رواية انت مُناسب لي بقلم:شروق خالد

Part 6

يحيي بجدية:طب تعالي عايزك في الاوضه
نور:ليه
يحيي:بطلي لماضه وتعالي
ثم ذهبوا الاثنين الي غرفة يحيي
ثم قال:انا عايز اعرف انتي ليه بترفضي كل العرسان اللي بيتقدمولك مع العلم ان كلهم من دفعتك وقرايبك وجيرانك
نور بتوتر:اصل
يحيي بشك:اصل ايه انطقي
نور بتماسك: يا عمي مش لما اخلص الاول كلية واشتغل وبعدين ابقي افكر في الحاجات دي انا مش عايزه اشغل نفسي دلوقتي
يحيي بعدم تصديق:متأكده
نور بضحك:ايوا طبعاً يا بطه
يحيي بضحك:يا بنتي بطلي الزفت دا بقي
نور بضحك:توء توء
يحيي: طب غوري برا الاوضة عشان عايز انام
نور:مش هتأكل معانا
يحيي بتعب:لا هنام وهأكل لما اصحا ويلا بقي واقفلي النور والباب وراكي
نور:حاضر
ثم خرجت من الاوضة
_____________________
في ڤيلا ادهم الشاذلي
دخل مروان ومعه ليلي
ادهم بفرحة لانه بدأ يقربهم من بعض:حمدلله علي سلامتكوا يا ولاد
مروان وليلي:الله يسلمك
ليلي:امال فين بابا وماما
مني:بيريحوا فوق شوية يا حبيبتي
ثم نزل خالد من غرفته اليهم وقال:ليلي وحشتيني
ابتسمت ليلي ثم قالت:خالد فينك يا عم عماله اسأل عليك من الصبح
خالد بضحك:الجامعة يا ست وسنين الجامعة
ليلي بابتسامة:معلش يا سيدي ربنا يوفقك
خالد: ياارب
ادهم:اطلعي يا حبيبتي ارتاحي
ليلي: ربنا يخليك يا عمو انا عايزه مروان في كلمتين وبعدين خارجه
مني بتعجب:رايحه فين يا بنتي
ليلي:اصلي كلمت صاحبتي وكده وهنتقابل سوا
ادهم بصرامة:مفيش خروج غير لما تاخدي حد من ولاد عمك
ليلي:يا عمو انا مش صغيرة وبعرف اروح واجي لوحدي
ادهم:انا قولت اللي عندي
ليلي: تمام هاخد خالد
خالد:حبيبتي يا ليلو
ليلي بابتسامة:اي خدمة يا سيدي
ادهم بمكر:بس خالد خارج معايا
خالد بصدمة:خارج معاك فين
ادهم:عندنا مشوار سوا
ليلي: خلاص يبقي نخليها يوم تاني بقي
مني:ليه يا حبيبتي ما تاخدي مروان
ليلي:لا معلش مروان لا
ادهم باستفهام:اشمعنا
ليلي:اصل مروان عنده شغل لازم يخلصه دلوقتي انا بس هاخده الجنينه اقوله حاجه ثم نظرت الي مروان وقالت:ممكن تيجي معايا الجنينة برا لو سمحت
مروان بتعب شديد ولكنه يتماسك:حاضر
ثم ذهبوا
__________________
في الغرفة عند رأفت وحنان
رأفت:تفتكري ليلي ممكن توافق علي مروان
حنان بتعجب:ومتوافقش ليه
رأفت:يعني ممكن تكون عشان متربين سوا وكده انها شايفاه اخوها وبس وانتي ناسيه ان اسر كان كل حياتها وهي من ساعت وفاته الفرحة مدخلتش قلب ليلي
حنان بدموع:وحشني اووي مات في عز شبابه
رأفت بحنان:حبيبتي ربنا يرحمه هو ميغلاش علي ربنا
حنان بحزن:ياارب يرحمه ياارب
رأفت:يلا ننزل بقي نقعد معاهم
____________________
في الحديقة عند مروان وليلي
مروان:خير عايزاني في ايه
ليلي:ابداً انا مردتش اقولهم انك تعبت انهارده عشان ميتخضوش وقولت نطلع نقعد هنا عشان اعرف اكشف عليك
مروان بضيق:طب اتفضلي واخلصي
ثم اخرجت ليلي اجهزتها وبدأت في فحصه
ليلي بخضه:مرووووووووووان
مروان بفزع:صوتك في ايه
ليلي:انت ازاي سايب نفسك كده
مروان :الله هو ازاي يعني
ليلي: بص احنا هنحتاج نعمل التحاليل دي ويارب ميطلعش اللي في دماغي صح
مروان بتعجب:اللي هو ايه
ليلي بتوتر:ها لا قصدي ابقي اعمل التحاليل ويلا ندخل نقعد معاهم بقي
____________________
عند يحيي ونور
دخلت نور الي غرفة يحيي وهي تتسحب وكان معها قناع بشكل وحش وصاروخ ثم قامت برمي الصاروخ تحت سرير يحيي وواقفت امام السرير وكانت الغرفة مظلمة
قام يحيي مفزوع من نومه ثم قال بصراخ:الحقوووووووووووني
نور وقعت علي الارض من كتر ضحكاتها
ثم قام يحيي من علي السرير وقال بعصبيه:ايه اللي انتي عملتيه دا
لم ترد نور من كثرة ضحكها
يحيي بعصبية:بتضحكي علي ايه يا زفته
نور بضحك:اديني فرصة اشرحلك بس
يحيي بزعيق:تشرحي ايه دا انا هشرحك دلوقتي تعاليلي ياختي
خرجت من الغرفة واخذت لتركض وتجري في جميع الشقه فهم يعيشون في شقة كبيرة للغاية
نور توقفت بس قالت وهي تنهج:استني بس يا عم انت فاضي بكرا
يحيي باستغراب:اشمعنا
نور:بصراحه عملالك مفاجأة
يحيي بتفكير:مفاجأة ليه
نور:افتكر بس كده
تذكر يحيي ثم قال:اه دا عيد ميلادي بكرا صح
نور بضيق:عادي كده مش هتحتفل
يحيي: انتي عارفه اني ولا هحتفل ولا بحب احتفل
نور بتحدي:تمام
ثم اخذت هاتفه دون ان يأخذ باله
وخرجت من الاوضه وقررت الاتصال علي..............