رجع لطفي ويونس وعامر للدار ...يماهم بقات ثم حتى يخلاص العرس وترجع مع خالهم.
..
يونس : واش عجباتك العروس ؟؟
لطفي : لباس عليها ..مي الڨلب لحمة
يونس : معليش المهم شفتها ..وشوف المكتوب وين يرميك
لطفي : ايه صح..انا نعيط لحنان توحشتها يالزح
لطفي يعيط لحنان متحكيش معاه بزااف وتقولو راني نقرا وعندي ااباك ..
يونس قاعد يكتب حتى عيطتلو ميسا ...
يونس : الو ميسو لباس ؟
ميسا : لباس ونتا ؟
يونس: لبااس نعمة
ميسا: عجبكم لعرس ولطفي كيفاه؟
يونس: لطفي يحب حنان ..وشحال وهو موراها ..ودرك شاف الطفلة لي قاتلو عليها يما مي قلبو عند حنان
ميسا: ايا مليح ..حنان عاقلة ونشالله تهنيه
يونس : نشالله...شبيك من صوتك تباني مقلقة
ميسا : حبيت ....حبيت نقولك حاجة..مي خفت تفهمني غالط
يونس حط ستيلوه مستغرب
يونس: قولي غير الخير ؟؟
ميسا: قبيل لعشية...ماما حكات معايا
يونس: اهيه ؟؟!
ميسا : وقاتلي ...قاتلي سمعت بحكايتنا انا وياك وبلي الناس كامل سمعت ويزيدو فالهدرة ..و
يونس : و و ...؟؟؟ واش ثاني ؟؟
ميسا : قاتلي بدلي الكلاصة قبل ميسمع بابا وخاوتي
يونس استغفر : بفففف ..زعما هذا هو الحل ؟؟
ميسا: هي قاتلي هاك..وقاتلي كون متبدليش الكلاصة نشتكي بالبروف تاعك بلي ...بلي راهو يتبلا فيك ويضغط عليك
يونس : ااااه يا ربي هذا كامل ..!!؟
ميسا : ايه عييت نفهمها ونقوللها مكان والو مي محبتش تقتنع وقاتلي مزلتي تقراي وكون يفيقو خاوتك يخرجوك مالليسي
ميسا تهدر مقنوطة وخايفة يسمعو ويخرجوها ويروحلها الباك
يونس : زعما يخرجوك ؟؟
ميسا مقدرتش تشد دموعها
ميسا : ايه...خايفة يونس راني خايفة كاش واحد يلحقلهم الخبر والله يقتلوني ويخرجوني من قرايتي
على هذيك مالاحسن نبقاو بعاد وانا نبدل الكلاصة
يونس: يعني في رايك هذا هو الحل ؟؟
ميسا : الله غالب معنديش حل وحدوخر
يونس : بصح انا نتوحشك
أنت تقرأ
القلب❤(باللهجة الجزائرية)
Romanceإذا ما بدت من أخيك لك زلة فكن أنت محتالاً لزلته عذراً، أحب الفتى ينفي الفواحش سمعه كأن به عن كل فاحشة وقراً، سليم دواعي الصدر لا باسط أذى ولا مانع خيراً، ولا قائل هجراً..
