ဂျူတီကထွက်လာပြီးကားပါကင်ကိုကြည့်မိတော့ မောင်မင်းကြီးသားကရောက်နှင့်နေပြီ။
"ဘယ်ကိုမောင်းရမလဲအစ်ကို"
"ဆေး ၁ ကိုမောင်း"
"သြော် ဆေးကျောင်းသားလေးလား ကောင်းတာပေါ့။ ကျန်းမာရေးအသိရှိတော့ပိုပြီးအဆင်ပြေတာပေါ့ဗျာ "
"ဟုတ်တယ် ဆေးကျောင်းသားလေး၊ ရယ်စရာပြောပြရဦးမယ်"
အစချီကာ ခင်မောင်ထူးသီချင်းလေးဆိုပြစဉ်ကအဖြစ်အပျက်ကိုပြောပြရင်း ရယ်မိကြပြန်သည်။
"အစ်ကိုပြောပုံအရဆို အစ်ကို့ကလေးကလည်းသံယောဇဉ်ရှိနေနိုင်ပါတယ်။ သဝန်တိုခြင်းဆိုတာက အချစ်ရဲ့ရှေ့ပြေးလေးလေ။ ကျွန်တော်လည်းကိုကို့ကိုဆိုတအားသဝန်တိုတတ်တာ၊ သူဘာဆိုတာကိုသိနေလည်း ကျားမ,မရွေးတိုနေတတ်တာပဲ။ သူကပြောတယ် သဝန်တိုတာဟာအချစ်ရဲ့ရှေ့ပြေးဖြစ်သလို မယုံကြည်ခြင်းရဲ့လမ်းစတဲ့၊ အဲစကားကိုကြားပြီးထဲက သူ့ရှေ့မှာသိပ်မတိုပြရဲတော့ဘူး။ သူကသူ့ကိုမယုံကြည်ဘူးပြောရင် သိပ်စိတ်ဆိုးတတ်တဲ့သူလေ၊ ဒါပေမဲ့ ဘာထူးလဲနော်အစ်ကို၊ မယုံကြည်ခဲ့မိတာမှန်နေသားပဲ ဟက်"
ကိုယ့်အပူနှင့်ကိုယ်မို့ သူ့ကိစ္စလည်းထပ်မမေးဖြစ်ခဲ့ပါ။ ခုလိုကြားရတော့လည်းစာနာခြင်းနှင့်စိတ်မကောင်းမိပြန်၏။ သေချာအကဲခတ်မိတော့ မျက်နှာလေးကပြုံးရယ်နေပေမဲ့ မျက်လုံးလေးတွေကအရင်လိုရွှင်လန်းမနေ။ မျက်တွင်းလေးတွေညိုနေပြီး အိပ်ရေးပျက်နေတာသိသာနေ၏။ ချောင်ကျသွားသောမျက်နှာလေးက ပါးရိုးလေးတွေတောင်ပေါ်နေသည်။
"တစ်ခုတော့ကြိုပြောထားမယ်နော်။ ကိုယ့်ကိုယ်ကိုယ်ဂရုစိုက်၊ အချစ်ဆိုတာအရေးပါတယ်ဆိုပေမဲ့ ဘဝဆုံးလောက်အောင်မနစ်မွန်းပစ်လိုက်ပါနဲ့။ မင်းအသက်ကငယ်ငယ်လေးရှိသေးတယ်၊ တွယ်တာစရာမိဘလည်းရှိနေသေးတယ်။ အဖိုးတန်တဲ့လူ့ဘဝကိုလည်းပိုင်ဆိုင်ထားတယ်။ ဒီလိုအချိန်မျိုးအတွက် အစောကြီးထဲကပြင်ဆင်ထားခဲ့ပြီးသားမဟုတ်လား။ ဒီတော့ မိဘစိတ်ဆင်းရဲရမဲ့အဖြစ်မျိုးမလုပ်ပါဘူးလို့ အစ်ကို့ကိုကတိပေး"
YOU ARE READING
ဆုံစည်းခွင့်
Romanceစစ်မှန်သောချစ်ခြင်းတရားတိုင်း ဆုံစည်းခွင့်ရှိစေ။ #Firstlove #Boy Love #Romance #Drama #Complete (Unicode)
