- لو سمحت..لو سمحت
ثواني يا أحمد خليك معايا..نعم يا أنسة في حاجة
اه طبعا فيه
أيوا فيه أيه بقى
شايف الشارع الي هناك ده
أيوا شايفه..ماله بقى
ركز معايا بقى..الشارع ده فيه كلب تمام
ام..تمام عايزة أيه بقى
أيه الذكاء ده عايزاك تعديني منه ربنا يخليك
أعمل أيه يا ماما
تعديني منه يا كابتن مالك كده
طيب أتفضلي أدامي
أيوا طبعا هتفضل أومال أيه
أيوا يا أحمد..لا معلش هقفل معاك دلوقت..ومعلش مش هعرف اكلمك تاني عشان رايح الدرس
أيه ده أنت لسه طالب..والله فكرتك شخص عاقل
ههههههه سلام يا يوسف ربنا معاك يا ابني
ألا صحيح هو أحمد كل ده ع التليفون لاقيين الرصيد في الشارع
ممكن تمشي وأنت ساكتة ينفع ولا لا
لا مينفعش طبعا..أنا لازم اتكلم لساني يوجعني لو سكتت..ومردتش عليا ليه أنت طالب ولا لا
حاجة متخصكيش ويلا أتفضلي قدامي
احم أيه الكسفة دي..أتفضل ورايا
أستنااااااا
نعم
أنت ماشي كده وأنا همشي فين
يارب الصبر من عندك..حضرتك هتمشي ورايا
لااااااا..مأنا كنت مشيت لوحدي أنا بخاف
أومال حضرتك عايزة أيه أشيلك مثلا
لاااا طبعا أيه قلة الأدب دي
أومال أعمل أيه..ومتحلميش إني امسك إيدك لإني مش بامسك إيد بنات
لاااااا طبعا وأنت ليه محسسني إني هوافق أصلا إنك تمسك إيدي بلا قلة أدب..أستنى أنا لقيتها
أهوووو لقيته
هو أيه ده
ده بقى كتاب الأيام منه لله هو وصاحبه عشان جايبلي شلل..بص بقى أحنا هنعمل أيه..أنت هتمسك طرف الكتاب وأنا طرف الكتاب عشان أحس إنك ماشي معايا ولو حصل والكلب كله مش مهم في داهية..بس إياك ألاقي حركة غدر منك وتستغل الموقف وتمسك إيدي والله اصوت ولا يهمني كلب ولا غيره
هات الزفت خلينا نخلص
اهو أتفضل
يااااه الحمد لله عديت من الكلب شكرا يا.......
أيه ده هو راح فين..أيه قلة الزوق دي مشي وسابني كده معندوش دم..يلا أنا يادوب ألحق الدرس
بس يا بنات هو ده الي حصل وفي الأخر سابني ومشي
ههههه مش قادرة يخرب عقلك يا سالي
ششششش المستر دخل بطلوا كلام
السلام عليكم
أعرفكم بنفسي أنا أستاذ يوسف محمد وطبعا أكيد هدرسلكوا عربي..بصوا بقى أنا مش بحب التهريج أي واحدة منكوا مش هلاقيها ملتزمة وبتجاوب تعتبر نفسها أوت أتفقنا
تمام يا مستر
يا لهوي ده هو بتاع الكلب
أحلفي
أه والله هو
البنتين الي بيتكلموا
أحنا
أيوا
برة
أنا كنت في حالة صدمة لإني أول مرة حد يطرضني لقيت ريم اتكلمت
أحنا أسفين يا مستر والله
أنا الي أسف بس أسفكوا مش مقبول أتفضلوا برة
ساعتها أنا اتكلمت
أخر مرة بس ممكن نقعد
لقيته بصلي بدهشة بمعنى دي أنت
أنا قولت خلاص ده أكيد هينتقم مني وهيخرجني برة بس اتفاجأت لما قال:
تمام..موافق بس المرة الجاية فيها طرضكوا من المجموعة كلها
حاضر
ياريت تطلعوا كتاب الأيام
أنا بصيت في الشنطة ملقتهوش..يا لهوي راح فين معقول نسيته في الشارع يا لهوي..ده أكيد هيطرضني
خلاص يا بنات طلعتوا الكتاب
اه يا مستر
أنا مردتش..يا رب يلا عادي مش مهم يعني هيسيب المجموعة كلها ويركز معايا أنا ليه يعني
أنت
بصيت لقيتها بيشاور عليا قومت بخوف..أنا
أم..أنت..اسمك أيه
أنا
بصلي بغضب.. ما قولت أيوا
اااااأنا أسمي سالي
ام..كتابك فين بقى
شكلي نسيته في الشارع
نعم نسيتيه فين!!
في الشارع
ومطلعاه في الشارع ليه بقى
عشان....سكتت ومعرفتش أقول أيه مأنا أكيد مش هقول أصل حضرتك كنت بتعديني من الكلب وأكيد هو عارف كده وحب يحرجني وأنا محدش يعمل معايا كده
خدت شنطتي وكنت خارجة
أستني..رايحة فين
ماشية حضرتك
وأنا قولتلك أمشي
لا بس أنا.......
أتفضلي مكانك ودي أخر مرة مفهوم
هزيت راسي ودخلت مكاني
