يونس رجع للدار مقلق ...ماهوش عارف كيفاه يفتح السوجي مع عامر وكيفاه يفهمو...خمم يخبي عليه مي هذا ماهوش حل ..يلزم يعرف ويشوفو كيفاه يحلو المشكل هذا ..
عيط لعامر فالتليفون...
يونس: عامر ارواح نحتاجك.
عامر : اوك..
تلاقا يونس مع عامر ...
عامر : غير الخير يونس ؟؟
يونس: شوف عامر اسمعني حتى نكمل .
عامر : ايه.
يونس حك راسو وخايف من ردة فعلو لعامر كي يعرف الخبر.
عامر: شبيك يونس حيرتني !!؟
يونس : قبيل حكيت مع كريم خوها لنورهان..وقتلو ناوين الحلال.
عامر : اهيه..واش قالك؟؟
يونس تنهد : محبش .
عامر : عرفتها ...يقولك صغير وماشي خدام...كامل على جال الماستار تاع الزبل هذا
يونس: لا ماشي على جال هذي.
عامر مستغرب ؛ علمن ؟؟
يونس: قالي ... قالي مديتها.
عامر : اااه؟؟؟؟ منك بصح؟؟ كيفاه مدها هذا ؟؟ ولمن ؟؟؟ ووقتاش !؟
يونس : مانيش عارف لمن ...محبش يقولي...وعلى كل حال هو ختو وهو حر لمن يمدها .
عامر ضحك باستهزاء : ههه راك تهدر صح ولا تتمنيك بيا؟؟؟
يونس : علاه هذي هدرة تتع تمسخير ..عامر هذي الهدرة لي قالهالي
عامر وقف مخلوع الدم يغلي فيه : والله مليحة هذي ..واش دار فيها كامل وزيد حتى يزوجها ذرااع ..والله ماني ساكتلو
يونس وقف يكالمي في خوه: عامر ..افهم معندك مراح دير ...هذا خوها ولي امرها متقدرش تسيف عليه ..يمدها لمن يحب..
عامر يغلي : كيفاااه يمدها ذراااع لوحدوخر وتحبني نسكتلو...نخليه يكمل يحڨرها؟؟ .يونس راك تعرف واش في ڨلبي من جيهتها ...منبدلهاش بكنوز الدنيا ..ومحال نسمح فيها
يونس: واش راح دير؟؟؟
عامر : والله نقتلو ونشرب من دمو .
يونس : هه..عامر هذي ماهيش هدرة..
وهذا زواج ..يلزم الولي تاعها يقبل ...خمم في حل وحدوخر ..
عامر قلبو وجعو : يعني ...حابني نخليه يمدها ونبقا نتفرج..ونزيد نصفقلو ؟؟ ومندير والو ؟؟! علاه شوف فيا رخيس وطحان نخلي الطفلة وهي شادة غير فيا
يونس : مقتلكش هكاك ...مي هذي ماهيش مسالة تتع لعب .
عامر قعد ويضرب برجلو على لرض مقلق متوقعش كريم يعطيه ضربة فالضهر كيما هذي...
يونس : عامر متتقلقش نشالله نلقاو حل .
عامر عيط ؛ كيفااه منتقلقش من نيتك يونس ؟؟؟ هارب العالي نحبها..كيفاه نخليه يمدها لغيري..
يونس شوفلي حل ...خايف نقتلو ونباصي على جدو ..ميربح حتى واحد فينا.
يونس تنهد عامر فكرو في ماضيه.حتى هو جازت عليه هذي الفترة .وتعذب بزااف فيا وفلخر رضخ الامر الواقع.
يونس: نرجع نحكي معاه..
عامر : نروح معاك.
يونس : عامر متروحش معايا ..كريم كاشما يقولك وتشعل فيه هاني نعرفك..ونورهان راح طير منك ومتزيدش حتى تحلم بيها.
عامر : وزعما يقبل ..اااه ياربي منين جاني البلا هذا درك..
يونس : نحاول معاه ونفهمو ...ونشالله يقبل ..نتا متدخلش عامر ..علابالي اذا دخلت تخربها..
عامر : نشالله...
عيطتلو نورهان.
عامر : بففف راهي تعيط..
يونس: متخبرهاش بلاك ماهيش عارفة...لي فيها يكفيها ...بلاك نقدر نحلها وتفرا نشالله..
عامر : نشالله ..نتكل عليك يونس..
يونس : نشالله..
.....
عامر : الو وي نورهان .
نورهان : وي عامر لباس.
عامر: لباس .
نورهان : شبيك تبانلي مقلق..
عامر : مكانش ..والو.
نورهان : عامر نعرفك متخبيش عليا..
عامر : اووووف ر*** قتلك راني مليح..
نورهان بقات مخلوعة مفهمتش علاه عيط عليها.
نورهان : اوك ديزولي ..هيا من بعد
عامر : عمري متزعفيش شوية قلقان برك
نورهان ؛ عادي ..متعمرش راسك
عامر : تعرفيني نموت على ر*** بصح خلي منبعد نحكيو هكا عمري !!
نورهان : نشالله اتهلا في روحك
أنت تقرأ
القلب❤(باللهجة الجزائرية)
Romanceإذا ما بدت من أخيك لك زلة فكن أنت محتالاً لزلته عذراً، أحب الفتى ينفي الفواحش سمعه كأن به عن كل فاحشة وقراً، سليم دواعي الصدر لا باسط أذى ولا مانع خيراً، ولا قائل هجراً..
