قال ليها يا أمي سماح ما بتنفع معاي 😓✋ طاااااخ يا سااااتر يا سااااتر شكلها ماتت لااا لاااا حيه بتتنفس بس أسعفوها للمستشفى 😓 لم فتحت عيوني لقيت روحي في غرفه رفعت راسي عشان إستوعب انا وين راسي لفه لمستو بيدي لقيت فيهو لصقه وقاعد ولد في الكرسي قال لي حمدلله علي السلامه 😊 قلت ليهو الجابني هنا شنو 😳 ؟؟ وأمي وين ؟؟ قال لي إنتي في المستشفى أما السؤال التاني ده تجاوبي عليهو إنتي 😊 وكنت حاسه بروحي زي النعسانه ما قادره إتناقش معاهو غمضت عيوني 😓 تلفونو رن رد أهليين حبيبنا اي الحمد لله فتحت عيونها بس رجعت نامت " يااااخ سماح شنو ده ما وقتها أول النتخلص من المصيبه الراقده دي وبعدين أشوف ح يحصل شنو ✋ ؟؟ فتحت عيوني قلت ليهو أولا أنا ما بسمح ليك تقول علي مصيبه 😒 وبعدين عندي شنو حاسه بصداع وراسي دايش 😔 واصل كلامو في التلفون قال أقفل أقفل دي شكلها صحصحت شديييد برجع ليك بعدين .. لا ما تجي ح نطلع بعد شويه 😊 بعد قفل الخط قال لي بعتزر كنت فاكرك نايمه وبالنسبه لـ سؤال عندك شنو ؟؟ ما ح أقدر أرد عليك هسي لأنو عملو ليك صورة أشعه للرأس ومنتظرين الدكتور يجي يوضح لينا الحاصل 😊 قلت ليهو يعني انت ما الدكتور طيب قاعد معاي لييييه 😒 ؟؟ واصلا الجابني هنا شنو ؟؟ قال لي قاعد عايز إطمن عليك لأنو انا الـ ضربتك بالعربيه بس إنتي الغلطانه جيتي جاريه قدام العربيه بطريقه إنتحاريه 😓 في اللحظه دي إتزكرت وقلت ليهو حاجاتي !! حاجاتي ح تتسرق انا خليتها في الشارع وتعب أمي ح يضيع وقعدت أبكي رجعني مكاني 😭 قال لي يا بنت أهدي حاجات شنو 😳 ؟؟ وطلع بسرعه نادى الدكتور الحيوان فاكر أنو الضربه أثرت علي راسي وإني جنيت 😒 بس انا كنت واااعيه وقاصده حاجات البيع (الكسره والدكتوه والشطه) الدكتور والولد جو داخلين قلت ليهم امي ح تكون منتظراني عايزه أرجع بيتنا قبل صلاة العصر 😭 الولد إتخلع نطط عيونو 😳 وقال لي بس المغرب قرب يأذن قلت ليهو شنووووو 😱 ؟؟ الدكتور قال لي ح تقعدي معانا لحدي بكره عشان نتطمن عليك وإتصلي علي ناس البيت كلميهم ✋ قلت ليهو لااا لااا انا كويسه وأمي ح تكون منتظراني بس رجعوني البيت وأصّريت إني أطلع من المستشفى 😓 الولد قال للدكتور خلاص ممكن نطلع وبكره بجي أنا راجع إستلم النتيجه ✋ الدكتور قال ليهو اوك مافي مشكله وفعلا طلعنا وفي الطريق الولد قال لي وصفي لي بيتكم عشان اوصلك 😊 قلت ليهو من هنا ما بعرف 😢 بس اول وصلني مكان ضربتني عشان أشيل حاجاتي 😔 قال لي حاجاتك شنو ؟؟ قلت ليهو الكسره طبعا الولد فاكرني لسه بهضرب بالكلام نتيجة الضربه قال لي أنا إسمي حسام وانتي 😊 ؟؟ قلت ليهو عايز بـ إسمي شنو 😒 ؟؟ قال لي ابدا بس مجرد دردشه عشان نقصر المسافه قلت ليهو زيد السرعه بتقصر المسافه 😒 ومسكت راسي قال لي مؤلمك قلت ليهو حاسه بيهو تقيل 😔 قال لي بكره ح استلم الصوره لو فيها اي حاجه ح نرجع للدكتور ✋ قلت ليهو لااا شكرا بس رجعني بيتنا 😏 قال لي أنا الـ ضربتك ومن واجبي أعالجك 😊 وطول الطريق كنت بفكر إعمل شنو مع أمي ؟؟ بعد سمعت كلام عبدالله لحدي ما وصلت لـ قرار إنو أتصرف عادي كأنو ما عرفت حاجه لحدي ما امي تبقي كويسه ✋ وفعلا رجعت البيت وكانو قلقانين وبيفتشو علي والولد حكى ليهم كل الحصل من لحظة ضربني بالعربيه أمي قالت لي بصوت كلو حنيه أدخلي أرتاحي 😭 رقدت في السرير بس الليل كلو صاحيه وبفكر في كلام عبد الله ولو مريم ما أمي طيب أمي منو ؟؟ وقاعده وين ؟؟ و ليييه اتخلت عني 😢 ؟؟ واليوم التاني قومت الصباح كـ العاده إتجهزت للشغل بس أمي منعتني قالت لي إرتاحي بس أنا أصريت وقلت ليها انا كويسه ✋ قالت لي الحاجات الـ في الصينيه وصلتهم لينا حاجه نفيسه (الخاله الـ بتبيع جنبي) بس رفضت تحكي الحصل وامس ما سألتك عشان كنتي تعبانه بس هسي أحكي لي الحصل شنو عشان تجي راجعه وتخلي الشغل 😢 قلت ليها مافي حاجه هربت من كلامها وطلعت الشغل بعد وصلت وأثناء ما بسترزق وقف قدامي ولد رفعت راسي لقيتو حسام قلت ليهو عايز شنو 😒 ؟؟ وعرفت المكان كيف 😳 ؟؟ قال لي مشيت البيت اطمن عليك امك قالت لي إنك في الشغل و وصفت لي و جايي أقول ليك الحمدلله الصور طلعت نضيفه 😊 قلت ليهو شكرا بس ممكن تمشي من هنا عشان الناس بتجي تشتري 😓✋ قال لي طيب انا هسي عايز إشتري بتبيعيهم لي كلهم بكم ؟؟ قلت ليهو 250 جنيه ناولني 300 قال لي إشتريتهم منك بعد ده أمشي البيت إرتاحي 😊 قلت ليهو إشتريتهم مني وعايز تبيعهم بـ سِعِر غالي صح 😡 قعد يضحك قال لي لا والله إشتريتهم لـ بيتنا عشان أسرتنا كبيره شلت الـ 250 ورجعت ليهو الباقي ورفض يستلمو بس أصّريت عليهو يشيلها ورجعت البيت فرحانه أول مره أبيعهم كلهم 😍 وإستمريت في الروتين اليومي من البيت للشغل لمده إسبوعين بعدها أمي نزلت الشغل وأول ما طلعت انا شلت ملابسي في شنطة المدرسه وطلعت من البيت ماشه وين ما عارفه 😔 بس كل همي إني أترك البيت بعد عرفت حقيقة إني ما بنتهم وما عندي قروش غير 10 جنيه 😢 ركبت مواصلات السوق العربي وبعد نزلت كنت بتحول من ضل شجره لـ شجره لحدي المغرب والمكان ضلم فـ بديت أخاف 😢 ومشيت لأقرب مكان مجتمعين فيهو الناس ما كنت عارفه إسمو شنو ؟؟ بس سمعت واحد بتكلم بالتلفوف قال منتظرك جنب مول الواحه واخيرا عرفت انا وين ✋ بعد ساعه مرو ولدين واحد قال دقيقه دقيقه دي شجن 😳 الولد التاني قال ليهو شجن منو 😓 ؟؟ قال ليهو تعال معاي وقربو مني الأول قال لي إنتي شجن صح ما عرفتيني 😊 رفعت راسي قلت ليهو لاااا ( كذابة يا أنا 😅 ) قال لي ما إتزكرتيني أنا حسام الـ ضربتك بالعربيه بس المقعدك هنا شنو 😳 ؟؟ سكته مسافه وقلت ليهو انا قاعده هنا عشان عشان وحسام منتظر إجابتي قلت ليهو بتردد قاعده منتظره أخوي دخل هنا وأشرت ليهو ناحية المول 😓 قال لي متأكده هزيت راسي اي 😊 قال لي طيب ليييه ما دخلتي معاه قلت ليهو بحده إنت بصفتك شنو تتحشر فيني 😠 قال لي آسف الولد المعاهو قال ليهو الإحراج ده كده كويس ارح يااااخ 😓 وفعلا إتحركو وانا قاعده في مكاني مسكت شنطتي في حضني والخوف إتملكني وكنت بتخيل انو في اي لحظه في واحد ح يتهجم علي وخوفي يزيد 😢 لحدي الساعه 8 سمعت صوت بقول شجن رفعت راسي لقيتو ده محمد أخوي قمت حضنتو 😭 قال لي ليييه يا شجن تعملي فينا كده قلت ليهو لأني عرفت الحقيقه وعرفت انت ليييه بتكرهني 😭 !! قال لي إنتي غبيه ما تقولي كده في واحد بيكره أختو وبعدين امك بتبكي من الصباح بسببك عارفه لو حصلت ليك حاجه كنا موتنا وراك ودي أول مره أشوف نظرة الحنيه والحوب في نظرات محمد 😢 قلت ليهو انا عايزه أمشي لأمي 😭 سمعت صوت قال لي ده أخوك الـ كنتي منتظره يطلع من المول صح 😊 !! رفعت راسي أعرف مصدر الصوت لقيتو ده حسام مسحت دموعي وقلت ليهو انت ما عندك شغله غيري 😠 محمد قال لي شجن عيب انا لقيتك بفضل حسام هو الـ وصلني عندك قلت ليهو شنو كيف يعني 😳 ؟؟ حسام قطع كلامنا وقال لينا أمكم منتظراكم ممكن نكمل كلامنا في الطريق 😊 بعد ركبنا العربيه حسام قال لي لم سألتك قاعده هنا لـ شنو لاحظت انك متردده في الرد عشاان كده بعد وصلت صاحبي فكرت أمشي بيتكم وأسال من محمد وكده ح إتأكد من صحة كلامك 😊 وللأسف لم وصلت بيتكم الدنيا كانت مقلوبه عليك بس طمنت امك اني عارف مكانك وعاين لي بالمرايه لويت ليهو خشمي 😏 طبعا انا راكبه ورا ومحمد قدام وصلنا البيت واول حاجه عملتها إترميت في حضن أمي وهي تبكي ليييه يا بتي تعملي كده 😭 حسام استأذن أمي قالت ليهو أقعد أشرب حاجه قال لي تسلمي يا خاله 😊 قالت ليهو ما عارفه أشكرك كيف قال ليها تشكريني بدعواتك بس لو تسمحي لي عايز شجن في كلمتين ✋ أمي قالت ليهو جدآ انا إتخلعت 😳 طلعنا الشارع قال لي تاني لو عايزه تتهوري وتعملي أكشن إتزكري حالة أمك وأخوك ح تكون عاملة كيف قبل ما تنفذي الـ في راسك 😓 وده رقمي لو إحتجتي تفضفضي في اي وقت انا فاضي 😊 بعد دخلت البيت محمد سألني حسام عايزك لـ شنو 😓 ؟؟ كرفست الورقه في يدي عشان ما يشوفها وقلت ليهو بس سمعني نصائح 😓 أمي قالت لي يا شجن انا حصل قصرت في حقك ولأ حسستك إني ما أمك الحقيقيه 😔 قلت ليها لااا قالت لي طيب ليييه تسمعي كلام عبد الله نط محمد قال ليها يعني أبوي هو السبب وهو الـ كلم شجن بالحقيقه والله ما ح أخلي 😠 أمو قالت ليهو محمد انا ما عايزه مشاكل والحمدلله شجن رجعت بالسلامه وده المهم 😍 طبعا حاجه نفيسه حكت لأمي بكل النقاش الحصل بيني وبين عبدالله 😔 قلت لأمي بس عشان أنسى الحصل لااازم اول تحكو لي الحقيقه كلها 😓✋ محمد قال لي شجن دي أمك وانا أخوك ده كل المهم ✋ أمي قالت ليهو لااا يا محمد شجن كلامها صاح من حقها تعرف حقيقتها ""
#گســره :
قصتنا دي زي كل القصص من باب الخيال لا تمد لشخص محدد في الواقع بس المره دي بتختلف عن باقي القصص لأنها بتلمس شريحه حساسه شدييييد في المجتمع ( شريحة الإبناء مجهولين الهويه ) وبتحكي عن نظرة المجتمع السيئ حولهم 😔✋ ""
#يتبــــع ⏪⏪⏪⏪
