قبل ماتبدااو لبناات..قولولي ادا نحطلكم صور الشخصيات..ول نخليكم تتخيلوهم كيما راكم متخيلينهم😁
********************************************
عامر عيط لنورهان حكالها مقلق ومتحير على خاوتو
نورهان : طمني حكيت مع لطفي واش قالك؟؟
عامر مسح على وجهو حاس بلطفي وبوجيعتو.
عامر : واش راح يقول ...مدام هي خيرت يونس ميقدرش يفرض عليها ..بصح فسملي قلبي ..باين بلي باغيها وحبها بزااف
نورهان قلبها وجعها على لطفي : والله صعيبة بزااف ..حليلو لطفي غاضني. ..نشالله ربي يعوضو بوحدة حلالية تنسيه ..متخليهش عامر وحدو...اوقف معاه والله قسملي قلبي
عامر : والمشكل الكبير حالف يبقاو متعاديين هو ويونس...قالي منعرفو مايعرفني ..
نورهان: خااه هذا كامل على جال طفلة !!! نن. عامر خاوتك ركبهم الشيطان متخليهش يفرق بيناتهم
عامر :واش حابتني نديرلهم ؟؟
نورهان : فهمهم ...ولا نقولك اهدر مع يونس ..يونس هو الكبير والعاقل...لطفي راهو محطم ...حرام عليكم تخلوه وحدو...نسيت واش كنت تحكيلي على صغركم وعلى محبتكم...كيفاه طفلة قدرت تفرق بيناتكم....كون نعرف روحي نفرق بين زوج خاوة والله ماندي واحد فيهم..
وبدات تبكي
عامر : حبيبي دموعك غاليين ..وصح عندك الحق محال نخلي شيطان يفرق بيناتهم... ربي يخليك ليا عمري ومنتحرم منك حتى نهار
نورهان : نشالله..اهبط اهدر مع خوك اهدرو مع لطفي متخلوهش وحدو ...راهو خوكم دمكم
عامر : نحباااااك نتي صح فحلة ...ربي يخليك ليا ..اليوم نصلح بيناتهم ...اليوم نفريها ..نوعدك
نورهان: نشالله..
هبط عامر عند يونس متبسم سيرتو هدرة نورهان شجعاتو بزااف
لقاه يهدر فالتليفون مع ميسا
عامر: يونس...نحتاجك.
يونس: منبعد نعاودلك.
ناض يونس قعد تنهد عارف بلي عامر حكا مع لطفي
يونس: مقبلش !!!
عامر تنهد : قبل ...بصح قالي ماهو خويا منعرفو مايعرفني
يونس تنهد : يدبر راسو
عامر : كيفاه يدبر راسو ؟؟ خوك هذا يالزح خوك...تعاديه على جال طفلة؟؟
يونس :ماهيش قضية طفلة
عامر بنبرة خشينة : امالا واااش ؟؟ الطفلة هذي كانت مزالت مخلقتش كي كنتو نتا ولطفي تخدمو برا...خوك ينحي من لحمو ويعطيك...نسيت !! نفكرك...
نسيت نهار كنت صغير ومرضت وهو مسكين سلف وشرالك الدوا....جرا فاليل يحوسلك على طونوبيل ويحلل فيهم يدوك..انا كنت صغير ونشفا...لطفي صح مقلق بصح قلبو بيض..
تعرف واش قالي مرة !! قالي نحب نتزوج مي محال نتزوج قبل يونس ..انا يونس في عوض بابا ربي يرحمو ونقادرو ...نخليه يخدم ونعاونو في بنيانو باش نتزوج انا...
لطفي وصاني وقالي ياعامر ..يونس كان كي يضربونا وحنا صغار ويعايرونا ...يدافع علينا وحدو ...يقولهم انا هو باباهم ...هذا هو لطفي خوك ..يا لي راك تقول خليني منو هذا هو..
يونس ضرب بيدو على الحيط مقهور على خوه..مهمها كان هذا خوه دمو ولحمو والدم عمرو. مايولي ما
عامر : خوك هذا يونس ...خوك راهو برا مدمر ..تقبلها عليه ؟؟ لطفي هذا يونس ...لطفي لي يشوفكم يحسبو صاحبك ومآمنوش بلي خاوة ..هذا لطفي لي نهار سرقت المشماش للجيران وحكموه عطاوه طريحة وقالولو شكون معاك محبش يبيعك ..ودا طريحة في بلاصتك !!... نسيت !!!
كيفاه اعطاك قلبك تخليه برا مكسور ...ونتا تقعد مهني !!!
أنت تقرأ
القلب❤(باللهجة الجزائرية)
Romanceإذا ما بدت من أخيك لك زلة فكن أنت محتالاً لزلته عذراً، أحب الفتى ينفي الفواحش سمعه كأن به عن كل فاحشة وقراً، سليم دواعي الصدر لا باسط أذى ولا مانع خيراً، ولا قائل هجراً..
