رواية انت مُناسب لي بقلم:شروق خالد

Part 14

افاقت ليلي من شرودها علي صوت يناديها ويقول:ليلي
ليلي بصدمة:انت ايه اللي جابك ورايا
مروان:مكنش ينفع اسيب بنت عمي في وقت زي دا ولا ايه
ليلي بسخرية:لا تصدق عداك العيب
مروان بتعجب:بس انتي ليه مكنتيش عايزه حد يعرف انك جايه هنا
ليلي بحزن:عشان مبحبش حد يشاركني في اليوم دا اليوم دا لاسر وبس ومكنتش حابه حد يعرف عشان ملاقيش حد جاي ورايا زيك كده دلوقتي
مروان بابتسامة حزن علي بنت عمه:طب يلا عشان نروح
ليلي بحزن:لا انا مش هروح دلوقتي ممكن تروح انت وانا هاجي بالليل
مروان مهو اكيد انا مش هاجي لحد هنا وبعدين اسيبك لوحدك تسمحيلي نقعد نهدي اعصابنا سوا انا وانتي وبعدين نروح سوا
ليلي:بس انا جاية بعربية
مروان بابتسامة:متقلقيش الراجل زمانه جاي ياخد العربية اللي انتي اجرتيها
ليلي بصدمة:انت...انت عرفت منين اني اجرت عربية وكمان عرفت منين الراجل
مروان بتنهيده:كنت خارج من اوضتي ومعدي من قدام اوضتك وانتي صوتك كان عالي اووي وانا سمعتك ولحسن حظي ان صاحب المكان يبقي صديقي وكلمته وقولته يبعتلي حد ياخد العربية لما اكلمه وانتي تروحي معايا
ليلي باحراج:مكنش في داعي لكل دا
مروان بابتسامة:ازاي بس متقوليش كده
ابتسمت ليلي فهل هو يحبها مثلما هي تحبه
ثم ظلوا طوال اليوم في اسكندرية الي ان قالت ليلي:مروان انا تعبت وعايزه ارتاح
مروان:طب يلا قومي
قام مروان ثم مد يده ليلي وقال:هاتي ايدك
ترددت ليلي ثم اعطته يدها بخجل وقامت ثم استقلوا العربية
____________________
في الڤيلا عند ادهم
خالد بتعجب:هو مروان كل دا في الشغل دا طول عمره بيجي بدري
ادهم بمكر:زمانه جااي
مالت مني علي ادهم وقالت بهمس:قصدك ان مروان راح ورا ليلي الصبح
ادهم بهمس:ايوا
ادهم:خالد انت امتحاناتك هتبدأ امتا
خالد:بعد يومين يا بابا اشمعنا
ادهم:لا عادي بسأل
مني:ربنا معاك يا حبيبيي
خالد بقلق:ياااارب
__________________
في العربية عند مروان كان يجلس بكرسي السائق وليلي بجانبه ثم راحت ليلي في النوم وسندت علي كتف مروان بغير قصد ونامت وابتسم مروان واخذها في حضنه ونامت ولكنها تمسكت فيه بعنف
_____________________
في الشركة
كان يحيي يجلس في مكتبه الي ان دخلت عليه سلمي فهي السكرتيرة الخاصه بيحيي طرقت الباب فأذن لها يحيي بالدخول
سلمي:مستر يحيي
يحيي:نعم يا سلمي
سلمي:انسه سيرين عايزه حضرتك برا
تعصب يحيي فهو يكره ذلك الفتاة وقال:دخليها بعد نص ساعة
سلمي:حاضر اي اوامر تانية
يحيي:لا شكراً
_____________________
في العربية عند مروان
افاقت ليلي من نومها واتصدمت من وضعها هذا وانها نائمة بحضن مروان وقالت بخجل:انا اسفه
مروان بابتسامة:في حد يتأسف لابن عمه بردو
ليلي:احنا قدامنا كتير
مروان:اشمعنا
ليلي:لا عادي بسأل
مروان:لا بالكتير اووي عشر دقايق
ليلي: تمام
_____________________
في البيت عند نور ونادية
دخلت من الباب ثم
قالت:ماما انا جييت
نادية:ماشي يا حبيبتي ادخلي غيري هدومك وريحي شوية يكون يحيي جيه عشان ناكل
نور:هو بابا جه
نادية:اه
نور:طيب انا هدخل انام شوية
نادية: ماشي يا حبيبتي
ثم دخلت نور الي غرفتها ودخلت نادية الي المطبخ لكي تنتهي من تحضير الاكل
_____________________
في ڤيلا ادهم
دخل مروان ومعه ليلي
ابتسم ادهم بمكر ومني هي الاخري فالذي كانوا يفكروا به حصل
خالد بصدمة:.................