في اللحظه دي حسام جا قال في شنو 😳 ؟؟ المشرفه قالت ليهو بكل براءه مافي حاجه بس مرتك عايزه تشتكينا للمديره عشان تطردنا من الشغل 😔 قال ليها كيف يعني 😳 ؟؟ قالت ليهو انا والمشرفه دي كنا بنهظر مع بعض وهي سمعتنا وفهمتنا غلط وقالت الأ تشتكينا إنفعلت وقلت ليها كذااابه قولي الحقيقه وأأي ح أكلم المديره تطردك ✋ حسام قطع كلامي وقال لي شجن أطلعي العربيه 😓 قلت ليهو لااازم أقابل المديره حتى أطلع وحسام من غير يفهم الحاصل إعتزر ليهم ومسكني من معصم يدي ركبني العربيه بالقوه إنفعلت وقلت ليهو كيف تعتزر منهم من غير ما تفهم الحاصل قال لي بحده شجن ما عايز نقاش ودي آخر مره تجي هنا 😓✋ قلت ليهو بس انا ما غلطانه قال لي عندك خيارين إختاري واحد منهم يا تجي إنتي ولأ إشتري الحاجات وأرسلها ليهم ✋ لو في نظرك انو زيارتك أهم من الحاجات أوك ح أترك الحاجات وأجيبك انتي 😓 قلت ليهو بس انا ما غلطانه قال لي كلمتي واحده والخيار يرجع ليك يا الحاجات يا إنتي قلت ليهو حسام خفف السرعه 😢 حسام بركن العربيه وقفنا ربع ساعه عشان يهدأ ويقدر يسوق براحه بعد وصلنا البيت عملت العشاء ختيتو في التربيزه ورجعت السرير حسام جا محصلني إتلفت منو بالإتجاه الحيطه قال لي ما عايزه تشوفي وشي اوك بس أكيييد بتسمعي صوتي صح قومي العشاء 😊 قلت ليهو ما عايزه قال لي من متين انا بتعشى براي ؟؟ عرفتي ليييه انا رافض انك تمشي دار الرعايه عشان بعد ترجعي البيت حياتنا كلها بتتلخبط وفضل يمسح في شعري قلت ليهو بس انا ما غلطانه المشرفه بتخلط دواء منوم مع اللبن للأطفال عايزني أعمل شنو غير إنفعل معاها 😒 حسام إتصدم وقال لي بخلعه شنووو 😳 وليييه ما إتكلمتي من الأول قلت ليهو بس انت ما أديتني فرصه وجبرتني أركب العربيه 😏 قال لي يعني في الآخر طلعت انا الغلطان طيب يا ستي أوعدك إني بكره أكلم المديره كده تمام إتلفت وقلت ليهو يعني ح تخليني أمشي معاك قال لي لااا انا الـ ح أكلمها ولو ما إتعشيتي معاي لا ح أكلم المديره ولأ ح إشتري الحاجات 😊 ومسكني من يدي وجبرني أقوم قعدت في الصينيه بس بالجد ما كان عندي نفس للأكل حسام قال لي انا قلت ليك تاكلي معاي ما تتفرجي علي وانا باكل ولأ عايزاني أأكلك أنا 😊 قلت ليهو حسام بالجد ح تكلم المديره ولأ بتغش علي قال لي والله ح أكلمها بس من غير ما أوضح ليها إسم المشرفه عشان ما نتسبب في طردها من الشغل واكيييد المديره بعد تعرف الحقيقه ح تراقب كل المشرفات ✋ بس إنتي ما جاوبتيني ح تاكلي ولأ مسكت العيشه وبديت أكل حسام ضحك وقال لي الأ كده 😅
مر إسبوع في يوم حسام كان بعاين لي وأول ما إنتبهه وأبادلو النظرات بغير إتجاه عينو 😓 قلت ليهو حسام في حاجه قال لي أبدا 😊 وطلع الشارع بعد 5 دقايق جا راجع قال لي شجن تعالي أقعدي عايزك في موضوع ✋ قلت ليهو من الأول كنت عارفه إنو نظراتك وراها كلام أحكي 😊 قال لي ما نفسك يكون عندنا بيبي وتسمعي يناديك بـ ماما 😍 قلت ليهو أكيييييد نفسي وحتى انا كنت عايزه أفتح معاك الموضوع ده بس كنت متردد وخايفه إنك ترفض 😢 حسام الفرحه ظهرت في تعابير وشو وقال لي كيف يعني أرفض بالعكس ده أحلى خبر قلت ليهو طيب رأيك شنو نتبنى أحمد 😍 حسام إتخلع وقال لي بدهشه أحمد منو 😳 ؟؟ قلت ليهو الـ عضتو الكلبه قال لي بـإنفعال شجن إنتي أكييييد بتهظري أنا قصدي طفلنا أنا وإنتي تقولي لي نتبنى 😠 قلت ليهو أنا ما عايزه طفل مني وقمت من جنبو مسك يدي قال لي السبب شنو 😳 ؟؟ إنفعلت وقلت ليهو بس لااا من غير سبب ودخلت الغرفه جا محصلني قلت ليهو حسام إنت عايز طفل أنا موافقه إنك تعرس والمره دي بكامل رضاي ✋ وعايزه أطلع من الغرفه حسام مسك يدي حاولت أفكها بس كان ماسكها قوي وقال لي انا ما بيهمني الطفل بس عايز أعرف سبب رفضك إنتي شنو ؟؟ وما ح تطلعي من هنا لو ما حكيتي السبب 😓 وملاحظ ليك كل ما نفتح سيره الأطفال انتي بتهربي من الموضوع رفع راسي من حنكي وقال لي سامعك أحكي 😓 نزلت يدو بقوه وإنفعلت حسام أفهم انا ما عايزه أجيب طفل عشان يعاني طول حياتو زيي 😢 قال لي بإستغراب كيف يعني يعاني زيك انتي فاكره انو بعد يتولد ح أجدعو ولأ انتي ح تتخلي عنو كنت فاكر عندك سبب مقنع أكتر من كده 😒 قلت ليهو ما قصدي كده بس لم يعرف حقيقتي بعد يكبر وإنو أمو من دار الرعايه ح يستعير ويبعد عني 😔 قال لي أكييييد ما ح يحصل كده وبعدين مافي واحد ح يكلمو ✋ قلت ليهو لااا أكيييد ح تكلمو سماح عشان تنتقم مني زي ما عمل معاي عبدالله وما عايزه يعيش وحيد في طفولتو زي ما انا كنت عايشه 😢 قال لي كيف عشتي وحيده ومعاك محمد 😳 قلت ليهو لم كنت طفله محمد كان بينفر مني 😔 ولم أسمع صوت الشفع في الشارع كنت حابه ألعب معاهم بس كانت اي مرا تلقى بنتها بتلعب معاي بتمنعها وتقول ليها انا حزرتك ما تلعبي مع البنت دي 😡 وبتدخلها البيت يعني حتى في الشارع كنت وحيده عشان كده ما عايزه أنجب طفل يعيش نفس معاناتي ويدفع تمن غلطه ما عندو ذنب فيها كفايه العذاب العشت فيهو أنا وإنهرت بالبكا 😭 حسام ضماني عليهو شديييد وقال لي بس إنتي برضو ما عندك ذنب قلت ليهو بس للأسف دفعت التمن 😔 قال لي بس أوعدك إنو طفلنا ح يعيش في أحسن حال وح يكون فخور بيك طول حياتو رفع راسي من كتفو مسح دموعي وقال لي ولو لفه الدنيا كلها ما ح يلقى أم أحسن منك 😘 والله المواقف الزكرتيها دي كلها أوعدك طفلنا ما ح يمر بذره منها وإطمني إنتي بس أوضعي وانا ح إهتم بيهو ✋ ح أرقدو في حضني وح أنومو في صدرو وحااااا أنومو في السرير وانتي ما عليك الأ تأكلي وتشربي وتحممي وتبدلي ملابسو والباقي كلو علي أهااا قصرت معاك 😌✋ إبتسمت في عز وجعي مسكني من حنكي وقال لي شوفتي الدنيا دي ما بتستاهل غير الإبتسامه دي 😍 قلت ليهو ضحكت في كلامك إنت ما زكرت حاجه غير انك تنومو 😒 قال لي وفي أصعب من تنويم الطفل المهم يعني إعتبرك موافقه يكون عندنا بيبي إنتهزت الفرصه وقلت ليهو موافقه بس بشرط حسام قال لي موافق من غير ما أعرف الشرط قلت ليهو شرطي إنو كل ما تمشي دار الرعايه تسوقني معاك زي زمان 😊 حسام إحتار وقال لي بس إتكلمنا في الموضوع ده وإتفقنا 😒 قلت ليهو بس الإتفاق إتغير وده شرطي الأساسي 😊 قال لي يعني عايزه تضغطي علي عشان أوافق سكته ما رديت قال لي أوك موافق ✋ وده كان أسعد خبر بالنسبه لي إني ح أرجع أقابل أولاد الميتم 😍 يوم الجمعه كالعاده بنشرب الجبنه كلنا مع بعض قلت لـ حسام أفتح باب نص بينا وبين خالتي ليلى ما ممكن كل ما أمشي ليها الأ عن طريق باب الشارع حسام قال لي شجن بتتكلمي بـ الجد 😍 قلت ليهو أكييييد ده ما وقت هظار ضماني عليهو وقال لي آخييييييرآ ح نكون أسره واحده وقسما وعد مني أعوضك عن كل ألم عشتيهو 😘 قلت ليهو طيب ممكن نمشي عشان ح يكونو منتظرننا بالجبنه وفعلا إجتمعنا كلنا " خالتي ليلى قالت لـ حسام الليله وشك منور وظاهر عليك مبسوط الحاصل شنو 😊 قال ليها واحد وسط أسرتو ومجتمعين كلنا مع بعض يستحق إني أفرح صح 😍 بس ناقصانا دعوه حلوه منك قالت ليهو ربنا يسعد ويهنيك انت ومرتك ويرزقكم الزريه الصالحه حسام قال ليها بسسسس الآخيره دي أحلى دعوه كتري منها وأداني نظره 😉 وآخيرا أصبحت حياتي مستقره وحسام أوفى بـ وعدو وكل شهر كنا بنشتري مستلزمات الأطفال وبنسجل زياره لـ دار الرعايه بس عدد الأطفال مجهولين الهويه في زياده 😔 وللأسف ما كل طفل ح تضحك ليهو الدنيا زي شجن ويلقى اسره تتبنى ولا كل طفل ح يدخل في حياتو شخص زي حسام يسندو ويخفف عنو شجن كانت قصه نادره من بين مليون قصة مآساة أطفال الميتم 😭
#رسـالة من كل طفل مجهول الى أمه :
ما ذنبي يا امي ؟! اتعلمين بحالي ؟! اتدرين ما جرى لي ؟! لقد عشت وبطني خاليه من حليبك وصراخي يعلو من فراقك ؟! ليس ذنبي عندما فقدت عقلك للذة وانتي تمارسين الحب مع ابي !!ما ذنبي تحملين بي وتنجبينني وتتركينني في العراء ؟ ساكبر يا امي يوما وساكون طفلا منبوذا لا يقبله المجتمع وكل ذلك ليس ذنبي 😔
أخاف عليك من تأنيب الضمير وعذاب يوم المصير كل ألم عشته وكل إهانه مستني محسوبه عليك 😔✋
طيب ذنب منو ؟؟
ذنب الأم السلمت نفسها بكل بساطه لـلذتها
ولأ ذنب الأب الأغواها وخدعها
ولأ ذنب المجتمع الرافض تقبل الطفل
ولأ ذنب الأهل الـ كل همهم نظرة المجتمع وكل تفكيرهم التخلص من الطفل ؟؟؟؟
أسئله تستحق الإجابه
وفي الختام بقول :
لا حول ولا قوة الأ بالله وربنا يصلح الحال ✋
#إستودعگـم الله ولـنا لقاااء ( أشـﺟـان )
دعوة الـ 40 شخص مستجابه وأنا والله في أشد الحوجه أكرموني بدعوه منكم بدل تم 😘✋
