روايه الارمله بقلم:مريم عماد

(الحلقه الثامنه )

(الحلقه الثامنة)

عفاف بغيظ:مش هتنازل عن حقي يا سامح
سامح بسخريه:انا هجيلك انا والمأذون ننهي الحوار يا عفاف
عفاف ببرود:متنساش المؤخر يا سامح
اغلق سامح الخط بغضب قائلا:كلبه فلوس وهتفضلي طول عمرك كلبه فلوس يا عفاف
عفاف بغيظ:ده قفل في وشي ماشي يا سامح اما خليتك تمشي في الشارع تشحت ماكونش انا عفاف

رجع شمس الدين ومليكه منزلهم في المساء
لتبتسم مليكه برضا علي منزلها هي وزوجها التي أكملته مليكه ليصبح منزل جميل جدا ابتسمت اكثر عندما دلف الشقه وشعرت بالحب تجاه شمس الدين نعم اعترف لنفسها انها تعشقه فلما لا وهو زوجها
شمس الدين بحنان:مليكتي بتفكر في ايه
مليكه بابتسامه حب:امتي حبيتك
شمس بتفكير:ياتري امتي
مليكه بتفكير:مش عارفه بس اللي اعرفه اني بحبك اوووووي يا شمس
شمس بابتسامه:وانا حبيتك من اول ما شوفتك يا مليكه والحب ده بيكبر كل شويه لحد ما بقي عشق
ابتسمت مليكه بحب ليدق الباب معلنا عن وجود زائر ابتسم شمس الدين واقترب ليفتح الباب ليجد والده ووالدته وأخويه وأخته
مليكه بابتسامه :اتفضلو البيت نور
محمود بابتسامه:منور بصحابه يا بنتي
هنا بابتسامه:صباحيه مبارك يا عروسه
ابتسمت مليكه بخجل لتدلف أمينه بغيظ:امممم شقتك دي يا شمس لو كانت علي زوقي انا وانت كانت هتبقي احلي
مليكه بابتسامه:طبعا يا طنط حضرتك الخير والبركة
عز الدين بضيق:وهتبقي علي زوقك انتي ليه يا امي
شمس بغيظ:قولها يا عز عشان اتخنقت
مليكه بهمس لشمس:عيب كده يا شمس انت واخوك مينفعش كده مهما كانت دي مامتك بردو
شمس الدين بنفس الهمس:مينفعش معاها غير كده
مليكه بضيق وهمس:مهما كانت والدتك ولازم تحترمها
سمعت أمينه اخر كلمه من مليكه ليقول بضيق:أتعلم من مراتك يا كاسر نفسي
نظر شمس الدين لمليكه بمعني انظري لتبتسم مليكه بمعني اهدي
محمود بابتسامه:ايه لازم الشقه يا ابني ما تجي تعيش معانا في البيت
شمس بهدوء:اعذرني يا حاج عايزين نبقي براحتنا
أمينه بضيق:اوضتك كبيره يا شمس هتبقي براحتك فيها
شمس بضيق:اعزريني يا امي عايزين نفضل براحتنا
أمينه بغيظ:طبعا دي فكره الهانم اتجوزتك عشان تخطفك مني وتبعدك عنا
كادت مليكه الرد ولكن قاطعها شمس بغيظ:مليكه ملهاش دخل انا قولتلها بجهز شقه وانتي هتكمليها وهنتجوز فيها
عز الدين بغضب:خلاص يا امي بعد اذنك يلا عشان هنروح
محمود بضيق:انا بقول كده حياه سعيده مع بعض يا عيالي
نور الدين بنظره غير بريئه لمليكه:مبروك يا مرات اخويا
قلقت مليكه من نظرته لتقول:الله يبارك فيك
ذهب الجميع وتركو العروسين

في منزل عفاف
المأذون بهدوء:ابغض الحلال عند الله الطلاق
سامح بهدوء:احنا مصممين يا شيخنا
بالفعل بدأ الشيخ بأجراءات الطلاق لتصبح عفاف طليقه سامح
اعطي سامح لعفاف المؤخر (خمسين ألف جنيه)وذهب لبدأ حياه نظيفه تاركا حياته القديمة خلفه

في اتصال بين عز الدين وشمس الدين
عز الدين بهدوء:مراتك اكيد اضايقت من امك
شمس الدين بسخريه:ادايقت مني عشان كلمتها بأسلوب مش حلو
عز الدين بضيق:انا فعلا بدايق من نفسي لما يكلمها بأسلوب مش حلو
شمس الدين بضيق:بس هي...
عز الدين بضيق:بس هي امك لازم تحترمها حملت فيك ٩شهور وتعبت معاك سنتين بعد ما اتولدت
شمس الدين بتفكير:يعني اشوف مراتي ولو وافقت اروح أعيش مع ابوك وأمك
عز الدين بهدوء:وماله البيت دورين مفتوحين علي بعض وكبار وكل واحد اوضته كبيره
شمس الدين بسخريه:وانت مفكر ان مرات اَي واحد فينا هيمشو مع امك
عز الدين بتفكير:هتمشي باذن الله لو امك شافت ان سعادتك معاها هتحبها
ضحك شمس الدين بسخريه:مكنتش تعرف انك حنين اووووي يا زيزو انت بتهزر انت فاكر ايه السبب اللي نادين بنت عمك فسخت الخطوبه بسببه ولا أفكرك انا
عز الدين بغضب:ميت مره قولتلك اسمي عز الدين ومش بحب حد يدلعني ومش عايزك تفكرني يا شمس الدين ليه نادين فسخت الخطوبه سلام
واغلق الخط ليشعر شمس بالضيق من نفسه لماذا قال له ذلك الكلام شعرت بالاختناق وقرر ترك بعض الوقت لعز الدين ليهدئ قليلا ومن ثم يتحدث معه

في منزل محمود
محمود بغضب:ايه اللي عملتيه ده يا أمينه في بيت ابنك ده
أمينه ببرود:قولت ايه انا كنت هاديه خالص ده انا كان نفسي امسك شعر البت اللي خطفت ابني واقعد اضربها
محمود بغيظ:البت يتيمه يا وليه
أمينه بغضب:بلا يتيمه بلا بتاع ما هي البت قدامك قرده اهي كانت بتشتغل ومعاها عربيه وعايشه في شقه كويسه
محمود بغضب:بمساعده خالها وعمها يا أمينه انا بجد مش عارف انتي كده ازاي
أمينه بغيظ:اتجوزتني كده يبقي متحاولش تغيرني يا محمود انت عايز حاجه دلوقتي
محمود بغضب:انتي عايزه ابنك يجي البيت هنا عشان تدايقي مراته
أمينه بجرائه:اه يا محمود عايزاها هنا عشان اطفشها زي نادين بنت اخوك
محمود بغضب:ومش هخلي ابنك يجي يعيش معانا يا أمينه
أمينه بخبث:هجيبه انا يا محمود انت ملكش دعوه
محمود بغيظ:مش هخليه يجي يا أمينه انا بجد مستغرب نفسي انا ازاي اتجوزتك انتي يا حربايه لا واستكملت أعيش معاكي ازاي قسما بالله يا أمينه لو ما احترمتي نفسك لأكون متجوز عليكي يا أمينه
أمينه بغضب:بعد السنين دي تقول كده يا محمود
محمود بغضب:اه يا أمينه بقول كده

في مكان اول مره نزوره في روايتنا
ناديه بضيق:يا بنتي يا حبيبتي انتي من ساعه ما فسختي خطبتك بارادتك انتي من عز وانتي منهارة كده وبتاكلي بالعافية
نادين ببكاء:بحبه يا امي بس أمينه الحربايه كرهتني فيه
ناديه بغيظ:حب ايه وبتاع ايه الكلام ده حرام يا بنتي
نادين ببكاء:اعمل ايه يا امي قلبي مش بايدي
ناديه بغضب:دوسي عليه  الحب ده دلوقتي اصبح مش من حقك يا نادين

استوووب...الحلقه خلصت

توقعاتكم للحلقه الجايه

روايه الارمله
                بقلم:مريم عماد