جازو يامات لطفي ديما يحكي مع دينا ومع الوقت والفاتو ووالفها ..لدرجة رجعو ميقدروش يصبرو على بعضاهم .
ديما يحكيلها وتحكيلو ..يفهمها وتفهمو...لطفي حس براحة معاها..مي ديما كان عند و الخوف انو تكون تكذب عليه..
لطفي : علابالك دينا ديما نخمم فيك خلاص والفتك مي خايف تكوني تكذبي عليا ويصرالي كيما قبل مع حنان.
دينا : علابالي ومن حقك ..مي مش كامل البنات كيف كيف وزيد هي عينها في خوك..وانا عيني فيك..وتحب من غدوة نجيب الباتيسري ونجيب يما ونجيكم بالحسب والنسب هههههه
لطفي : هههههه مهبولة ...ياك قلتي مزلتي صغيرة !!؟؟
دينا : صح خفت نطيح في واحد يبعدني على قرايتي ..مي خممت فيك نظن مراحش ديرها
لطفي : معنديش اشكال ..الصح تكوني فحلة معايا برك..والله نحطك في عينيا ..عييت مالبنات ..انا قلبي بيض وكبير وبلخف نعشق ..واستغلوه لقلبي. .عييت حلفت منزيدش نعشق ..ومدام يما شافتك وعجبتيها وهي لي خيراتك وزدت وقفتي معايا وفيقتيني ..منظنش نلقا خيرمنك...انا حاب نخطبك على جيه اذا تقبلي بيا.
دينا تبسمت : لطفي ..حتى انا مدمتو ناس فاميليا ونتا وليد فاميليا منظنش نلقا خيرمنكم...حتى انا راني قابلة.
لطفي : دينا ..نحبك تكوني فحلة معايا ...نحبك تكوني صريحة معايا ..انا مانيش غول نحب نكون صاحبك خوك حبيبك كلشي في حياتك...منحبش الخدع..اطلبي لي تبغي نعطيك..اتهلاي فيا وفي يما بزااف عليك.
دينا : بلا متوصي ..نعرف واجبي ..
لطفي : امالا نحكي مع يما نجيبولك الخاتم على جيه فالعطلة تاع الربيع ..واش رايك؟!
دينا: اوك...معنديش مشكل ههه
لطفي : دينا ..متزعفيش مني مي مانيش حاب نصارحك بمشاعري حتى نتاكد منها ...رغم لي والفتك وارتحتلك..مي حاب تعطيني وقت..
دينا : متفهماتك عادي ...وراني معاك للخر ونوعدك نسيك فيها .
لطفي :نشالله.
...
كوبا لطفي ودينا ترمات في فراشها دموعها نازلين حاسة بلطفي وبقلبو المجروح وحابة توقف معاه للخر
دينا : انا نحبك يالطفي افهم ..نحبك وحتى انا مقدرتش نصارحك مي راح نكون سند ليك نوعدك..
....
لعشية يونس وخاوتو يتعشاو مع يماهم حتى سمعو عياط وهدرة براا...وحس بزااف ..
خرج يونس يشوف ...
شوية هاك رجع وجهو مقلب ...شاف في عامر وهبط عينيه..
عامر وقف وخرج يجري حس بلي حاجة متعلقة بنورهان .
زهيرة: ريحني يونس !؟!
يونس: جارتنا توفات ..يمات كريم ونورهان..
زهيرة: ربي يرحمها صح كانت مريضة ...ان لله وان اليه راجعون
عامر خرج برا يشوف نسا تتع الجيران داخلين وكريم واقف برا والناس تعزي فيه...قلبو تزير عارف نورهان راهي تبكي الدم على يماها خاطر كانت تحبها وتعزها بزااف وهي لي بقاتلها مور وفاة باباها .
خرج يونس ولطفي وراحو عزاو كريم...
حتى عامر معاهم..
يونس ولطفي يحكو مع الجماعة لي ثما.. وعامر ساكت ويشوف في دار نورهان عقلو فيها ..حتى شاف يماه خرجت راحت دخلت عندهم تعزيهم..
تنهد واستغفر ..
يونس قعد قدامو حاس بخوه وبوجيعتوو.
يونس: متتقلقش عامر ...هذي ميمتها وهذي حال الدنيا .
عامر هبط عينيه حزين : يماها كانت عزيزة عليها بزاف
قاتلي حابة تقرا وجيب اباك وتفرحها...يماها تعبت بزاف عليها وعلى خوها مور موت باباهم...غاضتني نورهان لي مقدرتش تفرح يماها وتحققلها امنيتها.
يونس : ايه الموت سبقت وهذي حاجة ربي ..هم السابقون ونحن اللاحقون ..هذي حال الدنيا..
عامر : علابالي ..يونس انا نروح منا مانيش قادر نحمل ...عارفها راهي تبكي ومنقدر ندير والو ..الله غالب نخاف منحكمش روحي وندخل ليها .
يونس: روح ريح حنا رانا هنا معاها..
عامر : صحيت..
...
راح عامر بعد منثم..محملش عارف نورهان راهي محروقة على يماها.
بقا يشوف فلي ميساج تتعها وتاع الفايس ويتحسر ..غاضتو ..نورهان عاقلة وحنينة بزاف وعامر يعشقها لدرجة متتخيلهاش في مخها ..
عامر: ااه يانورهان كون نقدر نحي حرقتك من قلبك ونحطها فيا...متبكيش بزااف يانورهان ..راحت يماك انا يماك انا كلشي...ارحمي عينيك ارحميهم وارحميني معاهم.
...
نرجعو لنورهان...مور ماتوفات يماها ..كانو فاميلتها ثم
وكاين لي جاو منبعد مع الجيران يشوفوهم.
نورهان تبكي تشهق بالبكا حتى بعدوها على يماها ويسكتو فيها..
نورهان : لمن خليتيني يماما علااااش علااش يا ربي ديتهالي علاااه. ..لمن نصد انا درك...ياااربي ارحمني يااربي..
تبكي دموعها ويدان وقلبها محروق على ميمتها لي راحت وخلاتها ..
بقاو يسكتو فيها ويصبرو فيها ..مي الحرقة لي في قلبها كانت كبيرة بزااف ..تبكي مقدرتش تحمل ولا تصبر ...
عمتها عنقتها وتبكي معاها : خلاص نورهان ارحمي عينيك ...يا بنتي هذي حال الدنيا...مكتوب ربي يابنتي الصبر ربي يعطيك الصبر.
نورهان : مقدااارتش ياعمتي مقدرتش...علاه نقرا باش نفرحها ووعدتها نخدم ونديرلها لي تحرمت منو وهي تربي فينا.....علاه راحت وخلاتني معلقة هااك علااه..
...معليش يابنتي راحت وهي راضية عليك..ادعيلها ربي يثبتها ويكتبلها الجنة
نورهان شفتها تترعد : ن...نن ننشالله...
عمتي ...عمتي شوفيها جابلي ربي تحركت...بلاك ماماتتش....شوفيها عمتي عيشك شوفيها..
وناضت ليها تقلب فيها
نورهان: ماما ...ماما نوضي...ياك موالفة ديريها...نوضي عيشك ماما ..لمن خليتيني يا ما ما حراام عليك...ياك قلتيلي نزوجك ونتهنا منك...علاه رحتي ..علاه..
جبدوها من قدامها ويسكتو فيها وهي انصرعت بالبكا حتى طاحت تغمت محملتش .
عيطو لخوها باش يخرجها ...خرجوها باش يدوها للسبيطار ..
عامر كان راجع قلبو قعد فيها ماقدر يقعد ماقدر يبعد..حتى شافهم مخرجينها راح يشوفها شدو يونس .
عامر : شبيها يونس؟؟!!
يونس : متتقلقش عامر
وجبدو دخلو لساحتهم باش ميسمعوهمش
عامر: يونس خليني نشوفها يونس .
يونس : عامر ربي يهديك..واش شوف شد روحك يالرب راك راجل شبيك..
عامر : يونس نروحو نشوفها فالسبيطار.
يونس ؛ درك تريح ويرجعوها ..عامر ريح متزيدلهاش مشكل وحدوخر....لي فيها يكفيها ..افهم عااامر .
عامر خبط الباب برجلو ودخل عارف هدرة يونس هي الصح مي قلق عليها وقلبو مقبوض عليها ..
بقا فالدار يشوف في تصاورها فالبسي ورجلو تترعد مقلق حتى بعثلو يونس قالو جابوها ...غلق البسي وخرج يجري يشوفها
خرج عامر شافهم هبطوها ودخلوها تمشي بلعقل ...قلبو تزير .
يونس : درك تريح..مع الوقت راح تنسا ...هذي حال الدنيا .
عامر : ربي يعطيها الصبر. ..حرقتني يالزح
يونس : واش راح دير ...تبكي وتنسا كيما كامل الناس.
عامر : واش دخلني انا فالناس ...الصح عندي هي متبكيش .
ودخل للدار..
يونس بقى برا معاهم هو ولطفي حتى دخلو كامل للدار. ..وناوين يدفنوها غدوة منذاك.
..
عامر في فراشو يتقلب مقدرش يرقد...محبش يعيطلها خاطر ماهيش وحدها مع لافامي ..
قلق..
يونس كان فالكوزينة ياكل ولطفي رقد..
جات زهيرة من عندهم..
عامر سمعها جات نقز من بلاصتو للكوزينة ..يشوفها واش تقول..
قعدت زهيرة ويونس يسقسي فيها عارف عامر محروق ويعرف.
يونس: واش كيفاه خليتيهم ؟؟
زهيرة : معندك ماشوف...بنتها قريب هبلت عليها ...حتى ولينا نسكتو فيها وهي قالت منسكت .مسكينة تقطع القلب...لا يمات لا بابات...حليلها وربي يصبرها ..
عامر واقف يستغفر عينيه حمر مقلق
يونس : ربي يصبرها نشالله
زهيرة : مقدرتش...كيما درنالها قالت منسكت...حتى داروها سورانغ. فالسبيطار وجابوها رقدت ديراكت رقدت ودموعها في عينيها ...خليت عمتها تغطي فيها ..
حليلها هذا واش نقول...
انا نروح نرقد...ونتما متنساوش غدوة نشالله الدفينة
يونس: علابالي ..تصبحي بخير.
زهيرة: ونتوما بخير..
راحت زهيرة تقعد...عامر ترما في الكروسي وتنهد..
يونس: روح ترقد عامر ...غدوة ربي يرحمها نشالله.
عامر : مقدرتش نرقد...عقلي رهو عندها ..
يونس: واش راح تقدر ديرلها؟؟ والو...روح ريح غدوة ندفنوها منبعد يروحو الناس وشوفها وريح راسك
عامر تنهد : نشالله..
راحو رقدو..
...
غدوة منذاك الدفينة...خرجوها يمات نورهان في صندوق ونورهان تبكي دارت حالة حتى عامر سمعها من برا .
سكتوها واعطاوها دوا شرباتو...
راح عامر وخاوتو مع الجيران ودفنوها فالجبانة...
ورجعو ...
زهيرة رجعت للدار طيب باش تديلهم..
شافها عامر مقدرش يشد روحو
عامر : واش بنتهم ريحت ؟؟.
زهيرة: واش ريحت ...المخلوقة يسكتوها بالدوا باش تريح....هذي ميمتها عزيزتها...ربي يرزقها الصبر .
وخرجت.
عامر : ربي يصبرك يانورهان راح نهبل عليك يا ربي كون معاها وخفف عليها وجيعتها
أنت تقرأ
القلب❤(باللهجة الجزائرية)
Romanceإذا ما بدت من أخيك لك زلة فكن أنت محتالاً لزلته عذراً، أحب الفتى ينفي الفواحش سمعه كأن به عن كل فاحشة وقراً، سليم دواعي الصدر لا باسط أذى ولا مانع خيراً، ولا قائل هجراً..
