الاسكريبت ده مختلف حاجه جميله جداا ان شاء الله تعجبكم قولوا رأيكم في الكومنتس واعملوا فوت 💜🔥
هو: ما تيجى نتجوز !
اناا: بس ماينفعش إنتَ مسيحى وأنا مُسلمة !
هو: بس أنا بحبك !
انا : بس ما ينفعش عندنا في الاسلام المرأة ما تتجوزش غير مُسلم !
جرب إقرى عن الإسلام إفتح مصحف لمرة واحدة هتحس براحة كبيرة قشعريرة هتسير في جسمك كله !
الإسلام جميل ويتحب والله !
هو : بس دي خطوة صعبة في حياتي ، مش سهل أقدر أعملها !
انا: وأنا كمان مش هقدر أخالف دينى ومبادئه وأتجوزك ، ربنا هيغضب عليا !
هو: إنتِ ليه مش فاهمة إني بحبك !
انا : وإنتَ ليه مش فاهم إني بحبك ، بس مقدرش أعمل كدا ! مقدرش صدقني !
سبته واقف علي السلم ودخلت شقتنا ، هو جاري من زمان بقالنا سنتين بنحب بعض ! عارفة إنه غلط و إني كنت بوهم نفسي ومستحيل نتجوز !
حاولت كتير أتجنبه وأنساة بس ما قدرتش ، القلب وما يهوي زي ما بيقولوا !
الحب دا حاجة عامله زي المرض ، بيستنزف طاقتك كلها بيفتت قلبك لجزيئات صغيرة يصعب ترممها !
بيخدنا لطريق ماحناش عارفين له نهاية ، بيخلينا نبنى حكايات وأحلام وعارفين إنها أوهام وما ينفعش تتحقق !
مراد !
عيون مراد !
عايزه أسمع صوتك في القرآن ممكن !
إبتسم وشاورلي أقعد في حضنه : ست الحسن تؤمر !
مراد أخويا الكبير سننا قريب من بعض ، بحب صوته في القرآن جداً ، كان بيقرأ في صورة البقرة وركزت في آيه
وَلَا تَنكِحُوا الْمُشْرِكَاتِ حَتَّىٰ يُؤْمِنَّ ۚ وَلَأَمَةٌ مُّؤْمِنَةٌ خَيْرٌ مِّن مُّشْرِكَةٍ وَلَوْ أَعْجَبَتْكُمْ ۗ وَلَا تُنكِحُوا الْمُشْرِكِينَ حَتَّىٰ يُؤْمِنُوا ۚ وَلَعَبْدٌ مُّؤْمِنٌ خَيْرٌ مِّن مُّشْرِكٍ وَلَوْ أَعْجَبَكُمْ ۗ أُولَٰئِكَ يَدْعُونَ إِلَى النَّارِ ۖ وَاللَّهُ يَدْعُو إِلَى الْجَنَّةِ وَالْمَغْفِرَةِ بِإِذْنِهِ ۖ وَيُبَيِّنُ آيَاتِهِ لِلنَّاسِ لَعَلَّهُمْ يَتَذَكَّرُونَ (221)
'حسيت الآية جات في وقتها ، بتنبهنى إن اللي عملته صح ، وإننا ما ينفعش نبقا لبعض !
إحنا أدينا مختلفة مش هنقدر نعيش مع بعض ونوازن الأمور !
مالك يا حببتي !
عيطت : إحضني يا مراد ! إحضني !
خدني في حضنه وفضل يمسد علي رأسي ويقرأ آيات من القرآن الكريم ، إحكيلي يا حببتي مالك ، فضفضيلي !
مسحت دموعي أنا كويسة !
دخلت أوضتي قبل ما يسألني ، دخلت لركني الهادي كملت وصلة العياط اللي بدأت ومعرفتش أوقفها ، لأول مرة أتحط في إختيار صعب للدرجة دي ، قومت إتوضيت وصليت وفضلت أدعي و أقول بكل قوتي يارب إنتَ عالم بحالى ، يارب طيب قلبي المجروح !
خرجت من البيت ، كنت ماشية في الشارع بدور عليه في وشوش الناس ، أنا عارفة إني مش هلاقيه ! مستحيل نبقا لبعض ، الدنيا حكمت علينا الفراق و البعد ، الدنيا دايمًا قاسية بتاخد لكن عمرها ما بتدي !
رجلي وقفتني عند مسجد ، صوت الآذان كان في ودني ، خرجت تليفوني بصيت في الساعة لقيتها سبعة إلا ربع ، عرفت إن دا أذان العشاء !
طلعت مسجد السيدات حسيت بدفي في المكان روحت إتوضيت وصليت وقعدت أعيط ، عيط وفضلت أشتكي لربنا ودعيت كتير إن يسامحني علي اللي بعمله !
حسيت بإيد بتتحط علي كتفي إتخضيت وبصيت ورايا لقيت بنت جميلة ملامحها جميلة وشها منور !
مالك يا حببتي !
عيط أوووي ، إهدي يا حببتي إغسلي وشك وتعالي نتكلم !
قومت غسلت وشي ورجعتلها تاني !
ها قوليلي مالك !
دموعي خنتني : هو إحنا ينفع نتجوز مسحين !
طبطبت علي كتفي : إرجعي لربنا يا حببتي ، إرجعيله هيتقبلك !
بس أنا بحبه !
ربنا بيحبنا أكتر من نفسي ، وعارف مصلحتنا أكتر مننا ، إستغفري ربك و إرجعيله !
عيطت أكتر !
طبطبت علي كتفي ' وَلَقَدْ خَلَقْنَا الْإِنسَانَ وَنَعْلَمُ مَا تُوَسْوِسُ بِهِ نَفْسُهُ ۖ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ (16) '
إستغفرت ربنا ومسحت دموعي وإبتسمتلها ومشيت !
كنت طالعة علي سلم العمارة وأنا بحاول أبان قوية عشان محدش يشوفني كدا !
شوفته وقالي : مالك يا دعاء !
قلبي دق ، عرفت إن هو غمضت عيني عشان ما أنهارش قدامه !
قولت : إنتَ عايز إي !
قال : عايزك !
قولت : ما تقربش مني ، إحنا ما ينفعش نكون لبعض ، إللي بنعمله دا حرام !
قرب مني أكتر وقال : خايفة مني !
انا : اه ، لا ، هخاف ليه !
قرب مني أكتر وهمس في ودني !
' أشهد أن لا إله إلا الله و أشهد أن محمداً رسولاً اللّه '
عيطت أوووي وبصيت لعينه : إنتَ ...
دعاء بحبك والله !
عيطت أكتر وصوت شهقاتي علا وسندت علي كتفه وفضلت باصه لعيونه !
تقبلي تكوني مراتي علي سنة الله ورسوله محمد صلي الله عليه وسلم !
عيطت : بحبك !
وما الحبُ كحبُ زُليخه ليوسف !
وماْ اللقاءُ كلقاءِ يوسفُ بيعقوبِ !
وإنْيِ علي أحرُ من الجمرِ للقائَنا !
#أنا_والمسيحي
#حبيبه_وليد
حاجة لطيفه أتمني تعجبكم يارب 💙💙💙💙💙
أنت تقرأ
اسكريبات 🔥❤
Kısa Hikayeلا أُمانع إن اتصلت بيّ في الثالثة فجرًا، لتقول"افتقدتك"..ألا تتردد في محادثتي بوسط انشغالي لتخبرني عن جرح صغير خدش اصبعك الإبهام بِيدك اليُسرى..وحتى إن أيقظتني من عميق نومي لتخبرني كم تُحبني. لا بأس إن فعلتها لتصبّ غضبك لدي وتتخلص من الشتائم والدمو...
