أمي قالت لاا يا محمد صاح شجن من حقها تعرف الحقيقه 😔 وإتلفتت قالت لي كان عندي بنت أنجبتها بعد محمد بس إتوفت وعمرها 5 شهور وإتأثرت بيها شدييييد 😭 وكان في مرا شغاله في دار الرعايه موصياني إعمل ليها شغل بالخرز لم مشيت ليها لمحت المشرفه شايلاك وإنتي بتبكي وعندك حمى كنتي صغيره عمرك سنه ونص واول ما أنا شلتك سكتي ونومتي في يدي وبعدها رجعتك للمشرفه وأنا طلعت ✋ بس في نفس اللحظه إتعلقت بيك وحسيت كأنك بتي الضاعت مني 😔 وكل إسبوع كنت بسجل ليك زياره لحدي ما يوم قررت اني إتبناك وفعلا كلمت الإداره وعملت الإجراءات ويوم إستلمتك ومشيتي معاي البيت ده كان أسعد يوم في حياتي 😍 وبعد عشتي معانا إتفتحت لينا أرزاق كتيره وكنتي وش سعد علينا طبعا بسمع فيها ودموعي جاريه 😭 صاح مريم ما قصرت في حقي بس حسيت بطعنه في قلبي وفراغ كبيييييييير حصل جواي إحتمال يكون ده فراغ الأم الحقيقيه 😭 واصلت كلامها وقالت لي بس والله من يوم جيتي عمري ما حسيت انك ما بتي ولا فرقت بينك وبين محمد ✋ مسحت دموعي وسلمت عليها في راسها قلت ليها صاااح 😘 وإتلفت قلت لـ محمد يا دوووب عرفت سبب كرهك لي وأخيييرآ فهمت كلامك لم بتقول لـ أمي إنتي ليييه جبتيها 😢 محمد طلع من البيت من غير ما يرد وإتلفت على امي قلت ليها جميلك ده ح يفضل فوق راسي طول حياتي بس عندي سؤال انا السبب في طلاقك من عبدالله صح 😔 ؟؟ قطعت كلامي وقالت لي أبدا والله انا اتطلقت من عبدالله قبل ما إتبناك وسبب طلاقنا بسبب السم البشرب فيهو 😓 قلت ليها طيب آخر سؤال كنتي بتدفعي ليهو قروش عشان محمد ولأ عشان ما يكلمني بـ الحقيقه سكتت ما ردت وكده عرفت الاجابه 😔✋ وفضلنا ساكتين تلفون أمي رن ردت عايز شنو تاني يا عبدالله بعد العملتو ده 😓 رد ليها بإنفعال دي أخر تربيتك تحرشي الولد يضربني بسبب بنت الحرام نشوف ح تقدري تطلعي من السجن كيف ✋ ؟؟ بعد أمي قفلت الخط مشينا قسم الشرطه وفعلا لقينا محمد حابسنو بتهمه الإعتداء بالضرب على أبوهو وقالو ما بيطلع الأ بـ كفاله ولأ ضمانه والإتنينن ما عندنا 😔رجعنا البيت فاقدين الأمل وأمي إتصلت علي عبدالله تقنعو يتنازل من البلاغ بس رفض 😢 فجأه إتزكرت رقم حسام شلت الورقه سجلت الرقم وإتصلت ما رد علي والليل كلو بحاول في الرقم بس مافي رد 😢 اليوم التاني الصباح رجعت إتصلت ورد بعد مسافه قلت ليهو معاي حسام قال لي إتفضلي 😊 قلت ليهو محمد أخوي في السجن عليك الله طلعو بتكلم وإنا مخنوقه بكترة البكا قال لي بخلعه انتي منو ومحمد منو 😳 ؟؟ قلت ليهو انا شجن قال لي شجن إنتي في البيت صح طيب أقفلي جايي عليكم ✋ وبعد وصل أمي حكت ليهو بـ عبدالله قال لينا إطمنو خلال ساعتين محمد ح يكون معاكم ✋ قلت ليهو ماشه معاك القسم قال لي لاااا محمد ح يصلكم هنا 😒 وفعلا محمد طلع من السجن وحسام كتب عبدالله تعهد انو ما يقرب مننا وبعد وصلو البيت حسام إستأذن وقال لينا إرتاحو ولو حصل أي حاجه رقمي عندكم ✋ بعد طلع أمي قالت ليييه يا اولادي عايزين تجهجهوني في آخر عمري 😭 محمد قال ليها بعتزر بس والله لم عرفت أبوي الـ كلم شجن غلبني أسكت عشان كده ضربتو 😓 وإتلفت قال لي صح يا شجن أنا كنت بكرهك عشان أمي كانت بتهتم بيك أكتر مني بس والله بعد إختفيتي إتأكدته إني ما بقدر أعيش من غيرك 😢 امي قالت لي بعد عرفتي الحقيقه ليك حريه التصرف وسامحينا لو قصرنا في حقك 😔✋ قطعت كلامها قلت ليها الـ عملتي معاي إنتي أمي الولدتني ما عملتو ودموعي نزلت 😭 محمد مسحها وقال لي والله انتي نعمه من الله بس أوعديني إنك ما تهربي مننا تاني هزيت راسي أمي قالت لينا الله يحفظكم لي خلاص أهدو وإرتاحو ✋ وده كان أصعب يوم في حياتي وبعد عرفت الحقيقه خطر لي مليون سؤال في راسي 😔 اليوم التاني الباب دق وكان ده حسام بعد سلم مد لأمي ظرف قالت ليهو ده شنو 😳 ؟؟ قال ليها دي 2 الف ح تصلكم شهري 😊 قالت ليهو نحن يا ولدي ما إتعلمنا نشحد بنشتغل بيدنا وبناكل بعرق جبينا وبنعتبر دي إهانه بالنسبه لينا ✋ حسام قال ليها يا خالتي ما تفهميني غلط دي منظمه خيريه بتدعم المحتاجين قالت ليهو في محتاجين أكتر مننا نحن لقمة العيش قادرين عليها ✋ حسام قال ليها بعتزر يا خاله والله ما قصدي الإهانه بس حبيت أساعد قالت ليهو مشكور ما بتقصر كفايه ساعدتنا كتييير 😔 قال ليها شجن وين ما شايفها ؟؟ امي قالت ليهو مشت الشغل حسام إستأذن طلع وأثناء ما أنا قاعده وبتزكر في كل الحصل سمعت صوت قال لي إنتي جايه تبيعي ولأ تسرحي 😊 رفعت راسي لقيتو حسام قلت ليهو الجابك هنا شنو 😳 ؟؟ قال لي جيت إشتري و واقف من قبيل بس انتي سارحه بعيييد قلت ليهو عايز تشتري شنو ؟؟ قال لي كل الحاجات 😊 قلت ليهو بس كتيره قال لي نسيتي إنو أسرتي كبيره 😊 وفعلا أقنعني وإشترى كل الصينيه وأصر إنو يوصلني البيت في الطريق قال لي إنتي مش المفروض تكوني في المدرسه 😊 رديت ليهو بصوت مكسور لا المفروض أكون داخله الجامعه قال لي بخلعه طيب ليييه ما دخلتني ولأ ما عندك الرغبه تقرئي 😓 قلت ليهو لااا بحب أقرأ وفي التجريبي أحرزت 96 % حسام إتفاجأ قال لي طيب ليييه ما واصلتي تعليمك ؟؟ قلت ليهو عشان الجامعه كعبه وفيها مخدرات 😓 قال لي القال ليك كده منو 😳 ؟؟ قلت ليهو محمد قال لي ما كل الجامعات كده وده حسب تربيتك طيب رأيك شنو أساعدك تدخلي جامعه كويسه قلت ليهو لااا انا كده مرتاااحه بالشغل ✋ قال لي طيب ممكن نكون اصدقاء قلت ليهو انا اصدقاء بنات ما عندي وهسي اصاحب ولد 😏 قعد يضحك قال لي ما فيها حاجه واثناء ما بندردش قال لي طيب لو قلت ليك عايز رقم تلفونك 😊 !! قلت ليهو طبعآ لااا قال لي احتمال احتاج ليك في خدمه وعشان تردي لي جميل محمد اخوك 😊 قلت ليهو اول ما عندي تلفون وتاني يعني ح تزلني بالعملتو لي 😏 قال لي العفو ما قصدي بس كيف ما عندك تلفون ؟؟ طيب من باب الخوه عندي تلفون مستعمل ممكن تشيلي وتشتري شريحه قلت ليهو لااا شكرا تلفون امي كفايه ✋ قال لي بس ده ما بينزل الواتس وانا عايز اتواصل معاك
رايك شنو نبدل التلفون وتقولي لأمك في واحد كسر تلفوني وعوضني بدلو 😊 قلت ليهو بس انا ما اتعودت اكذب علي امي 😒 قال لي دي كذبه بسيطه وفعلا أقنعني بدل التلفون وعمل لي تسجيل في الواتس وكتب رقمو قال لي كده ممكن الواحد يتواصل معاك 😍 قلت ليهو رسل لي بعد الساعه 9 مساء عشان التلفون الصباح مع امي قال لي تمام ✋ وفعلا وصلت البيت وحكيت لأمي الكذبه وبعد ده كلو شاكلتني قالت لي ما كان تشيلي تلفونو ونحن ربنا بيعوضنا 😓 ومن الساعه 8 وانا ماسكه التلفون ومنتظره حسام وفعلا الساعه 9 رسل ودردشنا مع بعض وكنت بحاول إشتغل وأعمل أكبر ربح عشان أوفر قروش التنشيط 😊 يوم اثناء ما بندردش بالرسايل حسام رسل لي ( شجن والله يدي وجعتي من الكتابه وبرسل ليك رساله بترديها بعد ساعه 😅 عشان كده ح إتصل عليك مكالمه ) قلت ليهو صح يدي تقيله في الكتابه بس ما للدرجه دي 😒 طيب اتصل بعد ربع ساعه قال لي تمام 😍 في اللحظه دي صحيت امي قلت ليها ماشه انوم جوا هنا الباعوض 😓 قالت لي مافي باعوض قلت ليها هسي قرصني وفعلا دخلت وحسام اتصل وانا متردده بين أرد ولأ لا كأني اول مره اتكلم معاه وفعلا رديت 😍 وكل يوم كنا بندردش مع بعض يوم كنت كـ العاده منتظره بس اليوم كلو ما اتصل واليوم التاني كذلك ماسكه التلفون في يدي من الساعه 7 بس اتصل الساعه 10 مساء اول ما فتحت الخط قبل السلام قلت ليهو انت كويس 😢 قال لي تمام الحمدلله قلت ليهو طيب ليه امس ما اتصلت 😢 قال لي فقدتيني قلت ليهو لااا 😏 ضحك وقال لي كنت مشغول ما قدرت إتصل سكت وقال لي شجن بكره بتخلصي الشغل الساعه كم 😓 ؟؟ قلت ليهو حسب البيع قال لي تمام عشان عايزك في موضوع ✋ قلت ليهو كلمني هسي قال لي ما بيتحكي في التلفون 😊 وفعلا اليوم التاني إنتظرني بعد خلصت وركبت معاهو العربيه قلت ليهو احكي سامعاك قال لي أصبري لم قربنا علي البيت قال لي لسه مصره ما تكملي دراستك قلت ليهو لاااا ما عايزه قال لي طيب بالنسبه للعرس برضو ما عايزه 😊 قلت ليهو شنو لااا لااا لاااا قعد يضحك قال لي 3 لااا دي للتأكيد قلت ليهو آي وما بحب السيره دي 😒 قال لي ترفضي من غير ما تعرفي العريس قلت ليهو حسام يا تتونس عديل يا تسكت 😠 قال لي شجن من الآخر انا عايزك بالحلال طبعا صدمني نزلت منو بسرعه ودخلت البيت ""
#يتبــــع ⏪⏪⏪⏪⏪
