اناجالسة عالبيضة فالفيلا لداخل سالينا النقيش وبداو النقاشات كيتساراو على الحاضرين للي بغا ينقش شوية هوا يقولي كراميل.. كراميل: ميمي هيهييي ديري ليا بحالك ههه رانيا: هههههههههههههههههههههههههه جلس وسط منا حسن ههههههههههههههههه انا: بغيتي تنقش؟! كراميل: هييي (تحلون) بغيت داكشي انا: واخا ههه بلاتي تجي شي وحدة فيهم تبغي تعمر الشوكة ونقولها لها..(مزال مكملتها جات وحدة) بليييز(حركت يدي باش تسمعني مع لجوق كيغني ) بليز ديري ليه معاك شي صبيع !!! (كنفرنس) النقاشة تصدمات مسكينة بقات غا كتشوف النقاشة: (ويييلي واش هيا هضرات بصح ولا انا مسمعتش مزيان مع الزديح !!!!) نعام احبيبة ..مسمعتكش مزيان(قربات ليا) انا: ديري ليه شي نقشة فيدو ..غيري ديري بلا متعجبي هه النقاشة: اه ...وعلاش ...نقشو ليه !!!(مشوكية) جلسات حداه وحطات مخدة صغيرة على حجرها وعطاها يدو...طبعات يدو حسن من يدها مع ديما مقابل راسو كاتبان هيا الراجل وهوا لمرى.. جلسات تزوق ليه والناس كيطالو بريوسهم وشي كينخز شي ..داروها مفرووووطة تفو عيقو بالتبركيك .. رانيا: ههههه هاوا شوية يقوليك نقشي ليا حتى رجليا ههههههه ...قلي فين قلتها ليك . انا: ههههههه خليه مسكين راه انا اللي حاسة بيه هوا راه صافي ودع الرجولة من داخل راه انثى وكيحس بحالنا بحالو ...(وانا حنيا راسي كنشوف فيدي وندقق فالزواق) رانيا: نااااااااااااااريييييييييي يا مروى نضااااال جااااااا هوا وصابر.(داخل مع الباب) انا: حلفي بالله ماقدراش نهز راسي ....حلفي مكتكدبي(قلبي غيسكت وكنسمع الزغاااارت و الحيوح تجهدو بديت كنترعد وتخطفت وعيتي فيدي مقدرتش نشوف بيها... مروى حانيا راسها والشبكة على وجها ونضال داخل مع الباب كلشي تصدم تصعقو البنات الي هازة شي كاس زلعتو واللي هازة شي حلوة طيحاته وللي حالة فمها راه مها حداها كتوكضها وفواحد الصف مجمعين فيه البنات ... نااااري شكون هداااا ....شوفي صابر كي جااا!!! واللي معاه شكووون ...وييييليييي سمعت بللي غيكونو ناس مهمين فهاد العرس ولاكن عمري شفت فحال هاد الزين!!! .... ناري ياختي انا غنطيح.......قلبي غيسكت اختي ......والله حتى ندير جهدي وكتر من جهدي باش نتعرف علييه....... اناخاصني والله مانفلتو.....قرصيني باش نشوف راسي واش كنحلم . اما هوا قدامها وحداه صابر دخلو لوسط وقفاتهم جهان كتعنقهوم والميمة معاهم...اما نضال عينيه كيضورو ماعارفش فين هوا وطاحت عينو على مروى وهيا كتشوف لتحت مقدرتش تهز فيه العين وهوا كيشوووف فيها وكيبتاسم والميمة كتهضر معاه هوا مراهش معاها.. لميمة: علااامن كتقلب(عاقت بيه) هه صابر: واش هادوك هما مروى ورانيا؟!!!!(تاهوا عمرو حضر شي عرس مغريبي) لميمة: هضر معايا الداريجة باراكا ماتاوي فالهضرة(كتقرصو) صابر: صافي واخا(كيساوي نضال ساهي فمروى) خليوني نشوف خواتاتي ..او رانيا: مروى نضال كيشوف فيك ....شوفيه شنو لابس!!! انا: غير سكتي ها لعار راني غنسخف ليك هنا ...ماعقت براسي تا حسيت بالشبكة كطلع على وجهي (ارتجف) ويد شداتني من تحت فكي حسيت بيها ديالمن وشميت ريحتو ضرباتني ..حسيت بيدو كتهز ليا راسي بشوية وعيني كيطلعو معاها تا جات عيني فعينو قدام وجهي وهوا هابط عندي شفتو مبتاسم ليا كيتاءمل ملامحي ،طبع قبلة على فمي خلاتني نسا راسي فين تا بدا يشوف فيا .. نضال: توحشتك(عينو فعيني.) الميمة:(جراتو) ويلي على فضيييحة (طلعات معاه قرصة) قدااام الناس ياسلكووووط يعطيك لمسخ كتر مانتا ممسوخ .(باسني خلا كولشي حال زكو اونبلان بوبليك هه هوا عندو عادي هوا وصابر وماما ورانيا وبابا مي لافامي راااه الشوووهة دار ليا. انا عاد سرات معايا وليت حمرى وماما كضحك ينعل بو لعالام وصابر باس رانيا من جبهتها وباسني من جبهتي وطلعو علينا الشبكة. صابر :(محني عندنا بجوج) مبروك عليكم الغزالات .. انا هزيت عيني فنضال كنت غنسخف شتو لابس جابادور بلدي فبلو مارين مطرز من الصدر كول طالع شوية بالسنسلة حالها على عنقو وبلغة بلو مارين مع تقاشر بيضين .بقيت غير حاللة فمي فيه وهوا مناكر مع الميمة شاف فيا وانا نرمش شفت فصابر كان لابس جابادور فالزيتي مع بلغة فالزيتي وهوا زعر حا اسوختي مع اللون .. لميمة: جلسو ...جلس نتا والله ونضتي عندها بستيها تا نحيد ليك دوك الشنايف ..(جلساتهم معنا وجلسو كاملين بيهم معنا نضال جيهتي هوا وكراميل وميمة وصابر وماما جيهت رانيا. كراميل نقشات ليه النقاشة صبع وخلاتو ملهي فيها كيصوط حرقو الدوليو وصابر بحال لي درت انا. لميمة : (مع النقاشة) اري ليا ديك الزلافة د لحنا لهنا .(مداتها لها النقاشة) طلق نتا يديك .. نضال: علاااش؟!!!(طلقتهم ليه) انا ضربت على يدو داير فيها الخاتم د الزواج طلعات معايا السهدة مللي شتو .. الميمة: ارى يديك وسكت. (مع انغام الموسيقة ...حنيو لاللاااااا ...حناااااا وحناااانييي ترررن تررن عطاااها ربي جاه العاااااي تررن تررن ترنترنن) صابر:شناهوا داكشي؟!!!!!(الحنة) نضال: شنرر هدا.؟!!! لميمة: (كتحني ليه هههه) هادي سميتها لحنة سكت دابا. انا سالات معايا ملي شداتو دارت ليه الحنة فيدو ..دوارة فالوسط صغيرة...بقا غير كيشوف مافهم والو وكيشوف ليا فيدي ويشوف فيديه ؟ لميمة: خليها هاكا متجمعش يدك حتى تنشف. وهي دوز لصابر حنات ليه تاهوا ..الناس جالسة تركك ..خلاتهم جالسين وطالقين يديهم كيبررقو فيها
