رواية انت مُناسب لي بقلم:شروق خالد

Part 7

ثم اخذت هاتفه دون ان يأخذ باله وخرجت من الغرفة وقررت الاتصال علي........
_________________
عند مروان
كانوا جميعاً يجلسون وليلي بالاعلي تبدل ملابسها لكي تذهب لصديقتها
ثم اتي لمروان اتصال واستأذن منهم وخرج لكي يرد
مروان :ايه يا يحيي
نور بتوتر:احم انا نور
مروان بخضة:يحيي ماله هو كويس
نور بابتسامة:متقلقش كويس انا بس كنت عايزاك في موضوع وياريت تساعدني فيه
مروان: طبعاً اتفضلي
وحكت له نور ما تريده منه
مروان بضحك:معرفش الواد دا ماله والله
نور:يعني هتساعدني
مروان بابتسامة:طبعاً لازم اساعدك
نور بابتسامة:حقيقي مش عارفه اقولك ايه شكراً جداً
مروان:يا ستي بتشكريني علي ايه
نور: تمام انا عندي جامعة بكرا هخلص علي العصر وهطلع علي هناك وهرن عليك وانت تعمل اللي قولتلك عليه
مروان بابتسامة:حاضر
نور:مع السلامة
ثم اغلقوا الخط
_____________________
في الداخل عند مروان

نزلت من الاعلي ليلي وكانت ترتدي بنطال اسود وبلوزة باللون السماوي وشعرها المفرود علي ظهرها ثم قالت لرأفت:بابا حبيبيي عايز حاجه انا هروح اقابل ندي
حنان:هتروحي لوحدك
ليلي بضحك:يا ماما دا انا حافظه القاهرة حتة حتة
ادهم لمروان:مروان روح مع ليلي
ليلي بتسرع:لا لا مفيش داعي يا عمو
خالد:ما اجي انا
ليلي ببضحك وهمس لخالد:كان علي عيني والله تيجي معايا بس ابوك شكله خايف عليا منك
خالد بضحك: وليه متقوليش انه خايف عليا انا منك
مروان بضيق:بطلوا وشوشه انتوا الاتنين
مني بمكر: ما تسيبهم مش ولاد عم
مروان لليلي بضيق:ممكن تتفضلي يلا عشان عندي شغل الصبح بدري
هزت ليلي رأسها بالموافقة
ثم خرجوا من الڤيلا
____________________
اما في الڤيلا
خالد:انا طالع اذاكر بقي
الجميع:اتفضل
رأفت:تفتكر اللي انت بتعمله دا هتخلي ليلي او مروان يتجوزا الاتنين دماغهم انشف من بعض
ادهم بمكر:متقلقش هيتجوزوا يعني هيتجوزوا
رأفت بضحك:مش مطمنلك بس ماشي
ادهم:متقلقش
___________________
في العربيةعند مروان وليلي
ليلي:مالك
مروان بضيق:مفيش
ليلي بقرف:طب اتكلم حلو احسنلك
مروان بسخرية:ولو متكلمتش
ليلي:هنزل واسيبك
مروان بسخرية:هتنزلي والعربية ماشية
ليلي بغرور:لا هخليك توقفها غصب عنك
مروان:ازاي
ليلي بتحدي:هصرخ واقول الحقوني خطفني
مروان بضحك:تصرخي ايه يا بنتي مفيش حد هيقدر يجيي لحاجه تخصني اصلا وبعدين هيلحقوكي ازاي والعربية ماشيه
ليلي بدموع:طب بعد اذنك ممكن توصلني ومتتكلمش معايا
نظر لها مروان مروان وقال:بطلي عياط وبعدين انتي اللي اتكلمتي الاول
لم ترد ليلي وفضلت الصمت
ثم وصل مروان الي العنوان الذي اعطته له ليلي
مروان:انا هستناكي هنا عشان تقعدوا براحتكوا اي حد يضايقك تكلميني علي طول
ليلي بسخرية: هيفرق معاك اووي
مروان بصرامة:سمعتي انا قولت ايه
ليلي:حاضر
ثم نزلت ليلي من العربية واتجهت الي النادي ووجدت ندي تجلس علي ترابيزة ثم اتجهت اليها
ندي اول ما شافت ليلي جريوا علي بعض واحتضنوا بعض لوقت طويل ثم جلسوا
ليلي: وحشتيني اووي
ندي:وانتي كمان والله
ليلي:بس ايه يا بت انتي احلويتي كده ليه
ندي بحزن:ربنا يخليكي
ليلي بقلق:مالك يا ندي فيكي ايه
ندي:عايزين يجوزوني ابن عمي
ليلي:طب وليه يا حبيبتي متتجوزيهوش
ندي بعصبية:ليه اقولك ليه لاني لسه بحب اسر وعمري ما نسيته ومش هعرف انساه اسر كان كل حاجه ليا كل املي وحياتي كل الخير اللي في الدنيا كلها كنت بشوف فيه حنيه وطيبة قلب ليا لو عندي اخوات مكنوش هيعملوا معايا كده كنت بحب اشوفه قدامي اووي هو وحشني كل حاجه فيه وحشتني حبه ليا وحنيته عليا وخوفه علي زعلي كل دا اسر دا مكنش فيه زيه ولا هيجي زيه ابداً تعرفي اني لسه بشوف صورته قدامي لحد دلوقتي مات قبل ما يجيي يخطبني بيومين عارفه يعني ايه يعني كان خلاص هنكمل ونعيش باقي حياتنا مع بعض بس ربنا افتكره انا مش زعلانه بس عايزه اروحله كل شوية في البيت يجبولي واحد ويصمموا اني اتجوزه وكنت برفض انما دلوقتي ابن عمي مصمم اني اتجوزه وكل شوية يكلم بابا وضاغط عليهم اووي وانا مش عارفه اعمل ايه بس انا ابن عمي طيب مش عايزه اظلمه معايا مش هعرف احب حد بعد اسر صدقيني وحتي لو ضغط علي نفسي واتجوزته هفضل بحب واحب اسر لحد ما اموت
امتلئت الدموع في عَيني ليلي فهل صديقتها تحمل كل هذا الحزن وحدها وهي لم تعلم بما بها ثم قالت:حبيبتي انا جنبك متخافيش إن شاء الله هتحبي وتتحبي اكيد اسر هيكون مبسوط بحاجه زي كده
ندي بدموع:انا مش عايزه غير اللي اسر يرجع ويكون معايا وبس
ليلي: بس دي حاجه مستحيل يا حبيبتي
ندي بحزن:ربنا يرحمك يا حبيبيي
ليلي:يااارب يا ندي ثم قالت بضحك لتغير الموضوع:ايوا بردو مقولتليش انتي احلويتي كده ليه
ندي بضحك:انا اللي حلوه ولا انتي اللي بقيتي شبه الاجانب يا اجنبي انت
ليلي بابتسامة:يا بكاشه
ندي بجدية:مش ناويه تتحجبي ولا ايه
ليلي: بصراحه عايزه بس مش لاقيه الخطوة اللي اخودها عشان اتشجع وكده
ندي:طب ايه رأيك ننزل سوا نشتري ليكي حجاب ولبس طويل وانا كمان هشتري حاجات
ليلي بفرحة:موافقة طبعاً
ندي:اشطا اتفقنا انتي جايه لوحدك
ليلي بضيق:جايه معايا الحارس برا
ندي بتعجب:حارس ايه
ليلي بضحك:قصدي ابن عمي يعني
ندي:مروان ولا خالد
ليلي:لا مروان
ندي:طب مدخلش ليه ولا خايفه يدخل حد ياخده ويخطفه منك
ليلي بضحك:إنشالله ياخدوه ويخلصوني من تباته وبروده شخص رخم كله علي بعضه ومغرور ومتعجرف وشايف ان البنات كلهم وحشين وعمره ما هيتغير ...طريقته رخمه انا مش عارفه دا ازاي يبقي اخو خالد والله ساعات بحسه رقيق وهادي وساعات ياه اعوذ بالله من وشه
كادت ندي ان تتكلم ولكن اتصدمت من وجود شخص يقف خلف ليلي
ليلي باستغراب:مالك يا بنتي
شاورت ندي بأصبعها علي الشخص
ليلي بصدمة:.............