رواية انت مُناسب لي بقلم:شروق خالد

Part 8

كادت ندي ان تتكلم ولكن اتصدمت من وجود شخص يقف خلف ليلي
ليلي بتستغراب:مالك يا بنتي
شاورت ندي بصدمة باصبعها علي الشخص
ليلي بصدمة:مروان
مروان بقرف:ايه شوفتي عفريت
ليلي بتوتر: انت انت هنا من امتا
مروان بسخرية:من اول إنشالله ياخدوه ويخلصوني
ندي:استهدا بالله بس يا كابتن واقعد
مروان بصرامة:شكرا ثم نظر ليلي وقال:يلا بينا يا محترمة
ليلي:احنا لسه جايين ملحقتش اقعد مع ندي
كاد ان يتكلم ولكن اوقفه دخول شخص اليهم ثم قال للبنات: خير هو الولد دا بيضايقوا
مروان بتعجب:افندم
الشخص:مالك بيهم يا كابتن انت ايه معندكش اخوات بنات هو في حد يعاكس القمرات دول بس
مروان بغضب ثم امسك الشخص من ملابسه:وانت مالك اهلك بيهم يااض
الشخص:اوعا سيبني دا انا هكسرك
كانوا البنات ينظرون اليهم بصدمة ولم يتمكنوا من النطق
مروان:طب تعالالي يا حيلتها ونشوف مين هيكسر مين
ثم انهال عليه مروان بالضرب وكاد ان يموته في يده ولكن فصل بيهنم الشباب الموجودين بالنادي
مروان للبنات بعصبية:مش يلا بقي
خرجوا من النادي ثم قالت:اسيبكوا بقي ليلي خلي بالك من نفسك
اكتفت ليلي بهز رأسها بالموافقة
ثم ركبوا العربية واتجهوا الي البيت
_______________________
في بيت يحيي ونور
في غرفة نور كانت تجلس تفكر في ذلك الشاب الوسيم ثم دخلت عليها والدتها وفاقت نور من شرودها وقالت:ها بتقولي حاجه يا ماما
نادية والدتها:دا انتي مش معايا خالص
نور:لا ابداً كنت بفكر في بكرا وكده
نادية:انتي هتعملي اللي في دماغك بردو
نور:ايوا يا ماما انا ظبطت كل حاجه خلاص
نادية بحنان:طب يلا نامي يا حبيبتي عشان تصحي بكرا بدري لكليتك
نور بابتسامة:حاضر
خرجت نادية وذهبت نور في سباق عميق
_____________________
في ڤيلا ادهم
دخلت ليلي وعينيها مليئة بالدموع وهي تسب وتلعن في ذلك الاحمق ودخل خلفها مروان
حنان بخضة:مالك يا ليلي فيكي ايه
لم ترد ليلي
ادهم:مروان ليلي مالها
مروان ببرود:كان في واحد بيعاكسها ضربتة
رأفت:امال مالك يا ليلي بتعيطي ليه
ليلي بدموع وصوت عالي: عشان هو همجي كل شوية يتعامل معايا علي اكني عدوته مش بنت عمه واخته الصغيرة معرفش ماله بيعاملني وبيتكلم معايا كده ليه دا شخص مش بيتفاهم غير بايده شخص مش متحضر إنسان سمج ورخم
اتجه الي ليلي مروان ثم ضربها علي وجهها بالقلم وقال ببرود:ما انا مش متحضر بقي
ليلي اتصدمت من رد فعل مروان ثم جريت علي غرفتها اللي تجلس بها
ادهم بعصبية:ايه اللي انت عملته دا
مروان بغضب:انت مش شايفها بتتكلم ازاي
رأفت:مروان في ايه اعمل احترام للناس الكبيرة اللي واقفة
مني:مروان اطلع اعتذر لليلي حالاً
مروان بسخرية:انا اطلع واعتذر كمان دا اللي هو ازاي يعني
ادهم:يبقي مشوفش وشك في البيت بقي
حنان بفزع:لا يا ادهم مش للدرجادي اطلع دلوقتي يا مروان علي اوضتك
رأفت: استني يا مروان
مروان:نعم
رأفت بحزن:ليلي اخوها مات في لحظة كانوا بيلعبوا فيها مع بعض ليلي لحد دلوقتي اسر بيجيلها في احلامها ليلي محتاجة حد جنبها حد يخاف عليها حد يعوضها عن اسر ليلي دلوقتي فوق بتعيط اطلع اعتذر ليها يا مروان ارجوك
مروان بأسف:انا اسف ليكوا بس مقدرتش اشوف حد بيضايقها ومتعاملش وهي علت صوتها علي المفروض اللي انا زي اخوها الكبير زي ما بتقول
مني:طب اطلع يا حبيبيي
مروان:..........
_____________________
في غرفة ليلي
كانت تجلس وتضم ركبتها الي صدرها وتعيط بحرقة وتقول بصوت شبه عالي:ليه ليه يا اسر سبتني ومشيت ليه سبتني لوحدي محدش بيحبني يا اسر مكنش في غيرك بيحبني ويهتم بتفاصيلي انا مش معترضه بس ارجعلي عارف لو رجعتلي والله مش هسيبك ابداً وهنفضل سوا علي طول وهتتجوز ندي طب تعرف اني كنت معاها انهارده وهي مش عايزه تتجوز وعايزك انت... انت وبس يا اسر شوفت يا اسر مروان عمل ايه زعقلي في النادي وضربني كمان هو غيرك خالص يا اسر هو ضربني انما انت عمرك ما مديت ايدك عليا ابداً طب تعرف اني بمشي ادور عليك في كل ركن في بيتنا في كل مكان كان بيجمعني بيك تعرف...تعرف اني لسه محتفظه وشايله كل لعبه من بتاعتي انا وانت واحنا صغيرين ذكري وفاتك بعد بكرا فات علي وفاتك 8 سنين يا نور عيني ربنا يرحمك ياارب
كان احد يستمع الي كل كلمة من كلام ليلي ثم دخل وقال:...........