وماذا عن كوب من القهوة الساخنة، تجلس بهدوء على ذلك المقعد الذي يتحرك، تدور به هنا وهناك وتغمرك سعادة طفل بملابسه الجديدة، وتأكل تلك المعكرونة التي تسمى بالندلز بشراهة، تسمع موسيقى هادئة، لا إزعاج، لا ضجيج بالخارج، منفصل عن العالم الخارجي تماما، ما أجمله من شعور
***
أنا نغم، خريجة هندسة
كتبت الكلمتين دول ونزلتهم على الفيسبوك، أنا كنت عايشة زي الكلام الي كنت كاتباه بظبط، بس زي ما بيقولوا المنحوس منحوس🙂
كنت قاعدة في شركة بابا بكل سلام نفسي وفجأة بابا دخل، ومش لوحده معاه هذا الكائن الغريب
أتفضل يا كريم يا ابني
ايه ده ما شاء الله، دي بنت حضرتك الصغيرة
بابا بصلي بغضب وقال: لا لا، دي نغم، نغم بنتي الكبيررررررة والوحيدة
بابا قرب مني وقال: ايه الي انت مهبباه ده يا هانم
قومت وقفت على المكتب وقولت: هو ده يا بابا
بابا بصلي باستغراب وقال: هو ده مين
هو ده الي خبطني بعربيته امبارح، خليه يعتذر حالا
بابا مسك ايدي وقال: طب انزلي تحت بس وهخليه يعتذر، وايه الزفت الي انت لابساه ده
ضحكت وقولت: ايه رايك في قرون الارنب دي، لقيت الطرحة الي لايقة ع التقم بتتغسل فقومت لابسة طرحة قرون الارنب دي، ولا الشوز الي على شكل قطة جميلة اوي
استغفر الله يارب، يا حبيبتي هو احنا قاعدين في جنينة حيوان
اه قطة وأرنب وظرافة وقومت مشاورة على كريم
بابا قال باستغراب فين الظرافة
قولت بكل هدوء: الي واقف جنبك يا بابا
بابا بص لكريم وقال: انا اسف مش عارف اعمل فيها ايه انزلي يا نغم حالا
طيب خليه يقعد
ليه هو مش هياكلك
لا لازم يقعد عشان انزل
بابا بص لكريم وقال معلش يا ابني اقعد عايزين نخلص
وكريم قعد وأنا نزلت بكل هدوء ونا معدية من جنبه قال: اوزعة اوي
رجعتله تاني وقولت بغضب: يا بابا بيقول عليا اوزعة
بابا خبط على المكتب بغضب وقال: نغممممم اخرجي برررررة حالا
انا لقيتني خرجت بسرعة من مكتبه وطبعا اكيد لازم انتقم من هذا الكريم
نزلت عند مكان عربيته قولت لازم ابوظها، بس للأسف كان فيه ناس كتير في المكان، اضطريت استخبى وراها وكنت مستنية فرصة الاقتحام، بس ملحقتش اعمل حاجة بابا وكريم نزلوا واكيد كريم هيركب عربيته، مكانش ادامي حل غير اني استخبى في العربية بسرعة وابقى انزل لما يقف
