دخلنا و نضال حاضيني بنص عين و انا مللي عطاني ديك الطرشة درت عقلي و تكمشت دخلنا جلسنا وحيدت لفيرور السهد لداخل و انا عيني كيدور فالفيلا كنشوف الفوق ولتحت لداك التصميم لغزااال والراقي تاجات عندي واحد الفيليبينيا(خدامة) خدامة: Madam, do you want something to drink?(مدام تشربي شي حاجة) انا:No thanks. I want to have a rest.(لا شكرا. بغيت نرتاح ،بنص عين فنضال) نضال:Please take Madam to her room.(طلعي المدام لبيتها ترتاح) ام مخزز يخ ... طلعاتني لواحد لبيت دخلت جاتني السخفة مللي شتو كبير فالدوغي و الابيض والفراش رااااءع و دربت على واحد الشوميني وااعر حمقني ..حطو ايا باليزاتي و مشاو و بقيت انا كنكتاشف دخلت كنشوف دوش راااءع وكبير كلاص فيه ماريو بيض كبير و فوطوي ومرايات و بانير الى اخ..خرجت منو هزيت عيني كتبان ليا واحد التصويرة د نضال كبيرة معلقة فالحيط لابس كوستيم و نضاضر مصور بحال شي عارض ازياء..اوااه دابا انا غنبدا نصبح على هادا كل صباح؟!!! بقيت كنفكر وهما يدخل جوج خدامات باش يستفو ليا حوايجي ..حيت حوايجي ودخلت وجدو ليا الحمام و عمرو ليا البانيو وترخيت فيه رتاحيت ...ياربي ايلا كنت كنحلم كنتمنى مانفيقش نبقا ناعسة.ديت نقرس فراسي ممتيقاش ههه غنتسطى ايلا فقت ولقيت راسي كنحلم هه وانا مرخية فالبانيو كانو لخدامات داخلين خارجين كيستفو ليا حوايجي تا ساليت لقيتهم سالاو واقفين كيتسناوني الست بينوار ابيض و نشفت شعري مزيان وطلقتو و بانطوفة بيضاء وخرجت لقيت بلاطو محطوط فوق الطبلة ديال لعشى جلست تعشيت ودخل عندي كراميل كراميل: بالصحة شتك راشقة ليك؟ انا: ههه فين نضال؟ كراميل: اييه !!ولاش كتسولي عليه؟ ياكما توحشتيه؟ عاد وهيا تسرى معايا! وانا لاش كنسول عليه اويلي بدون شعور سولت؟ انا: كيتك نتا وياه غير كنسول مانسولش؟ كراميل : ام الله يجعلني نتيق! المهم باش مايبقاش راسك ضارك راه عندو شي شغل لتحت انا: وا و و انا مالي ؟ لاش كتقول لها ليا!! كراميل: مكتقشريش ! انا مشيت نعس(شاف ساعة) 12h هادي تسخسخت ..يالاه تصبحي على خير ..متشاوفو غدا كود نايت. مشا وهزيت واحد لكاس د المونادا ومشيت كلست حدا الشوميني سااهيه و كنفكر ..تا دخل عليا نضا
بقيت ساهية وكنفكر تا دخل عليا نضال!!!! ماهضر معايا ما والو؟! وحتا انا بقيت حدا الشوميني جالسة معجبة وساكتة ..خفت نحل فمي يطيحو سناني (التسرفيق كيربي) مهم بقيت كنشوف شنو كايدير مشا دار تسلي يتشارجا وكيشوف فيا بنص عين و انا كذلك ،دخل للدوش(اوااه شنو كيدير هادا؟) بقيت انا كالسة كلعب ف التيلي شويا هزيت عيني جيهت الدوش بان ليا كيدوش مي الزاج فشكل مكيبن والو غير الخيال كيتحرك ماواضحش (وللاهيلا كيدوش!!!) بقيت كلعب فالتيلي هوا يخرج..هزيت عيني !!!!! نوووو ميمكنش غادي نغتاصبو مافيهاش شك احححح على على فورما مطراسية و على سدر مزغب انا مرضية الواليدين فالصراحة الله على المافيوزي ديالي تا غا قول ليا شكاتاكل هادا ماشي غا كيتريني لحديد!! والله ونكون كنحلم حتا نتاحر ...بعد ما بقيت حالة فمي فيقني هوا بجوج رجات ديال لما من شعرو كان واقف عاطيني بالضهر وكيمسح شعرو طار عليا لما فيقني!! نتابهت ليه غير بالفوطة ملوية عليه ..ويلي ويلي شاف فيا مطلع حاجبو وهوا يحطد لفوطة ضورت وجهي (ماشفتش الحمد لله) وانا مضورة وجهي حسيت ليه كيتمشى درت بشوية لانشوف شي عجب لقيتو لابس شورط زرق قصير ولانطوفة كحلة وسدرو عريان ..نضت دايرة راسي باكنشوفوش هزيت بيجامة من البلاكار وبغيت نخرج ..حدي حطيت يدي على البواني د الباب.. نضال:ت..ت..ت..ت. (زعما لالالا ببرودة بلا ماتحاولي) حيد ليا يدي على البواني) فين غادا؟ انا: ل ل للللتا بلاصة (عيني فجيسمو طالعين نازلين ممتيقاش) غيغيغير (تزيرت) غير بغيت نخرج نشم الهوا ! نضال:(قربني مني) وهنا زعما مكاينش الهوا؟! انا: (كنرجع باللور وهوا لاسقني!)درت يدي فجبهتي..كنحس براسي مريضة وو سخانة فيا ! نضال: (دار صبعانو على حنكي) ايلا فيك السخانة نحيدوها كلشي عندو دوا bebe (غمزة كيبتاسم بالجنب تا عماوني سنانو بالبيوضة) لا انا بصح كنحس براسي غنمشي فيها ...لا استحمل ابدا ابدا ابدا. تكاني مع الحيط وكرشو على كرشي!! انا بكارت الخوف بديت كنبكي وندمع هىءهىءهىء ..علاش جيتي يا زهري تا لهنا وكوزتي ليا!! شبغا عندي هادا ..(بديت ندمع من نيتي) نضال: علاش هاد الدموع دابا؟(كيمسحهوم ليا) انا: بب..بعد مني عافااك(كنخرجها بزز و كنشهق بالبكا) نضال: ايلا بعدت غتسمعي شكانقول ليك؟ انا: و وواخا!هىءهىءهىء(كنتنخصص) نضال:(وهوا كيرجع اللور بشوية) اووك مزيان ..يلاه سكتي دابا نشوف. قطعت البكيا بزز مني وكنسرطها لداخل ونتنخصص.. نضال: دابا غطفي الضو تجي نعسي بلا صداع وبلا غوات اوك baby انا:لا منقدرش!! نضال:وعلاش متقدريش؟! ياك انا راجلك ونتي مرتي (حال يديه كيشرح وحاجبو مهزوز ) فين كاين المشكيل؟! A انا: ولاكن ا نضال حنا دايرين اتفاق ماشي زواج حاقيقي ؟انا ماختاريتش نتزوج بيك ولا حتى ب باباك علاش كدير معايا هاكا مفهمتش ..جبتيني لهنا بلا ارادتي و كتحكم فيا كي بغيتي ..انا راه انسان كنحس وداكشي اللي داز عليا ماشي ساهل بالنسبة ليا نتا راك ولفتي انا لا (واقف كيسمع ليا) انا منقدش نعيش فهاد العالم ديالك ا نضال القتيلة و الضرب والجرح رجل فالدنيا ورجل فالاخرة ..وكن ماقطعت لخيط لديك القنبولة كن راه تا واحد فينا ماعايش.. نضال: هه(استهزاء..رجع قرب ليا معبس تالسقني مع الحيط) سمعيني baby مزيااان حنا بسباابك كنا غنموتو سمعتي وديك القنبولة ماشي اول مرة نسمعها كتحسب العد العكسي ،،كنضن راكي عارفة كلشي عليا. القنابل اختصاصي نتي ملي شتك قدامي وترتيني شتتي ليا التفكير كن ماجيتي كنت غنسكتها فهمتي و ديك العزالة اللي كانت معايا كنت عارفها لاياش كتخطط و كنت كنتسناهم يوصلو عندي وحيت كنت كنقلب على داك المجرم خليتها دير اللي بغات تا جا عندي برجليه فهمتي دابا..ماشي بزااف باش عرفتيني ياك! وعرفتي عليا كلشي so(اذا) نتي دابا معندك فين تمشي حياتك اللي كنتي عايشاها نسايها نتي دابا مرت نضال نضال سقراط فهمي هادشي محدي كنقولها ليك بفمي (انا كنبكي وندمع) متخلينيش نخدم معاك العنف راه وجه المافيوزي مازال مشتيه اوك....(كحز لور) ودابا غسلي وجهك واجي تنعسي
