كراميل: انا راني كنت غير مرافق للام ديال نضال حتى وايت نعرف شي حوايج اللي مخصنيش نعرفهم و دابا ايلا تخليت على هادشي غيقطع ليا نضال راسي و يعلقو واي واحد فكر يعتازل هاد الطريق كيموت ...اجي ! هانتي قلتي بمفمك الحاج بغا يحميك و مشا ضحية ! ودابا نتي خاصك نتاقمي على وجهو حيت حسب بحال بنتو و ضحى براسو(غمزة) اولا لا؟ انا: ا..!م..ك..كيفاش غندير و انا بعيدة كامل البعد على هاد العالم؟! كراميل: همممم!! باينة فيك ذكية غير الصدمة اللي مزالة قلباك ..اجي فين وصلتي ف النيفو دالقراية؟ انا: خديت الماستر هاد العام و يلاه بغيت نبدا فالدكتورة ومكتابش.. كراميل: هاي هااااي تبارك الله عليك راكي ناجحة فقرايتك..ايوا كما نتي ناجحة و عندك الدماغ دالقراية راه تقدري تخدميه حتى فتاحراميات ومع نتي طويلة و عندك جسم مثير و قطة ديري يدك فيد نضال و نتاقمي لهاداك اللي كان حاسبك بحال بنتو. بدات الهضرة د كراميل كتدخل ليا راسي و فعلا خاصني نتاقم لهاداك اللي كان حاسبني بنتو و فكرت انني نفاتح نضال فهاد الموضوع و اخا انا ماعارفاهش كي كيفكر و لا طبعو كيداير المهم غندير جهدي وكتر . صباح جديد فقت دوشت ولبست سروال دجين مزير ابيض فيه تقاطع فالركبة و بودي سامبل زيتي كول مونطي مزيير باليدين لاسق و ليبوط قصار بلا رطبين فالزيتي و طلقت شعري و مكياج خفيف و بغيت نخرج من الباب و انا نلقى نضال حتى هوا خارج كان ناعس فالبيت اللي مقابل للبيتي كان لابس سروال توني كري مغلوق مستيلي و تيشرط بيضاء كول v مزيرة و صبادري باتريكة بيضاء (ويلي على راجلي شحال غزااال) عينيه باقين مجبدين بنعاس انا: ا..م..ن ..مسيو نضال بغيت نهضر معاك فواحد الموضوع!!(حشمت) نضال: (بنص عين) تبعيني!(مخزز) هوا غادي و انا وراه ...اففف ياركبي كيغاندير نتافهم مع هادا ؟!!! وهوا كيشوف فيا كنتخلع ؟! مشينا لفوق لواحد البيرو كبييييير كلاااص اول مرة ندخل ليه حل لباب و بقيت واقفة .. نضال: مغادخليش؟! دخلت و عيني فالارض حشمانة و سد مورايا الباب و جلس فواحد الكرسي كبير وكيشوف فيا مغوبش .وانا واقفة كنفكر كي ندير نبدا. انا: مسيو ...نضال..انا من اللول ماكنتش موافقة على هادشي و(قاطعني)_ عارف...(رتابكت )انا معرفتش راسي كيفاش حتى دخلت لهادشي!!(قاطعني)-عاارف...(تلفت و هوا كيشوفيا عاقد حجبانو) الا سمحتي واخا تسمعني..حتى..(قاطعني) داكشي كامل اللي باغا تقولي عارفو ..عندك شي حاجة خرى ؟!! انا: (الغلعة شاداني) اه عندي(قالي بيدو هضري) كانو ..خطفوني و قالو لي نجيب ليهم كارطة بحال هادي(جبدتها من جيبي و ريتها ليه) وكيهددو ني فبورطابل عطاوه ليا... بقيت كنعاود ليه على الحلاقة و كيدرت حتى تفكيت منها و كلشي و هوا جالس كيسمع ليا و حاط رجل على رجل حتى ساليت الهضرة وقالي نضال: (وهوا كيحرك حاجبو) عندك الزهر اللي جيتي قلتيها بفمك ..حيت هادشي كامل عارفو مزيان اللي مخرجتيش بحال هادوك اللي رباوك اما كن راكي مدفونة حداهم...دابا يلا ساليتي خرجي و ماتفوتيش باب القصر.(حنيت راسي و بغيت نخرج و الدموع فعيني و هوا يقولي) شوفي انسالي هاد الفيلم و غنطلقك غير تهناي مابقاش بزاف. يالاه باي
