رواية انت مُناسب لي بقلم:شروق خالد

Part 30

ليلي بتماسك:طلقني
مروان بغضب شديد:نعم
ليلي انهارت من العياط:ايوا لازم ننفصل عن بعض انا مش حمل اللي انت عملته دا كنت فكراك هتبقالي ابويا واخويا وابن عمي وصاحبي وكل حاجه بس للاسف انت مطلعتش كده دا انا بحبك ليه تعمل معايا كده ليه...ليه حرام عليك كسرت قلبي وهو ما صدق يلاقي حد جانبه طب ليه قولتلي بحبك يلا عشمتني ان مفيش في حياتك غيري ليه اتجوزتني من الاول اصلاً ليه كل دا ليه ممكن عشان كنت مجبور علي الجوازة دي كنت ممكن ترفض ومتعملش فيا كده انا اتكسرت بعد موت اسر وكل حاجه في حياتي ادمرت بعد موت ابويا وامي ولما اتجوزتك قولت ان خلاص الحياة هتضحكلي ومش هحزن تاني بس الظاهر انها رافضه
مروان بحزن علي محبوبته:ليلي اهدي وتعالي نتقابل في مكان ونتكلم
ليلي بتماسك وتحدي:مفيش كلام بينا يا مروان يا تطلقني يا اما هعمل حاجه اظن انها هتضرك اووي
مروان بعصبية:ليلي ارجعي عن اللي بتعمليه دا انا بحبك
ليلي بسخرية:سلام يا ......يا جوزي ...
ثم اغلقت الخط
مروان بعصبية وبصوت عالي:ليلي ليلي
ثم انطلق بسيارته الي....
_____________________
عند ادهم
كانوا يجلسون يتحدثون
ادهم:انا هموت واعرف ليه كانت نازله معيطة ومكلمتش حد
مني:انا قلقانه عليها اوووي
خالد:يا جماعة زمانها جايه
مني:ممكن تكون مع مروان
ادهم:مش........
لم يكمل ادهم كلاماته ودخل مروان
ادهم بلهفة:مروان ليلي فين
مروان:سابت البيت وعايزه تتطلق
حلت الصدمة علي الجميع
مني بصدمة: ليه يا مروان ايه اللي حصل
ادهم بصرامة:احكي يا مروان ايه اللي حصل
حكي لهم مروان عن ما حدث
جري خالد علي مروان وامسكه من ياقه قميصه وقال:ايه اللي انت عملته دا يا حيوان
مروان لكمه في وجهه وقال بغضب :اتكلم كويس بدل ما اخليهم يترحموا عليك
ادهم بغضب:خلاص مش وقت خناق دلوقتي
مني:يا خسارة تربيتي فيك يا مروان
مروان:يا امي صدقيني انا معملتش كده
كاد ادهم ان يتكلم ولكن اوقفه صوت رنين هاتف مروان يعلن بأسم صديق يحيي ثم فتح الخط وقال بلهفه:ها وصلت لحاجه
يحيي:وصلت لحاجات كتير
مروان:اخلص قول
حكي له يحيي ما توصل اليه
مروان بصدمة:يا ولا ال*** بقي تشتغلوني انا والله لاوريكوا
يحيي:هنعمل ايه
مروان:تجيبهوملي من تحت طقاطيق الارض
يحيي:اعتبره حصل
ثم اغلقوا الخط
وحكي لهم مروان ما اخبره به يحيي
________________________
في صباح اليوم التاني
قامت ليلي من نومها وتوضئت وصلت فرضها وارتدت ملابسها وركضت لاسفل وركبت تاكسي وانطلقت ......
_____________________
عند يحيي ونور
قام من نومه ارتدي ملابسه وخرج من غرفته وجدهم يحضرون الفطار
نور بحزن:لسه ملقتوش ليلي
يحيي:لا
نور:تفتكروا تكون راحت فين
يحيي:معرفش
نادية: ربنا يريح قلبه ياارب ويلاقيها
يحيي:ياارب انا لازم انزل دلوقتي بقي عشان اروح الشركة اشوف هنعمل ايه
نور:مش هتفطر
يحيي:هاكل اي حاجه في الشركة
ثم خرج من البيت واتجه الي الشركة
______________________
عند ادهم في البيت
كانوا يجلسون جميعاً في صمت وحزن الي ان قام مروان وقال:انا همشي بقي
اتجه اليه خالد وقال بأسف:متزعلش مني انا مكنتش اقصد انت عارف ليلي عندنا ايه
احتضنه مروان وقال:ازعل منك ايه يا عبيط انت اخويا
مروان:يلا انا لازم امشي
ثم اتجه الي سيارته وركبها واتجه الي الشركة
_____________________
وقف التاكسي امام شركة اتصالات ثم دخلت الي الشركة واتجهت الي المسئول عن الخطوط وقالت:لو سمحت عايزه خط
المسئول بابتسامة:اهلا يا فندم تحبيه مميز ولا عادي
ليلي:عادي
المسئول:طيب ممكن البطاقة
ليلي: اعطته ليلي البطاقة
ثم انتهوا واخذت الخط وخرجت ولكنها توقفت عندما رأت شخص ينظر اليها ويقول:ليلي