القلب❤(باللهجة الجزائرية)

P.A.R.T 21

__________

اليوم الفيونساي تع لطفي ودينا

لطفي ؛ زهيرة كون نجيبها على جيه ماشي خيرمن هذا الخرطي تاع الفيونساي

زهيرة: وعلاه خلينا نزهاو شوية...راح تتزوجو كل يوم.

لطفي : راني نخمم نديرو انا ويونس عرس واحد.واش رايك يونس!؟؟

يونس: اواا ه انا نجيبها السنا..تدخل مع يما وكي نكمل بنياني نطلع ونتا تزوج.

لطفي : تخمم يا اه ...حتى انا نجيبها السنة

يونس: وين دخلها ؟؟

لطفي: في شمبرتي...وعامر نحاوزوه للكوزينة هههخخخح

عامر :😑😑

زهيرة: هذاك لي خصني زوج عرايس يتقاتلو هنا عندي...نحاوزكم بيكم بيهم..

عامر :شح 😁

يونس: يتفاهمو ولباس ...سيرتو المدام تاعي عاقلة.

تتع لطفي قبيحة 😝

لطفي : هههههخخ قبيحة وراجلها كيفها نتشابهو

عامر:😒

زهيرة: هاني نقوللكم سوق النسا واعر ...منستحقش زوج هنا عندي

عامر: شح 😁..ديجا تهدرو شغل انا مكانش..

ديجا انا نتزوج قبلكم..واحد مايفوتني ونتوما تطلعو لدياركم.

زهيرة :بووه عليا قعدو قعدو وكي قلت راح يتزوجو تتضاربو شكون يفوت .ههه

بقاو يتناقرو هكاك..

لحق الفيونساي وداو كيما في يونس خاتم وبياس مونتي ونوار..وكامل واش يلزم..

لطفي قلبها بااصونات فالطريق مع لافامي تاعهم...

دارو حالة...

دينا لبست ومشطت ...دخل لطفي باش يلبسلها الخاتم دينا شافتو تبسمت..

لطفي : واش شينوية .. كاش قطوط.

دينا تضحك عليه..

لطفي لبسلها الخاتم ..ويضحك

لطفي : جاك كبير وقيل نرجعو..وشاف في يماه..

زهيرة: بووه عليك خليه كي تتزوج تسمان ويرجع يجيها..

لطفي شاف في دينا مستغرب : صح تسماني!!! بلاكي تسماني بزاف..

دينا : نسمان نولي بقرة

لطفي : نقتلك بالشر باش تشياني

جات يمات دينا اعطاتهم الموس باش يقسمو البياس مونتي .

لطفي ودينا قسموها ونسا تزغرت..

تصورو مع بعضاهم ومع لافامي.

خرج لطفي لقا يونس وعامر يشوفو فيه يعوجو في فامتيهم.

لطفي : شبيكم 😏