كَاردياك ｜𝒉.𝒔

نوت

-حمدلله علي السلامة في أخر محطة من الرحلة الشيقة دي.

مبدئيًا كدا أنا مش من النوع اللي بحب النهايات الحزينة أو أن حد من الأبطال يموت والكلام دا،
بس الفكرة بالنسبالي مكنتش عوزاها نهاية عابرة وخلاص اللي هو تفتحوا القصة من هنا تنسوا نهايتها من هنا؛
بل بالعكس، تأثر فيكوا وتعلّق فدماغكوا حتي ولو لمدة أيام بسيطة بس..

ويارب تكونوا فهمتوا مقصدي من النهاية

اللي هو فأيامك العادية لو اتعرضت لمواقف حياتية مشابهة لفكرة القصة تقدر تفتكر الأبطال وكانوا بيتصرفوا ازاي وتحاول تتصرف زيهم، ودي حاجة انا نفسي كلنا نعملها عشان هي دي الرسالة من القصة لينا كلنا.

*سو رأيكم فالقصة بالمجمل، في فكرتها، أو ريفيو بسيط عنها؟

*انطباعكوا عنها وفعلًا استفدتوا ولا لا؟

*وشكرًا لأي حد أخد من وقته وقرأ قصتي وأنه شجعني أكمل ❤.

-أنا هتكلم عن رأيي عشان عاوزة أفضفض شوية وأنتوا تتناقشوا معايا كمان،
أنا بالنسبالي شايفة الموضوع يستاهل اه انه يتكتب عنه، رغم انه مش منتشر سواء كتوعية، مقالية، كتابية أو أي نوع

لأن الموضوع في حد ذاته مستفز ومؤلم، مش شرط كل المواضيع تكون عن البنيآدمين بين بعضها، ولكن بين كل الكائنات الحية كلها..

أنا في جروب عالفيس اسمه 'انقذ روح حيوان برئ'

اية السبب اللي يخلي بأكتر من ١٠ بوستس يوميا يقولك انقذوا الكلب دا مثلا فكه مكسور، ضهره مكسور، عنيه متأذيه وحد دسّ فيها حاجة، أنقذوا القطة الأليفة ديه بتاعت بيت وصاحبها شردها فالشارع لسبب غير مقنع.

١- اية السبب اللي يخليهم يأذوا حيوان كدا وهو معملهش أي حاجة تأذيهم ولا حتي مسّ شعره منهم، ليه الناس بقت بقمة القذارة دي وأن تعذيبهم بقا أضحوكة وأنك كدا حد مسيطر علي خلق الله، لا يحبيبي أنت حاجة مالاتنين ياما في حاجة غضباك وبتفشّ غلك فحد، ياما أنت مريض نفسي وعاوز تتعالج بجد مش هزار.

يعني أنت لو أذيته غصب عنك ولا خبطته بعربيتك روح عالجه أو عبره بأي حاجة، لو مش قادر وديه لأي شلتر قريب منك يتكلف بمصاريف علاجه، ولو انت بتربي حيوان أليف وحصلك ظروف ولا أي حاجة متلجأش لانك ترميه وسط الشوارع والمرمطة!
هما مبيعرفوش يتعايشوا في حياة الشوارع لأنهم مخلوقين بأن حد يراعيهم من زي حيوانات الشوارع تعرف تصرف نفسها.

٢- المفروض أنك قبل ما تربي حيوان تعرف أنك هتشيل مسؤوليته ودي أهم حاجة، بدل ما تشرده وترميه فالشارع وديه لشلتر ولا لأي حد هيقدر يعوله كويس، عالأقل أما سبته سبته بإحترام وذوق منك، وأن المفروض ان الحلو اللي كان بينكوا يخليك تتصرف بحساسه وانك توديه لحتة أنت مطمئن عليه فيه.