رانيا حدايا شادا الضحكة ودايرة راسها خايفة عليا..والميمة جايا عند راسي كترش ليا ريحة د نضال فنيفي وانا كنتسطى على ريحتو ،باغاني نرجع نسخف بصح عاوتاني. سمعت نضال كيقول ليا ندير معاك اللي بغيتي و بديت نفيق و نمتل.. نضال: ميمي..!باش كتحسي؟! كضرك شي حاجة.؟ صابر: افففف...خلعتينا...شنو وقع ليك.. لميمة: ياك قلت ليك غاد..(نهزها صابر ومخرج عينيه فيها كيقولها صافي سكتي وشوفي هوا كيداير طالعة القردة بالاشارة مور ضهر نضال) رانيا: حبيبة واش لاباس عليك؟ هالعر ارانيا ماتشوفيش فيا راه غنضحك (كنتفادا تشوف فيها) انا: فين انا(الفشوش) شنو وقع؟ نضال: (معصب) سخفتي فدوش ...(مهرج عينية فيا) فقتي دابا؟!(غوت عليا) راه هضرت معاك قلت ليك حاولي على راسك(خلعني) صابر: صافي اصاحبي بلا تزيد تمرض راسك (تنهد) الحمد لله ماوقع والو. انا بديك الغرتة اللي طلق ليا فوجهي عرفتو جعر وانا نتوكض بقيت مكمشة بين المخاد.وهوا كيقلب ليا حناكي وراسي ويديا ورجليا وعاقد حجبانو ومخنزر فيا.. نضال: مافيكش السخانة جلسي هنا ترتاحي نشوف لتحت نتفاهم معاك.. انا: او لعرس؟!(مخبية وجهي ) نضال: صافي سدينا(صعر ) الميمة غير كتحصر عليا مقدراتش تهضر وصابر عارفو كيداير مكيتعاندش هوا ياه . خرجات الميمة وصابر من البيت وكيهضرو.. لميمة: كي غنديرو معاه دابا ...كيغوت عليها شي نهار يسكت لها القلب. صابر: دخلو غير نتوما سوق راسكم ..بلا ماتبداو تعاندو معاه .. لميمة: لالالا قاصح معاها بزاااف ..انا وخلعني !! صابر: زعما بحال الى مكتعرفيهش؟!! عاد ليوم شتيه؟!(مطلع حاجبو) واه كيتسطى عليها واخا يديرليها اللي دار . لميمة: انتا وياه كيف كيف يخ منكم بجوج واحد كيغطي على لاخر ...حيد عليا خليني نمشي.. صابر: ها طريق ! نوصلك..(مشات) فاااك . انا فالبيت مكمشة فوق الناموسية وحدايا رانيا مكمشة حدايا كنهضرو غير بالعينين و هوا طالع ليه الدم واقف عاطينل بضهرو وكيهضر فتيلي... انا: (تحت السنان) عدبت راسي على والو...تفو رانيا: (تحت سنان) سكتي عنداك يسمعك! نااري ويعيق بييييك لالا ماقادراش نتخيل!! نضال: (فتيلي) اوك ...دااااابا ....وجدوها!(قطع) علاياش كيهضر ؟! شنو اللي غيوجدو ؟! هوا ليزافير ديالو مكيهضرش فيهم قدامي واخا ماعرت اش يكون؟! كيهضر على شي حاجة خاصة بينا!!!(كراميل كيطل من الباب بنص عين) شفت فيه انا ورانيا وحنا مكمشين و انا نقوليه اجي بعيني.. كراميل: (بعينيه وراسو) لا لااا منجيييش انا: (براسي وفمي مكمش) واغير اجييي! كراميل: (كيتعوج ويهضر بالاشارة) هييهيوااا مالي تسطيييت (بعينيه) راهوا فين واقف...غا خليني (ضار نضال على غفلة لقاه كيطل بنص عين. نضال : زيد عندي لهنا...(خزر فيه) كراميل داخل كيلوي رجليه ويقفقف.. نضال : تا حاجة من حوايجها ملتبقا هنا.. انا شفت فرانيا وهيا شافت فيا... علاياش كيهضر؟!!!! رانيا:(تحت السنان) غنمشي ...نكافة كتسنا 8h هادي والناس بداو يجيو. انا:(شاداها من يدها) لااا خليييك متخلينيش بوحدي هىءهىء رانيا: راجلك هاداك انا عمرني شفتو معصب من نهار تولدت . سلتات وخلاتني جالسة جمع ليا مراميل خوايجي وهوا كسشطح بالخلعة لابس قفطان رجالي وبلغة وكيتعل فيه فاش كيحني.ونضال جالس فالجنب د الناموسية حدايا متكي بيدو على ركابيه و مطلع شوكتو وشاد تيلي فيدو. نضال: (دار يدو على جبهتي) وليتس لاباس...يالاه نوضي لبسي حوايجك. انا: ف فففين غنمشيو ؟!!(تاءزمت) نضال: قلت ليك لبسي ... نضت لبست و الفقصة فيا ماعارفاش اشنو فراسو...شوية طلعو ليكارد كورد كيهبطو لبالز ديالنا ..وانا غير كنشوف ..لبس هوا سروال بيض مع تريكو رقيق فالباج و سبادري باج وانا سروال دجين مع بودي وصباط طالون وجمعت شعري سفنجة ..وكراميل مشا كيجري جمع شطايطو خرجهوم ليكاد هبطوهوم وبقا هوا بداك القفطان خاف يتعطل ونمشيو ونخليوه ..نزل نضال قدامي وانا تابعاه من موراه ..وقفاتنا ماما.. جهان: فين غاديين(شافت فيه بان ليها كاعي) وقف علينا بابا...وصابر.. عقيل: (مع ماما) خليها تمشي ترتاح حسن ليها ...صابر: درتيها بصح اصاحبي (تعانقو تسالمو) بداو يسلمو عليا وانا كنبكي ونضال كيشوف فيا وكاعي.. مشا قدامي وانا موراه وكراميل حدايا كيهرنن. ركبنا فطونوبيل ومشينا وتبعنا الوفد ديالنا(رجال نضال) ماحبسنا تا لقيت راسي حدا الطيارة نزلنا وبديت كنبكي ونشهق عرفتو غيردنس لوكس مبورغ .. نزل مكيهضرش غادي قدامي وانا موراه بخيبة امل وهوا غدي وكيحيد المسكة لصقلت ليه فرجليه وطالع ليه الدم
