بديت نجر فيه نخرجو ما بغاش لسق ليا فالباب وكيهرنن تا بان ليا صابر فالباب لونو مخطوف ... صابر: هاي ايميلي ..صافا؟(كيحاول يتبت راسو) انا: صافا ..غير ماعرفتش انا هادا مالو ...واقيلا كلا شي حاجة؟ كراميل :(كيزاوك وفمو غلى يدو) لميييمة ...لبزييزيلة هىءههىء فكني غير من هادي مادرت والو.. صابر:(خزرر فيه يسكت) وي راه باينة كلا شي حاجة ...تحرك نتا لبيتك ومانشوفكش كدور فشي بلاصة. ضربها كراميل بجرية و كيقلب فجنابو لا يخرج فنضال . مي نضال راه فبيتو مكشكش و كيحاول يصبر راسو باش مروى متكرهوش ويولي بحال شي كابوس بالنسبة ليها. هوا بغا يتقرب منها من جديد مي ايلا فقد السيطرة غادي يندم من بعد وهادشي كامل جلس كيفكر فيه وصورتها قدام عينيه و هيا كتشوف فيه بنص عين وتفقصو ويسحاب لها ما عايقش بيها ،واللحضة اللي دخل لاوتيل معصب لقى لمدير قدامو وتسيف عليه باش يخويو لابيسين و كل واحد يتلاح فحالو ساعة مروى ناضت قبل ما يعلنو عليها ويجمعو الحفلة .نضال حرمها على كلشي بسبابها و وخوااو لابسين من الناس ومنعو الدخول ليه و هيا راها فالفيستيير كتهضر مع صابر. صابر: شفتك دخلتي لهنا وانا نتبعك ،بغيت نقول ليك بللي دايرين سهرة بيناتنا الى بغيتي تجي تجلسي معانا؟ انا: فيين؟ فالبواط د الاوتيل؟ تميت خارجة من الفيستيير كنهضر انا وياه.. صابر: لاا ماشي مع الناس ...غير انا وصاحبي كنجلسو بجوج و يكون معاك كراميل ايلا بغيتي .. انا: وكيدايرة هاد السهرة ديال جوج د الناس ههه؟ صابر: حسن من داك الصداع ديال بنادم .. انا: لا لا غتكون ممللة من الاحسن نجلسو فبواط (ومزيان نيت مللي صاحبك غيكون) صابر: ههه انا ماعنديش مشكيل، مي نضال من واحد نوع خاص مكيبغيش يتخلط مع الناس. ههه ايلا مكيبغيش يتخلط نخلطوه هههه باينة عينيه فيا وباغي يوصل لداكشي اللي بغا باي طريقة ،اللي بحالو مكيحبوش غير كتعجهم شي بنت وياخذو داكشي اللي بغاو كيرميوها اما الحب كاع مكيعرفوه ههه بحالي تا انا سوقي خاوي غنلغب معاه هاد اللعب و نشوفو واش غيبغيني ولا لاهههخ انا: ايوا عرفتي شنو ...انا غادي نهبط لبواط فالعشية ،ايلا بغيتو نجلسو تما مرحبا ...ويلا مبغيتوش جلسو بوحدكم. -عيا صابر يجرها ويهضر معاها ،بغا يجلسها مع نضال عالله يبرد شوية وينسى داكشي اللي شاف ،حيت عارفو فاش كيجلس معاها كينسى العلام . عيا يقنعني مي والله لا حلم بيها ...شغانجلس ندير انا معاهم بجوج؟ مالي وجهي مقزدر تا لهاد الدرجة؟ ههن ولاهيلا زوينة هادي ...قاليك نجلس معاهم. بقينا طالعين كنهضرو تا وصلت لبيتي وتوادعنا ودخلت للدوش ندوش.
كان نضال كيمشي ويجي فالبيت كتشوى بوحدو وكلينيكس فيدو حاطو على الشفاه التحتانيه حيت فيها الدم من العضة اللي عضهم تا قشعها داخلة للبيت كتغني والتلفازة عندو كبيرة بزاااااف وهيا كتبان بحال ايلا راها قدامو .. نضال: (كيغزز سنانو) على السلاااامة .... تحرك بالخف جيهت البالكون ناوي يدخل عندها تا دخل صابر شافو خرج من البالكون كيمييل راسو بعصبية يمين ياسار وهاد الحركة كيديرها فاش كتوصل ليه لجدر حيت الجهاز العصبي ديالو كيتزيرر هوا الفك السفلي وكيبدا يعض سنانو تا كيخرجو ليه لعروق. اما اليكس مشاو جمعوه ليكارد و خشاوه تا يتفرغ ليه نضال . دخل عندها لشومبر ناوي يفرع عليها الباب ،فقد السيطرة هوا يالاه وصل لباب وزلق صابر جا قدامو وقف ليه تما لاسق مع الباب وكيهضر معاه بشوية وعينيه خارجين.ونضال شافو بغا يغوت وصابر كيدير ليه بيدو راه فاقدة الداكرة كيطلبو باش يسكت... نضال: حيييييد قدامي غنغلض فييك. صابر: قتلني عاد دخل عندها (كيلهت) راه مريضة ...وماعارفة والو...صبر واخا غييييير شوية ،راك غتخسرها بسباب الاعصاب ديالك.... نضال: واقف كيلهت وعينيه خارجين والقميجة البيضة فزكات من الضهر والسدر بالعرق ... بقا صابر واقف ليه كيفكرو ويعاود بصوت منخفض بللي فاقدة الداكرة عاد تحرك خرج من البالكون ديالها للي مشروك مع ديالو وكيفصلهوم غير جاج جاج غليض اطوماتيكي ... - خرجت لابسة بينوار غوز ودو بياس تحتهم فالغوز وجلست نشف شعري ...(نضال كيتفرج فيا) ...شفت فالساعة لقيتها 6h دلعشيا وهيا دير ليا طن فراسي. فكرت نسهر هاد الليلة فلبواط ،ماعندي مانجلس ندير هنا فشومبر لعشية كاملة. -نضال متبع خطواتها وكيكل فشفايفو معصب و مركز معاها شكادير ومصغر عينيه كيركز باغي يعرف شكايدور ليها فداك الراس..شافها هزات تيلي هضرات ومن بعد شوية دخلات الشينوية و معاها كاورية هازين لافاليز صغيرة حللوها و بداو يقادو ليها وقف كيتفرج وكيحل صدايف القاميجة و عينيه فالتلفازة تعرى وحيد السروال بقى بالكالسون ابيض ناوي يدخل يدوش واللي فيه ماهناه عينيه لسقو عالتلفازة وهيا جالسة فوق الناموسية ممسوقاش و وبينوار محلول سليب كيبان و السوتيامات تا هما وكيلويو ليها شعرها ويقادو لها وجها ويديها الى اخ... خلاها تكمل داكشي للي كادير ودخل هوا تحت الماء باااارد كيطفي السخاانة اللي شعلات فيه و التقحبين ديالها فحركاتها واخا كتكون بوحدها كتشعل فيه العافية . -صايبت شعري وقادو ليا كلشي و جبدو ليا كسوة كحلة للي نلبس فالسهرة واخا مكنعرف حد مي عالله نلقى داك اليكس تما واخا تقيل على القلب مي راه قاضي الغراض ،مشيت كنشوف راسي فالمرايا وكنتبوزة ونتصور كنتسنى الوقت اللي نهبط فيه نديفولى ...
