رواية انت مُناسب لي بقلم:شروق خالد

Part 17

ندي بصدمة:بتهزري صح تتجوزي ازاي اصلا وانتي لسه اهلك متوفين وازاي توافقي علي حاجه زي دي
ليلي بعياط هيستري:خلاص بقي كفاية ارحموني
ندي:خلاص يا حبيبتي وبعدين مش انتي بتحبي مروان
ليلي بدموع:بحبه بس هو غبي مش حااسس ولا هيحس
ندي:متخافيش مع الوقت هيحبك ويقولك
ليلي بحزن:تفتكري
ندي:طبعاً صحيح انتوا هتكتبوا الكتاب امتا
ليلي:الاسبوع الجاي اه صح انا لبست الحجاب
ندي بفرحة:بجد
ليلي:اه والله
ندي:طيب يا حبيبتي نامي وارتاحي وهكلمك بكرا اطمن عليكي
ليلي:ماشي سلام
ثم اغلقوا الخط
___________________
في الصباح
في غرفة ليلي قامت من نومها ثم اتوضت وصلت فرضها واخذت شاور وارتدت ملابسها وحجابها وركضت لاسفل
___________________
عند مروان
قام من نومه واخذ يتمرن بعض الوقت ثم اخذ شاور وارتدي ملابسه وركض لاسفل
___________________
عند خالد
قام من نومه علي صوت رنين هاتفه
يعلن بأسم عمر صديقه
خالد بنوم:اممممممم
عمر:يا عم انت لسه نايم قوم يا عم امتحانتنا بكرا عايزين نلحق نجيب مراجع ومُذَكرات
خالد:طيب ماشي هقوم اهو
عمر:اخلص يا خالد وقوم انا مستنيك في الجامعة
خالد بنعاس:خلاص اقفل بقي
اغلقوا الخط
قام خالد من نومه اخذ شاور وارتدي ملابسه وركض لاسفل هو الاخر
_____________________
في الاسفل
كان يجتمع الجميع يتناولون الفطار
في صمت وقطع هذا الصمت ادهم وقال:خالد مشوفكش انهارده بتعمل اي حاجه غير انك تذاكر وتأكل بس
خالد بقلق:حاضر
مني:ربنا معاك يا حبيبيي
خالد:يااارب يا ماما
ابتسمت ليلي بحزن وعينيها امتلئت بالدموع
ثم مال عليها مروان وقال بهمس:مالك
ليلي بحزن:مفيش
مروان:طب افردي وشك
ليلي بدموع:بعد اذنكوا ثم ذهبت الي غرفتها وهي تعيط
ادهم بغضب:قولتلها ايه يا مروووان
مروان ببرود:بسألها مالك قالتلي مفيش قولتها افردي وشك سابتنا وطلعت زي ما انتوا شايفين
مني:يا ايني انت ازاي تتكلم معاها كده اكيد لما شافتني بتكلم مع خالد بحنيه مامتها واحشتها
خالد: مروان اتكلم معاها باسلوب حلو شوية اللي ليلي مرت بيه مش سهل بردو
مروان بتنهيده:حاضر انا هقوم بقي اروح الشغل يلا يا خالد هوصلك في طريقي
خالد:ربنا يتوب عليا بقي واجيب عربيتي من التوكيل
مروان بضحك:يااارب ياخويا اهو منه استريح من خلقتك اللي بصطبح بيها علي الصبح
خالد غمز له وقال بضحك:متقلقش كلها اسبوع وهتصطبح بوش القمر يا عريس
مروان بغضب:خااااالد
خالد بخوف مزيف:خلاص يا عم يلا بينا
ثم ذهبوا لكي يستقلوا العربية
وذهب ادهم خلفهم الي عربيته
وذهبت مني الي ليلي
_____________________
في البيت عند يحيي ونور
خرجت نور من غرفتها وجدتهم يجتمعون لكي يتناولوا الفطار وكان يظهر علي وجهها علامات القلق والتوتر
يحيي بتعجب:مالك يا نور
نور بتوتر:بكرا اول يوم امتحانات
عادل:حبيبتي سيبيها علي الله
نور:ونعمه بالله
نادية:المهم اللي انتي تروحي تجيبي المراجع وكل حاجه وتيجي بسرعة وهتيجي هتلقيني محضرة الاكل عشان تاكلي وتقعدي تذاكري
نور بابتسامة:ربنا يخليكوا ليا
عادل:ويخليكوا لينا يا ولاد
نادية: يلا يا يحيي انزل علي شغلك ووصل نور في طريقك
يحيي:حاضر ثم نظر لنور وقال:يلا يا نور
ثم ذهبوا واستقلوا العربية
_____________________
في للغرفة عند ليلي
دخلت عليها مني وجدتها تعيط بصمت وتتمسك بصورة عائلتها
مني بحزن:ربنا يرحمهم يا حبيبتي
ليلي ارتمت في حضنها وقالت بعياط:وحشوني اووي نفسي اشوفهم
مني:ربنا يصبرك يا حبيبي
ليلي بعياط:يارب
مني بأحراج:حبيبتي متزعليش من مروان بس هو طريقته كده
ليلي بحزن:عادي انا اتعودت منه علي كده
مني بضحك لتغير الموضوع:خلاص بقي بطلي عياط انتي نكديه كده ليه تيجي ننزل نعمل الاكل سوا انهارده
ليلي بابتسامة:موافقة
مني بفرحة:يلا بينا
ثم ركضوا لاسفل وذهبوا الي المطبخ
______________________
في الشركة
وصل مروان الي الشركة بعدما قام بتوصيل خالد الي الجامعة ثم دخل مكتبه وطلب اية
ثم جاءت اية وقالت:نعم يامستر مروان
مروان:هو يحيي جه
اية:اه
مروان:ممكن تقوليلوا اني عايزه
اية:حاضر
ثم خرجت من المكتب وقالت في نفسها:الله يخربيتك علي يخربيت يحيي علي ام الشركة الزفت دي
ثم ذهبت الي سلمي سكرتيرة يحيي وقالت لها:بلغي مستر يحيي ان مستر مروان عايزه
سلمي:حاضر
ثم عادت اية الي مكتبها ودخلت سلمي الي مكتب يحيي وقالت:مستر يحيي
يحيي وهو ينظر في الورق:نعم
سلمي:مستر مروان عايز حضرتك في المكتب
يحيي:طيب انا رايحلوا
سلمي:تمام
ثم خرجت من المكتب
_____________________
في الجامعة
كان يقف خالد مع اصدقائه يوسف وعمر الي ان رأي نور غادر اصدقائه ثم اتجه اليها وامسكها من معصمها وقال:انتي ازاي تتكلمي معايا كده يوم عيد ميلاد اخوكي
نور بصدمة:..............