- دوختيني وراكي ينفع كده
لو سمحت..امشي..أنا مبقعدش مع حد معرفوش والي حصل إمبارح ده لو اتكرر مش هيحصل كويس وهقول لطنط
ابتسم بسخرية: طنط..هتقوليلها ايه بقى يازيد اعترفلي بحبه
بصيتله بغضب وخدت شنطتي وقومت..هو أنا أصلا قاعدة معاه بعمل أيه..متخلف
بلاش شتيمة بس..وأنا فعلا متخلف ياستي ثانك يو بقى
كملت طريقي من غير ما أرد عليه بس تلقائياً لقيتني بابتسم على كلامه
ايواااااااا بقى ضحكتي يبقى بتحبيني مش محتاجة كلام دي
بصيتله بغضب ووقفت وقولتله:
أنت شايفني إزاي وأنت ورايا..ثم إني مش بحبك ومش ناوية فريح نفسك وامشي وياريت تخلي عندك دم ومتبقاش مدلوق كده والإنسان كرامة
في الوقت ده أتمنيت لو إني موتت قبل ما أقول كده بس غصب عني والله..نظرات عنيه كانت كافية لتعبير عن غضبه
أنا مش هحاسبك على كلامك ده دلوقتي لإني مليش كلام عليكي بس لما نتجوز هعرفك اذا كنت مدلوق أو لا وعندي كرامة ولا لا بس خليكي فاكرة الاسم يازيد الأيوبي سلام يا عائشة..وأه متنسيش تحضري نفسك لإن أنا وماما جايين عندكوا النهاردة باي يا بيبي
وقح
عارف يا روحي سي يو بليل
أييييييييييه جايين فين دول بليل أنا لازم اتصرف وبسرعة جدااااا
خديجة ألحقيني بسرعة
في أيه يا عائشة ع الصبح
يازيد
ماله يازيد تاني
بصي أنا عايزاكي تفوقي كده وتركزي لإن الكلام الي هقوله ده في منتهى الخطورة والأهمية وبما إنك البيست فلازم تتحمليني أنا وبلاويا
عائشة أنت عمرك ما كنت محترمة معايا كده يا قلبي..قولي..قولي عملتي ايه وأنا هستر عليكي
أنت يا حيوانة ما تنقي ألفاظك أيه هستر عليك دي أفرد حد سمعك يقول أيه
هيقول إنك بت شمال معروفة يعني
خديييييييجة
خلاص يختي متزعقيش..وإشجيني هببتي أيه
يازيد
ما قولنا ماله سي زفت
متشتميهوش يا متخلفة
بت أنت لسانك بينقط عسل النهاردة كده ليه وبعدين هو مش أنت برضو مش بتحبي زيزو
ااااه..أه طبعا مش بحبه بس هو..بصي هو إمبارح قابلني في الأسانسير وقالي إنه بيحبني أوي وكده بس أنا بقى زعقتله وقولتله الكلام ده مينفعش وعيب وأنا مش من البنات دي وسيبته ومشيت
صاحبي الجامد..جادعة يا بت يدخل البيت من بابه مش من شباكه هو فاكرك أيه
أحم..خديجة خليني اكمل
هو لسه في تكملة..طب قولي
النهاردة شافني في الجنينة الي جنب البيت وقعد يقولي دوختيني عليكي ومعرفش أيه وأنا زعقتله وهو بقى معندوش دم وجاي مع مامته بليل
أوباااااا..أيوا بقى وأخيرا هنلبس فستان فرح
لا أحنا للأسف مش هنلبس
ليه يا فقرية
عشان أنا مش عايزة أتجوز
ليييييييه يا عائشة مش قولنا فكري
لا..لا مش هفكر أنا مش هكرر نفس مأساه بابا وماما تاني لا مش هكررها
عائشة حبيبتي ده غير ده
لا هو هو ما بابا وماما كانوا بيحبوا بعض جدا بس دلوقت شوفي وصلوا لأيه كل يوم خناقات مبتخلصش وعلى نفس الحاجات مش هتجوز يا خديجة واخلف وبنتي تموت زي ما فاطمة أختي ماتت من قهرتها لا..مستحيل لااااااااا
عائشة أهدي ونبي عشان خاطري أهدي للأزمة تيجيلك
رديت عليها بعياطي الي بيزيد:
خديجة سلام أنا لازم أقفل
لا..لا يا عائشة خليني معاك لحد ما تروحي ونبي عشان خاطري
أنا كويسة متقلقيش محتاجة أبقى لوحدي ونبي
طيب بس شوية كده وهتصل بيك
ماشي سلام
قفلت مع خديجة وأنا دموعي مش عايزة تقف أنا بحب يازيد للأسف بس مش هقدر..مش هقدر أعيش معاه طبيعي هفتكر بابا وماما وهنتخانق أنا عارفة مستحيل أظلمه ولا أظلم ولادي وأخليهم يموتوا نفسهم لمجرد إنهم شايفين باباهم ومامتهم بيتخانقوا لا لا مستحيل لازم الأقي حل أوزع بيه يازيد ومامته..اه لقيتها
وبسرعة طلعت تليفوني وكلمت خديجة تاني
ألو..عائشة أنت كويسة..حبيبتي ردي عليا طمنيني يا عائشة
بس يا بت ماصورة أتفتحت وأنا عارفة أتكلم منك
كنت قلقانة عليك
متقلاقيش يا عمري أنا كويسة بس عشان خاطري يا ديجة توافقي على الي هقوله
أيه هو
