رواية انت مُناسب لي بقلم:شروق خالد

Part 4

ليلي بابتسامة:عمو ادهم
ادهم بفرحة:ليلي حبيبتي
اخذها عمها في حضنه ثم قال
ادهم بفرحة:ازيك يا ليلي فين بابا وماما
ليلي بابتسامة:الحمدلله بيجيبوا الشنط
ادهم لمروان:ايه يا مروان مش هتسلم علي ليلي دا انتوا حتي بقالكوا خمس سنين مشوفتهوش بعض
مروان بخنقه:ازيك
ليلي بعدم اهتمام:تمام
ثم اتي اليهم رأفت وحنان
رأفت ارتمي في حضن ادهم وقال:ادهم عامل ايه
ادهم:الحمدلله بخير ازيك يا حنان
حنان:الحمدلله
رأفت لمروان:كبرت يامروان وبقيت راجل اهو
مروان سلم علي عمه ثم قال بابتسامة :انا طول عمري راجل يا عمي
ضحك الجميع
ادهم:يلا بينا نتحرك بقي مروان انا هاخد عمك ومرات عمك وانت هات ليلي وتعالوا ورانا
ليلي بتذمر طفولي:لا انا عايزه اركب معاكوا
ابتسم مروان علي طفولتها وقال ادهم:حبيبتي انا عايز بابا وماما في موضوع اركبي مع مروان وهو هيجيبك عندنا علي الييت بتاعنا
حنان بتعجب:ايه دا هو إحنا مش هنروح بيتنا
ادهم:لا هتقعدوا معانا اسبوع كده دا انتوا وحشتونا اوووي وبعدين روحوا بيتكوا براحتكوا
رأفت:خلاص يا جماعة يلا بينا بقي
ثم استقلوا العربيات
في عربية ادهم والد مروان
ادهم:ها يا رأفت فكرت في الموضوع اللي قولتلك عليه
رأفت بتنهيده:اديني بفكر هجيبهالها ازاي بس
حنان بقلق:هو في ايه ما تفهموني
رأفت:اصل ادهم طالب ايد ليلي لمروان
حنان بفرحة:طب ودي حاجه محتاجة كلام دا ابن عمها يعني
ادهم:شوفت يا عم الناس اللي بتفهم
دا انتي وحشتي مني اووي
حنان بابتسامة:وهي كمان وحشتني اووي والله
________________
في عربية مروان
مروان بفضول:ممكن اسأل سؤال
ليلي بابتسامة:اتفضل
مروان بتعجب وهو ينظر لها:ليه رغم انك كنتي عايشه في فرنسا الا انك بتلبسي كويس ولبسك مفيهوش اي حاجه ملفته بالعكس دا جميل جداً
ليلي:انا اتولدت في مصر وعيشت فيها اكتر ما عيشت في فرنسا وعارفه الدين بتاعي بيقول ايه كويس اووي وإن شاء الله قريب اووي هتحجب
ابتسم مروان علي تلك براءة وجمال هذه الفتاة
ليلي:امال خالد فين
مروان:في الجامعة هيجيي كمان شوية
ليلي:تمام
____________________
عاد الجميع الي البيت ثم دخلوا مني عندما رأتهم فرحت وحضنت حنان وقالت:حنان وحشتيني اووي
حنان بفرحة:وانتي كمان
حنان لليلي:ليلي حبيبيتي كبرتي وبقيتي عروسة
ليلي بابتسامة:ميرسي
ادهم:مني هو الغدا جهز
مني:اه من بدري اتفضلوا
مروان: لا انا مش هتغدا انا رايح الشركة
ادهم بصرامة:اقعد اتغدا وبعدين خد معاك بنت عمك فرجها علي شركتك
مروان بتعجب:نعم
ادهم:زي ما سمعت
مروان بتنهيده:حاضر
ثم جلسوا ليتناولوا الفطار
___________________
في الجامعة عند خالد
كان يقف ينقل جدول امتحاناته الي ان رأي بجانبه تلك الفتاة الجميلة ثم قال لها بابتسامة:اتفضلي الجدول اهو
نور بتوتر:ها لا انا هنقله
خالد بضحك:انتي كل ما تشوفيني تتوتري كده ليه
نور بتوتر زائد: ولا بتوتر ولا حاجه عادي يعني متعودتش اتكلم مع ولاد غير اخويا
خالد باعجاب:بجد
نور بخجل:اه وبعد اذنك متكلمنيش تاني
ثم غادرت نور وقال خالد بضحكة: البت دي مجنونة ولا ايه
ثم اخذ جدوله واتجه الي بيته
______________________
في ڤيلا ادهم الشاذلي
انتهوا من تناول الغداء ثم قام مروان وقال:انا همشي بقي عشان اتأخرت يلا يا ليلي
ليلي:هنروح فين
مروان بسخرية:اكيد مش هفسحك هنروح الشركة
ادهم بعصبية:مروان اتكلم مع بنت عمك حلو
مروان يكاد ان ينفجر من شدة غضبه
مروان بابتسامة مزيفة:اتفضلي
ثم غادروا الاثنين الڤيلا
____________________
في الشركة
كان يجلس يحيي في مكتبه ثم قرر ان يخرج من مكتبه كان يتجه الي مكتب مروان وكان يسمع الموظفون يتكلمون
الشخص1:شوفت الانسه اللي كانت مع مستر مروان قمر ازاي هو في كده
الشخص2:يااه انا عمري ما شوفت كده
الشخص1:محظوظ اووي مستر مروان دا
الشخص2:اووي يلا ربنا يهنيهم
كان يستمع اليهم يحيي في صدمة
ثم اتجه الي مكتب مروان ودخل ورأي ذلك الفتاة التي يتكلمون عليها فهي في غاية الجمال
يحيي بصدمة:............