مساء في قصر العمري دلف راسلان الى قصر وهو يطلق صفيرا مرحا واتجه إلى غرفة المعيشه حيث والدته واخيه اياد وبنت خالته داليا دلف راسلان وهو مازال على اطلاق الصفير تحت صدمه الجميع دائما ما عرف بهيبته وعبوثه الدائم قليلا ماكان يضحك وليس ضحك بالمعنى ولكن هى ابتسامه وليست مكتمله
والدته : راسلان انت كويس ياحبيبى
اياد : دا بيصفر يافريال هانم كويس ايه
فريال : فى ايه ياحبيبى طمنى
راسلان وهو مازال على ابتسامته مال وقبل رأس والدته : طيب اقعدى بس وانا هفهمك
فريال : اهو قعدت فيه ايه
راسلان : انا قررت اتجوز
اياد وداليا : ازااااااااااى ؟!!
نظر لهم راسلان بطرف عينيه
فريال بفرحه : بالله عليك بتتكلم جد
راسلان بضحكه عاليه هذه المره : اه والله بجد
اياد : مين العروسه طيب يانمس بنت مين من رجال الاعمال حد نعرفه
راسلان وهو ينظر لوالدته : حد نعرفه اه ... بس مش بنت رجل اعمال
فريال بأستغراب : يعنى ايه
راسلان وهو ينظر بترقب لرد فعلا والدته : ميااار
فريال بعدم فهم : مين ميار انا معرفش حد بالاسم دا
اياد بصدمه بعد ان استوعب الاسم : تقصد مدام ميار الممرضه
نظرت له داليا بدهشه وكذلك فريال التى تحدثت بصدمه : مدام ...ممرضه
ثم اتسعت عيناها بذعر : تقصدوا الممرضه اللى كانت بتخدمنى وقت الحادثه
اومأ كل من راسلان واياد بإيجاب دون تحدث شهقت كل من فريال وداليا
فريال بصوت غاضب : ابنى انا راسلان بيه العمري ابن اكبر عيله فى مصر يتجوز حتة ممرضه
راسلان : فيه ايه ياامى
فريال : فى ايه انت بقى اربى واكبر فيك 37 سنه ومستنيه اليوم اللى اشوفك فيه عريس واخرتها تيجى تقولى اتجوز ممرضه
ثم صمتت واتسعت عينها كأنها أكتشفت امر آخر
ثم نظرت للخلف إلى اياد
فريال : انت قولت ايه
اياد بذعر : انا منطقتش ياماما فيه ايه
فريال بغضب : قولت مدام صح
اياد : اااااااااه مدام ميار ايوه
فريال التى نظرت لراسلان وهى توجهه اصابعها نحو اياد : فهمنى بقى ياكبير العيله ايه بقى اللقب دا
راسلان وهو على نفس بروده : مدام ياامى لانها مطلقه وعندها ولد
شهقت داليا بصوت عالى ووضعت يداها في محاوله لكتم شهقتها
فريال : ابنى انا يتجوز خرج بيوت بواقي ناس تانيه لا ومشاء الله مش جايه فاضيه جايب الوريث معاها
اياد بصدمه من حديث والدته : امى انتى امتى بيفرق معاكى الكلام دا انا ديما بشوف معاملتك للناس كويسه
فريال :فى فرق بين ان معاملتى تكون كويسه ليهم وان ادخلهم بيتى ويبقوا منى الناس اللى من الطبقه دى اخرهم ابتسامه كلمه اطيب بيها خاطرهم من وجع الدنيا لكن ادخلهم بيتى ويبقوا منى دا اللى مش ممكن
راسلان : مش قادر اصدق انك بتتكلمى كدا ياامى مش قادر ومش فاهم فين مشكلتك مع ميار بالظبط لانها فقيرة ولا لانها مطلقه وعندها ولد
فريال بغضب : الأتنين
راسلان : طيب انا اسف ياامى بس لازم تغيرى فكرتك دى لان هتجوز ميار وهتيجى وتعيش هنا هى وابنها والموضوع كدا انتهى
ترك راسلان والدته والجميع تحت صدمتهم وخرج من الغرفه وجد عمار يقف خارج الغرفه وعلامات الذهول تعلو وجهه
راسلان : وهو على نفس بروده كويس انك سمعت الكلام لان مش هعيد مرتين وترك عمار بصدمته هو الاخر وصعد درجات السلم متجها إلى غرفته
عمار دخل الى الغرفه وكان الجميع على نفس ذهولهم
عمار : يبقى اللى سمعته صح بقى مش كنت بتخيل
اياد : هو بعيد عن انى مش مصدوم لطلب راسلان ايد ميار لان من اول يوم وانا ملاحظ علامات الاعجاب منه ليها بس متوقعتش انه يعترف بدا بالسرعه دى
داليا وتحدثت اخيرا وهى تقف : يعنى انت كنت عارف يااياد وساكت
نظر لها اياد بغضب : وانتى مالك ايه لسه عشمانه انه يرجعلك ولا ايه
عمار بغضب حاولت ان لا يظهر :اياد اهدى ومتزعقلهاش كدت
نظر له اياد بحاجب مرفوع :والله!!!!!
كاد يتحدث عمار لكن قطعه صوت فريال
فريال بشرود : اتصل بأبوك ياعمار اتصل بيه خليه يجى يفض المهزله دى
نظر كل من اياد وعمار لبعضهم دون التحدث بكلمة ثم اخرج هاتفه وطلب والده لحظات انتظرها حتى اجابه
عمار : ايوه بابا انت فين
..........................
عمار : تمام تعالى على قصر عمى مرات عمى عايزاك
اغلق مع والده ثم وجهه نظره إلى زوجه عمه
عمار : جاى يافريال هانم
ثم جلس بجوار اياد الذى تحدث بصوت خافت
اياد : هنلبس الليله ياعمار يلا نخلع
داليا : هتسبونى لوحدى
عمار وهو ينظر لها بحالميه : مقدرش
داليا بابتسامه :ثانكس ياعمار
اياد وهو ينظر لهم بحاجب مرفوع : هو في ايه بالظبط بينكم مش مرتاحلكم
كاد عمار يتحدث لكن اوقفه دخول والده
صابر : السلام عليكم
أنت تقرأ
كيف لا أحبك ؟!
Storie d'amoreظلمت من الجميع وداقت مراره قسوه وخذلان المجتمع لم يقف احد بجانبها حتى ظهر هو كالملاك الحارس ينتشلها من بئر الحزن الى سماء الحب بدون قيود لتولد معه من جديد 💏
