع اخوك بجد
خالد :اسف يا بابا
ادهم:ها قولي يا مروان
مروان وهو يأكل:اهو يا بابا ماشيه وعندي صفقة لو عملتها هتبقي ضربة حظ ليا
مني:ربنا يوفقك يا حبيبيي
ادهم:صفقة ايه دي
مروان بتعجب:وانت من امتا يا بابا وانت بتهتم بشغلي
ادهم:هو مش من حقي اعرف شغل ابني ولا ايه
مروان ببرود:لا من حقك
مني:يلا كملوا اكلكوا بقي
قام مروان ثم قال:انا كلت
ادهم بصرامة:كمل اكلك
مني:مروان انت مأكلتش حاجه يا حبيبي
مروان:لا اكلت ثم ذهب الي غرفته وقام بعده خالد
مني:براحه علي الولاد شوية يا ادهم
ادهم بغضب:انا عارف انا بتعامل معاهم ازااي
مني:مالك يا ادهم بقيت عصبي اووي اليومين دول
ادهم بهودء:مفيش شوية مشاكل في الشغل
مني:ربنا يعينك يااارب
______________
في فرنسا
ليلي:يا ماما انا تعبت مش قادرة
حنان بضحك:ليلي يخربيتك احنا ملمناش من الحاجه غير نصها لسه فاضل حاجات كتير اووي
ليلي بضحك:لا معاكي ربنا بقي
ثم خرجت من الاوضة واخذت تحدث نفسها وتقول: دا انا بموت من اول الحاجه وهي عايزاني اكمل معاها باقي الحاجات دا انا كنت فرحانه اننا هننزل مصر عشان كده قولت الم معاها شوية حاجات واساعدها انا عارفه هي فرحة البدايات بس
رأفت بضحك:ليلي انتي بتكلمي نفسك
ليلي:الست اللي جوا دي مش بتتعب وعايزاني اكمل معاها دا بُعدها انا هدخل انام هنزل بكرا الجامعة بدري اروح اجيب الورق بتاعي كله
رأفت بحنان:طيب يا حبيبتي ادخلي نامي انتي وانا هروح اساعدها بس هعمل مكالمة كده
ليلي:طيب تصبح علي خير بقي
رأفت وانتي من اهل الخير
___________________
في القاهرة
في ڤيلا ادهم الشاذلي تحديداً غرفة مروان كان يجلس ثم قرر الاتصال بصديقه يحيي
مروان:الو ايه يابني
يحيي:ايه يا عم
مروان بزهق: تعالا ننزل نقعد في كافيه
يحيي بتعجب:اشمعنا
مروان:زهقان
يحيي:طب تعالا ننزل كافيه*****
مروان:اشطا هغير هدومي وهنزل
يحيي:تمام
ثم اغلقوا الخط
____________________
اما بالاسفل
كان يجلس ادهم ومني وخالد يشاهدون التلفاز الي ان اتي لادهم اتصال من الخارج ثم فتح الخط
ادهم:..........