رواية انت مُناسب لي بقلم:شروق خالد

Part 15

دخل مروان ومعه ليلي
ابتسم ادهم بمكر ومني هي الاخري فالذي كانوا يفكروا به حصل
خالد بصدمة:انتوا كنتوا مع بعض
مروان:ايوا
قام ادهم وقف ثم قال لمروان وليلي: عايزكوا في المكتب شوية
تعجبت ليلي ولكن مروان لم يبالي فهو يعلم ما سيطلبه منه والده
ثم ذهب ادهم وخلفه مروان وخلفهم ليلي الي المكتب ثم دخلوا
______________________
في الخارج
خالد بتعجب:ماما هو عايزهم في ايه
مني بتفكير:مش عارفه
خالد:تفتكري هيسألهم كانوا فين
مني:اكيد لا طبعاً هيسألهم ليه يعني
خالد بشك:مش عارف ليه حااسس انك عارفه
مني بتوتر تحاول تخفيه:وانا هعرف منين يعني
خالد:مش عارف عموماً ادينا قاعدين وكلها شوية ويخرجوا
______________________
في المكتب
دخل ادهم ومروان وليلي ثم جلسوا
ليلي:خير يا عمو حضرتك عايز ايه
ادهم:كنت عايزك انتي ومروان في موضوع مهم اووي
مروان:اتفضل يا بابا عايز تقول ايه
ادهم بصرامة:كتب كتابك انت وليلي بعد اسبوع
ليلي بصدمة:نعم مستحيل
مروان ببرود:انا مش هتجوز ليلي
ادهم:ليلي يا حبيبتي انتي محتاجه حد جنبك حضن تروحيله لما الدنيا كلها تقسي عليكي حد تكوني مرتاحه معاه حد يحبك وتحبيه
ليلي بدموع:بس مش مروان عمري ما هلاقي كل الحاجات اللي انا عايزها دي مع مروان انا ومروان اخوات وعمرنا ما هنكون غير كده
مروان بحزن وقال بصوت منخفض للغاية ولكن سمعته ليلي:كلهم خاينين
ليلي بتعجب:افندم
مروان بتوتر:بابا انا مش هتجوزها ودا اخر كلام عندي
ادهم:وانا قولت اخر كلام عندي لو متجوزتهاش لا انت ابني ولا انا اعرفك
ليلي:بس انا مش موافقة ولا القانون ولا الدين يسمحوا بكده
ادهم بصرامة:مفيش غيري واصي عليكي وانا موافق وهتتجوزي مروان يعني هتتجوزيه
عيطت ليلي بهسترية وشهقت من كثرة عياطها ثم خرجت من المكتب واتجهت الي غرفتها وهي تعيط وذهب خلفها خالد ومني
________________________
في المكتب
مروان بعصبية:يا بابا في حد يجبلها الموضوع خبط لزق كده كنت جبتهالها براحه كده
ادهم بغضب:صوتك يبقي واطي وانت بتكلمني وقولتلك الموضوع منتهي
مروان:بس انا مش عايزها مش بحبها كفايا اللي حصلي لحد كده
ادهم بشك:ايه بقي اللي حصلك
مروان بسخرية:مش هنولك اللي في بالك واخليك تعرف
ثم خرج من المكتب
_____________________
دخلت ليلي مسرعة الي غرفتها وهي تعيط وتقول بصوت عالي:ارحموني بقي اه يا بابا تعالا خودني انا مش حمل كل كده
امام الغرفة
خالد: ليلي افتحي احكيلنا مالك في ايه
مني:افتحي يا بنتي طمنينا عليكي
لم ترد عليهم ليلي وظلت تعيط بهسترية
ثم ذهب اليهم مروان وقال:فين ليلي 
مني بدموع:عماله تعيط جوا ومش عايزه تفتح
خالد بعصبية:انتوا عملتلها ايه انت وبابا
لم يرد مروان عليه ثم خبط علي الباب وقال:ليلي افتحي
لم تفتح ليلي ولم ترد وظلت تعيط
مروان:ليلي افتحي وهنقعد نتكلم سوا طيب ونتفاهم
فتحت ليلي وقالت بدموع:نتفاهم في ايه اانت عايزني اتجوزك عشان تحميني اذا كنت انت مجبور علي... علي الجوازة شكراً جداً يا مروان انا مش عايزه اي شفقة منكوا
مروان:ادخلي يا ليلي هنتكلم سوا
مروان لخالد ومني:انزلوا تحت وبابا هيحكيلكوا وانا هتكلم مع ليلي شوية
هزت مني رأسها بالموافقة ثم اخذت خالد وركضت لاسفل
_____________________
في غرفة ليلي
دخل مروان
اغلق مروان الباب خلفه
ليلي:سيب الباب مفتوح
مروان بتعجب:نعم
ليلي:يا تسيبه يا تخرج برا
مروان فتح الباب وقال بنفاذ صبر :امري لله
ليلي بحزن:نعم عايز ايه
مروان:استني بس انتي بتحبي حد تاني
ليلي بدموع:كنت بحب اسر اووي عمري ما حبيت غيره
مروان:بصي يا ستي احنا لازم نتجوز اديكي شوفتشي ابويا قالي ايه لو متجوزش لا انت ابني ولا انا اعرفك وانتي كمان برضاكي غصب عنك هيجوزك فا احسنلك بقي انك توافقي ويا ستي احنا هنكون زي الاخوات مع بعض اظن فهماني بس قدامهم هنتعامل زي اي اتنين متجوزين 
ليلي بتردد:بس
مروان بتسرع:مبسش يا ليلي مقدمناش غير كده بس اهم حاجه محدش يعرف حتي ندي صاحبتك
ليلي بحزن:حاضر
ظلت ليلي تفكر ولم ترد
مروان: ها قولتي ايه
ليلي بتوتر:.............