رجع عامر وخاوتو فاليل .جوزو نهار كامل فالبحر مع صحابهم وتعشاو مع بعض ..جاز نهار مهبول ..وكامل في خاطر عامر باش ينسوه..
عامر حاول ينسا ويتاقلم الله غالب معندوش حل...
نورهان مور مراحو غسلت وبدلت حوايجها...
خرجت تمسح في عينيها...شافت نجوى مرت خوها لابسة حجابها وشادة كابتها..
بقات شوف فيها مستغربة.
خرج كريم..
نجوى: بقا على خير نورهان ...اني رايحة لدارنا ..كملي خملي وحدك..ياك انا وجدتلك كلش .
خرجت نجوى مع راجلها خبطو الباب ...وبقات نورهان وحدها تخمل فالحالة...حزينة..
ترفد فالماعن وتخمل حتى طلعت راسها لقات تليفون تاع كريم خوها نساه يتشارجا فالكوزينة ...
هبطت راسها منبعد خمت في حاجة...راحت فتحاتو لقات عندو ليزينيتي ...رفداتو عيطت لعامر .حافظة نومروه...تبيبي وتكوبي وتعاود تبيبي وتكوبي
فالوقت هذا كان عامر يبدل في حوايجو ..يونس في بيتو ولطفي برا مزال مدخلش..
عامر معرفش النومرو ..محبش يرفد ..
نورهان: بففف ارفد ياعامر ..
عاودت بيباتلو ..قلق عيطلها
عامر : بففف شكون هذا لنومرو لي راهو يعيط..
عامر : الو شكون معايا ؟؟
نورهان : عامر انا نورهان..
عامر مخلوع قلبو يضرب توحش صوتها .متوقعش تعيطلو ..
نورهان : عامر عيطتلك من تليفون تاع كريم نساه فالدار حابة نتلاقا معاك على ال12 تاع الليل...يلزم نتلاقو عامر
عامر : نورهان ..توحشتك..
نورهان : حتى انا توحشتك عامر ..خلي فاليل نحكو متنساش..
عامر ؛ اوك..كوبي تخافي يفيقلك..
نورهان : هيا من بعد..
كوبات نورهان..
عامر قعد مسح على وجهو..وتنهد... رفد روحو وخرج .
زهيرة: وين عامر؟؟
عامر: مكانش هنا برك ونرجع..
خرج عامر راح جاب تليفون وبيس جديدة لنورهان باش يحكي معاها...كان عندو امل بلي ترجعلو ومكانش عارفها مفتحة وخلاص..
رجغ للدار شافو يونس..
يونس : واش عمورة
عامر : مكانش نروح نرقد..
عامر دخل فراشو ..محبش يوري تليفون ليونس علابالو ميحبش ويقولو ينساها ..خباه حتى يلحق نص ليل ..
كامل راقدين...وعامر نورهان عينيهم مفتوحين مجاهمش النوم...يحسبو بالدقيقة لنص ليل وقتاش يلحق باش يتلاقاو..
عامر فلول كان راح يرفض مي حب يشوفها يشبع منها يودعها ولو لاخر مرة...
نورهان مقلقة كثرمنو حابة تشوفو تحكيلو تفهمو غير هو لي يفهمها...
لحق نص ليل خرج عامر بلعقل وطالع قلبو يضرب ..
يونس كان يحكي مع ميسا كي سمع بابهم تفتحت...ناض لقاه عامر عرفو رايح عندها تنهد.خاطر يونس عارف بلي فتحت وخلاص..
تنهد وراح مور خوه
طلع عامر وقلبو يضرب متوحش يشوفها...بقا يستنى حتى جات ليه ..
نهار صيفي بصح نسمة باردة تضرب
شافت نورهان فيه سبقوها دموعها ..جات تعنقو تفكرت بلي راهي مرت راجل ..هبطت عينيها ..عامر مقدرش يشد روحو جبدها عندو عنقها ..دموعو نزلو كيفها ..توحشها بزااف وسيرتو درك راهي بزاااف بعيدة ...رغم لي هي قريبة وقدامو ..
يونس طلع شافهم هكاك تنهد..رجع هبط...يخمم كيفاه يقنع خوه ملازمش يبقا يشوفها ويتلاقا بيها..
بقا قاعد فالدروج ويخمم واش يدير..
نورهان معنقاتو وتبكي
نورهان : علاه خليتني عاامر علااه سمحت فيا....علاه علاه علاه
عامر جبد روحو يمسح في عينيه ويشوف فيها
عامر : انا سمحت فيك ؟؟ قولي ياراستك ؟؟
نورهان هبطت عينيها
عامر : شوفي فيا.
شدها من دقنونتها شافت فيه.
عامر : انا محال نسمح فيك...وكون جات الدنيا دنيا راكي في داري ...بصح خوك خشن راسو ..حاولت بكامل واش نقدر بصح فشلت ..
نورهان : مزاال مفشلتش علاه تفشل...امشي نهربو ..
عامر مخلوع : نهربو ؟؟
نورهان : ايه نهربو ....خليه كريم يندب ...عامر مانيش قادرة نتزوج بغيرك....مانيش قادرة افهمني عيشك..
حتى الخزرة مقدرتش نشوف فيه ..كيفاه نتزوج بيه افهمني عامر منقدرش..
نورهان تهدر وتبكي بهستيريا...عامر قطعتلو قلبو..
عامر : يانورهان يا روحي ..توالفي
نورهان: منوالفش ومانيش حابة نوالف..
عامر استغفر قعد مقدرش يوقف ..نورهان قعدت مقابلتو بين رجليه.
نورهان : عامر امشي نهربو درك..راني موجدة كابتي عيشك عامر امشي والله نهبل
عامر يشوف فيها مقدرش يقولها ايه ولا يقوللها لالا
عامر: تخافي يلقاونا
نورهان: خليهم ..خليني نعيش معاك عامر...لابغا نهارات من حياتي ..حرام شحال. وانا نستنا نكون عندك باش فلخر يفرقونا..
عامر : والله ماني عارف.
نورهان : قولي موليتش تحبني وسمحت فيا نفهمك..
أنت تقرأ
القلب❤(باللهجة الجزائرية)
Romanceإذا ما بدت من أخيك لك زلة فكن أنت محتالاً لزلته عذراً، أحب الفتى ينفي الفواحش سمعه كأن به عن كل فاحشة وقراً، سليم دواعي الصدر لا باسط أذى ولا مانع خيراً، ولا قائل هجراً..
