رواية انت مُناسب لي بقلم:شروق خالد

Part 22

يحيي:انتي بتحبي خالد
اتصدمت نور فهي لم تكن تريد ان تخبر احد بمشاعرها تجاه خالد
نور بتوتر:بصراحه
يحيي: هاا
نور بدموع:اه
يحيي بحنان:طب ما انا كنت متأكد
نور بتعجب:متأكد ازااي
يحيي بضحك:يعني نظراتكوا لبعض في حفلة العيد ميلاد اللي مكملتش دي وكمان وقفك في الجامعة يسألك كنتي بتكلميه كده ليه
نور بفرحة:يعني هو ممكن يكون بيحبني
يحيي بمكر:والله كل واحد ومشاعره بقي
نور حدفت يحيي بالمخده وقالت:اخرج براا يا يحيي
يحيي بضحك:طب علي فكرة بقي مكنش في عريس ولا حاجه وانا اتفقت مع بابا يقول كده بس عشان كنت لازم اتأكد
نور بصدمة:يخربيتك دا انت طلعت سوسه
يحيي بضحك:ما انا اخوكي بقي
نور:طب اخرج يلا عايزه اناام
يحيي:طيب يا اختي
ثم خرج يحيي واتجه الي غرفته وذهبت نور في سباق مع النوم
____________________
مرت الايام علي جميع ابطالنا بسلام ولم يحدث شئ مهم يذكر وجاء موعد كتب كتاب مروان وليلي
____________________
في الشركة عند مروان
كان يجلس مروان في مكتبه يتفحص بعد الاوراق ثم دخل عليه يحيي وقال:يخربيتك انت هنا كتب كتابك انهارده
مروان بسخرية:المفروض اني افرح بقي وكده
يحيي: مروان حاول تحسسها انك فرحان
مروان بتنهيده:هحاول
يحيي:هو انت بتحبها
مروان :انا مش عارف بحبها ولا لا بس انا بحبها تكون قريبة مني مش بحب اشوف دموعها ولا بحب اشوفها حزينة خالص ثم قال بجدية:هي سيرين قالتلك شرطهم ايه عشان نمضي الورق والعقود
يحيي بحيرة:قالتلي
مروان:قالتلك ايه يعني
حكي له يحيي عن ما طلبته منه سيرين
مروان بعصبية:انت عبيط انت وهي ولا ايه مين دي اللي تتجرأ وتطلب طلب زي دا من مروان الشاذلي
يحيي:مهو من غير دا الصفقة مش هتتم
مروان بعصبية:إنشالله مع عنها تمت يا عم
يحيي:اهدا بس كده انهارده كتب كتابك فكر في الموضوع بعدين
مروان:سيبك من الشغل دلوقتي يلا عشان نجهز نفسنا وهات معاك والدك ووالدتك ونور لانها هتبقي لينا احنا بس وكده عشان عمي ومراته وكده
يحيي:تمام يلا
___________________
في بيت ادهم تحديدا غرفة ليلي كانت تجلس ومعها ندي صديقتها ومرات عملها مني
ندي بتردد:حلو دا البسيه يا ليلي
ليلي: لا مش حلو
مني:سيبيها يا بنتي تختار اللي هي عايزاه
ليلي:حلو دا هلبسه
ندي:دايماً ذوقك حلو كده يا بت
ليلي بضحك:عيب عليكي
طرق مروان الباب ثم دخل بعدما أذنوا له وكان يحمل في يده فستان جميل للغاية داخل الكڤر تبعه
مروان قدم الفستان لليلي وقال بابتسامة:اتفضلي
ليلي بتعجب:ايه دا
مروان:فستان هتلبسيه انهارده
فتحت ليلي الفستان ثم قالت بفرحة:الله دا حلو اووي ميرسي جداً
ابتسم مروان لفرحتها
ليلي بحزن:ممكن اطلب منك طلب
مروان:اتفضلي
ليلي: ممكن توديني عند بابا وماما واسر اقعد شوية صغننين
مروان بابتسامة:البسي وانا هستناكي برا
ليلي بفرحة:حاضر
ثم خرج مروان وقالت مني:الله الله يا سيدي دا مبيقدرش يرفضلك طلب
ندي:ايوا والله يا طنط ربنا يتمملهم علي خير
مني: ياارب
ندي:يلا يا طنط نستناها برا لحد ما تغير لبسها
خرجت ندي ومني
وارتدت ليلي ملابس سوداء ثم نزلت لاسفل وقالت لمروان:انا جهزت
مروان:جهزوا كل حاجه لحد ما نيجي
الجميع:تمام
مروان لليلي:يلا
ثم استقلوا العربية وذهبوا
_____________________
في بيت يحيي ونور
دخل يحيي غرفة نور وجدها تقف امام خزناتها محتارة
يحيي بضحك:مالك يا بنتي واقفه كده ليه
نور بِحيرة :مش عارفه البس ايه ثم قالت بتعجب:ايه اللي ورا ضهرك دا
يحيي: دا فستان
نور بحزن مصطنع:لمين
يحيي بابتسامة:ليكي يا ست البنات عشان تكوني اجمل واحده انهارده
نور احتضنت اخيها وقالت:ربنا يخليك ليا يا يحيي ياارب
يحيي:يارب يا نور عيني يلا اجهزي بقي
نور بفرحة:حاضر
_______________________
في المقابر
وصلوا مروان وليلي الي المقابر ثم نزلوا ودخلوا وجلسوا امام المدفن
ليلي بدموع:عاملين ايه اكيد كويسين عشان مع بعض انا بقي مش كويسة انا عايزاكم جانبي كنت محتجاكم اووي في يوم زي دا محتاجة ابويا اللي هيسلمني لعريسي محتاجة امي اللي هتزغرطلي وتقف معايا وتنصحني اعمل ايه ومعملش ايه كنت محتاجة اخويا اللي هيقولي هتوحشيني اووي كنت محتاجة كل دا انا لحد دلوقتي مش قادرة اصدق انكوا سبتوني ومشيتوا حضنكوا وحشني صوتكوا لسه بيرن في وداني لحد دلوقتي مشيتوا واخدتوا كل ايامي الحلوه الجايه كلها معاكوا دايماً حظي وحش كل بنت بتحلم باليوم دا وتكون مبسوطة وتقعد تكلم اللي بتحبه ليل نهار انما انا ....انا اليوم دا بعيط في وحتي الانسان اللي هتجوزه مغصوب عليا عشان يكون جانبي وميسبنيش ويمشي ليه... ليه كل حاجه حلوه مبتكملش وعمرها قصير اووي كده انا بجد مش قادرة ثم ظلت تعيط ومروان يجلس بجانبها قلبه ينقسم نصفين عليها ثم قال بحزن:.........