رجع يونس وبقا يتصرف عادي مع ميسا ولطفي باش ميحسوش بوالو..حتى يحكمهم متلبسين..
لحق نهار الثلاثاء يديرو ليكور لعشية...
راحت حنان وميسا للدار يفطرو ويطلعو على الوحدة للايكول تاع حنان .
حنان ناوية اليوم طبق خطتها وتفرق بين يونس وميسا...
عيطت لطفي وقاتلو نتلاقاو ...فالبلاصة الفلانية..
جاية قريبة وين يديرو ليكور ويريحو فيها ليكوبل ..
لطفي فرح راح لبس ووجد روحو فرحان..
راحت ميسا تقرا كي لحقت وين تطلع فالبيس تستنا مجاتش حنان عيطتلها .
ميسا: وي حنان ...مجيش؟؟؟
حنان : منجيش راني مريضة .
ميسا : دوماج
حنان : نطلب منك حاجة معليش ؟؟
ميسا: وي ؟؟
حنان : تفاهمت انا ولطفي نتلاقو في ***** ومقبيل وانا نعيطلو مرفدش عليا...عيشك. روحي ليه قوليلو بلي منجيش راني مريضة باش ميبقاش يستنى .
ميسا: نخاف يونس ميحبش
حنان: علاه ميحبش ياك خوه ؟؟؟
ميسا : نسقسيه ..
حنان : نن متسقسيهش ...بلاك ميخليكش ولا شكون شافو...و لطفي يبهدلني ..روحي بلخف قوليلو وارجعي.
ميسا:اوك...في خاطرك برك.
حنان : ميرسي .
راحت ميسا وين راهو لطفي باش تخبرو..
حنان عيطت ليونس وقاتلو راح يتلاقو فالبلاصة **** روح ليهم..
يونس: ونتي وين راكي؟؟
حنان: راني مريضة بالدار ....روح واكشفهم..
يونس : اوك ميرسي ربي يشافيك.
حنان : ميرسي .
راح يونس باش يكشفهم ولطفي باقي يستنا في حنان ...وميسا رايحة عند و وماهيش عارفة يونس جاي باش يلقاهم مع بعض ويكشفهم..وحنان مكانتش فالدار ...كانت عند الجاردان لي راح يتلقاو فيها مي متخبية
لحق يونس للجاردان ملقا حتى واحد....حنان كانت تبع فيه ...ملقات حتى واحد تخلعت...
بقات شوف في يونس يحوس عليهم.... مفهمتش ميسا ولطفي وين راهم..
لطفي : حنان جيتي ..واش راكي ديري هنا ؟؟
حنان مخلوعة : كنت نحوس عليك ..
لطفي : هيا ندخلو ..
حنان خايفة تدخل يشوفها يونس ...بقات تسمط..
لطفي: شبيك..؟؟
شاف يونس..
لطفي : يونس راك هنا ؟؟
يونس جا لقاه مع حنان استغرب
يونس : وين راهي ميسا تتمسخري بيا؟؟ وواش راكي ديري هنا ؟؟ماشي قلتي مريضة ؟
لطفي : شبيك يونس ؟؟ تفاهمنا نتلاقو انا وحنان ...واش دخل ميسا ؟؟
يونس : نتا ومبسا صح تحبو بعضاكم ؟؟
لطفي : انا ؟؟؟ وميسا ؟؟؟ وشبيك يونس ؟؟.
يونس : وكنتو راح تتلقاو..
لطفي : مكاش منها ...انا راني مع حنان من اول نهار ..
ثم عيطت ميسا ليونس
ميسا : يونس حنان قاتلي روحي عند لطفي نقولو بلي مجيش هي خاطر راهي مريضة ...معليش نرو ح ليه ؟؟
يونس: ااه ؟؟!!
ميسا : شبيك يونس ؟؟؟
يونس : ايه....
وكوبا ..
زادت عيطت لحنان قلها لطفي ديريه هوت بارلور
ميسا: حنان قتلو ليونس وقالي روحي عند لطفي ..هاني رايحة ليه....
يونس شاف في حنان بحقد : واش هذي المسرحية لي درتيها ...نتي لي خلقتي الموعد هاذا و تقولي مريضة..وجيتي باش شو في اذا الخطة تاعك نجحت !؟؟؟
حنان رجعت تبكي مالخوف كي كشفوها ...معرفتش واش تهدر....بقات دافع على روحها...
حتى خرجتلها دينا ..
دينا : مكلاه تكذبي حنان....شفيتي عليا ؟؟
حنان مخلوعة
دينا تضحك : هههههه انا لي كنت فالمكتبة كيما عيطتي لميسا باش جي وليونس ثان ...
حنان : ونتي وين تعرفينا ؟؟
دينا قربت للطفي : انا لي جا لطفي يخطبني وبسبتك مقبلش ...واليوم جيت على اساس باش يمدلي عفسة
تتع المولودية ويعرفني بيك...حتى صدفة سمعتك تهدري مع ميسا ويونس تليفون وقلتي حنان ولطفي عرفتك...مانيش ذراري ....ثم فقتلك...وعيطت للطفي يخرج مالجاردان ويجي ليا وانا جيت عند ميسا ورجعتها ...وهكا رجع لطفي ولقاك مخبية والباقي تعرفيه..
حنان حستهم كامل فاقولها وضدها..خافت منهم بقات تترعد في بلاصتها ...جات تهدر...
يقرب ليها لطفي ويرفد يدو يعطيها كف...شدت وجها من قوة الوجيعا
حنان تبكي بالدموع وتقول سامحوني ..
ميسا : علاه ...فهميني واش كان هدفك من هذا للشي ؟؟
يونس تنهد : باش توصل ليا ..
ميسا ؛ اااه؟؟؟؟ تحبي يونس.
حنان : ايه..انا نحبو وكي نشوفو معاك نهبل . ..مقدرتش نشوفو معاك..
لطفي : يعني انا كنتي دايرتني تمسخيرة ؟؟! اااه يااربي ...يا ربي مانيش قادر نامن ...كيفاه فرخة تتمسخر بيا ..خليتيني حبيتك وقريب تعادينا انا ويونس بسبتك...نتي بنادم ولا شيطان !؟!.
ولاعبتهالي بنت فاميليا...ااااخ.
ميسا : عيب عليك قريب فرقتينا انا ويونس وفرقتي الخاوة ...وتحرقي كبدة يماهم عليهم...نوكل عليك ربي ..حسبي الله ونعم الوكيل فيك
لطفي يغلي قلبو محروق ..قرب ليها حاب يضربها مبردش قلبو....يونس فاهمو...راح ليه شدو .
يونس : لطفي حنا رجال ..والراجل ميضربش طفلة..وهذي شيطانة سمي منها كي شوفها...متوسخش يدك بوحدة مسخة...الف وحدة تتمناك ..
لطفي بعد وكمل يمشي حزين...دينا لحقاتو
دينا : لطفي .. علابالي ماشي وقتها ...مي كي تحب تحكيلي تلقاني ...عندك نومرويا ونقرا فلافاك ..عادي نسمعلك...تتهلا في روحك واحمد ربي لي فقتلها
لطفي : يعطيك الصحة دينا كون ماشي نتي كانت تخربت الحالة..
دينا : بلا مزيتي..هيا نخليك ..
راحت دينا ولطفي يشوف فيها حتى بعدت..
كمل طريقو هابط للبحر حزين مدمر...
نرجعو لميسا..مشات من قدام حنان و رايحة....يونس جا موراها
ميسا : روح ليها ياك امنتها وانا كذبتني ..
يونس : عمري ميسو سوء فهم برك متتغشيش .
ميسا : هذي يسموها قلة ثقة...ونتا معندكش ثقة فيا...خسارة حبي ليك...معليش بصح ..دبر راسك..
وراحت تمشي مغشة..ويونس وراها يهدر معاها محبتش تهدر معاه ..
طلعت فالبيس وخلاتو ياكل في روحو نادم على الشك لي شكو فيها .
نرجعو للطفي قاعد وحدو في شط البحر حزيين...البرودة مي هو محروق وناار شاعلة فيه ماشي حاس بالبرد..
لطفي : ياربي علااااااش علاااش ..حبيتها انا من ڨلبي وهي خدااعة ...انا الڨلب هذا نحرقو يلزم نحرقو..باش نرتاح..
وعيط علىى طول صوتو حزيين مدمر ..الدمعة في شفرة عينو حابسها ..الطفلة لي حطها في عينيه طعناتو في ضهرو..
حنان مور مراحو وخلاوها بعد ما بهدلوها...راجعة للدار
تمشي وغايسة حاسة روحها حشرة...خاطر رخسو بيها بزااف وبهدلوها...تفكرت لطفي واش دار على جالها ودرك خسراتو وخسرت صحبتها ويونس وكلش..
تمشي وغايسة حتى دخلت في راجل رافد بلا بيض...تكسر كامل عليها....ولات غير بيض ..الراجل سبها بهدلها وهي هربت والذبان داير بيها ...طلعت فالبيس والناس تسب فيها ...
هبطت في حومتهم الناس كامل تضحك عليها والذبان داير بيها ...جراو موراها الذراري يعايرو فيها ويرمو فوقها ولما ...
رجعت اضحوكة في حومتها دخلت تجري تبكي لدارهم
أنت تقرأ
القلب❤(باللهجة الجزائرية)
Romanceإذا ما بدت من أخيك لك زلة فكن أنت محتالاً لزلته عذراً، أحب الفتى ينفي الفواحش سمعه كأن به عن كل فاحشة وقراً، سليم دواعي الصدر لا باسط أذى ولا مانع خيراً، ولا قائل هجراً..
