#Unicode
ထိုနေ့က နှောင်းရိပ်ဆီလည်း မရောက်ဖြစ်တော့ဘဲ အိမ်သို့ပြန်လာလိုက်သည်။
အရာအားလုံး ရှင်းလင်းသွားဖို့ အချိန်တစ်ခုပဲ စောင့်ဖို့ လိုအပ်တော့တယ်လို့ ထင်မိတယ်။**ခေတ် မင်းပြတ်သားဖို့ ၊ သတ္တိရှိစွာ ရင်ဆိုင်ရဲဖို့ လိုအပ်တယ် သူငယ်ချင်း**
စိတ်ထဲမှ အကြိမ်ကြိမ် ရေရွတ်ရင်း သက်ပြင်းများ အခါခါချကာ တီးတိုး ရေရွတ်လျက် သူငယ်ချင်းကောင်းပီသဖို့ အခြားသောသူများအတွက် တရား၏လော သူမသိပေ။
(တံတားဦး အပြည်ပြည်ဆိုင်ရာလေဆိပ်)
ရှစ်နှစ်ကျော် စွန့်ခွာခဲ့ရသော ပြန်မလာဖို့ ရည်ရွယ်ခဲ့ဖူးသော သူမရဲ့ ဇာတိမြေသို့ သူမ ခြေချလိုက်သည်နှင့် အသက်ရှူ ကြပ်သလို ပူလောင်မှုတွေက ဆီးကြို ပွေ့ဖက်လာသည်။
ခြေထောက်တွေက ခဲဆွဲထားသလိုရွေ့ဖို့ ခက်ခဲနေတဲ့ သူမအနား လူတွေက တွန်းဖယ်ကာ ထူးဆန်းသော မျက်လုံးတွေနဲ့ ကြည့်ရင်း ဖြတ်သွားကြတာ
သိပေမယ့် သူမ ခြေမလှမ်းနိုင်ခဲ့။နောက်ဆုံး အသက်ကို ပြင်းပြင်း ရှူသွင်းကာ တုန်ရီနေတဲ့ လက်တစ်ဖက်ကို အခြားတစ်ဖက်နဲ့ အုပ်ကာ ထိန်းပြီး သား အတွက် ရင်ဆိုင်နိုင်ရမယ်လို့ စိတ်ထဲ အော်ဟစ်လိုက်ပြီး သူမ ခြေလှမ်းတွေက စောင့်ကြိုနေတဲ့ တစ်စုံတစ်ယောက်ရှိရာ လေဆိပ်၀င်း အတွင်းသို့။
သူမကို ပြုံးပြကာ လက်လှမ်းပြနေတဲ့ သူ့ကို မြင်တော့ အားအင်တွေ ရလိုက်သလို လုံခြုံမှုကိုပါ ခံစားလိုက်ရသည်။ တစ်ပြိုင်တည်းမှာပဲ တောက်ပစွာပြုံးတတ်တဲ့ မျက်လုံးကြည်ကြည်လေးတွေနေရာမှာ
မှိုင်းပြပြ မျက်၀န်းတွေက ၀င်ရောက်နေရာယူနေသလို သူ့ပါးချိုင့်လေးတွေက အသက်မ၀င်တာ မြင်ရတော့လည်း အားနာစိတ် ဖြစ်ရသည်။သို့သော် သူမရဲ့ တစ်ခုတည်းသော ခိုလှုံရာ ဖြစ်တဲ့ သူ့ကို အတ္တကြီးစွာ ပိုင်ဆိုင်ခွင့်ပြုပါ....
" ဒီဒီ ...."
သူမ lagguageကို လွှတ်ချကာ ထိုသူ့ရင်ခွင်ကို ခို၀င်ကာ ဖက်လိုက်တော့ ပြန်လည် ဖက်တွယ်လာခြင်းမရှိဘဲ တောင့်တောင့်ကြီးသာ ရပ်နေသည်။
YOU ARE READING
ချည်မိနှောင်ကြိုး တည်တံ့စေ(ခ်ည္မိေႏွာင္ကျိဳးတည္တံ့ေစ)
Romanceစစ်မှန်တဲ့ ချစ်ခြင်းတွေဟာ ကမ္ဘာခြားနေတဲ့ သူနှစ်ဦးကိုတောင် ဆုံစည်းစေနိုင်တယ် ကိုယ်တို့ရဲ့ချစ်ခြင်းတရားတွေသာ စစ်မှန်မှုရှိခဲ့ရင်.... စစ္မွန္တဲ့ ခ်စ္ျခင္းေတြဟာ ကမၻာျခားေနတဲ့ သူႏွစ္ဦးကိုေတာင္ ဆုံစည္းေစနိုင္တယ္ ကိုယ္တို႔ရဲ့ခ်စ္ျခင္းတရားေတြသာ ...