🔞القصة القصيرة الثانية 🔞 "الممنوعة من النشر "
🔪غرقت مع الشمكااار 🔪
♠️قصة من وحي الواقع تحت الطلب ديالكم ...من بعد قصتي مع المافيا
♠️كلنا كنعرفو داك الشمكار ديال السيكتور لي كيكون معروف بايلا خطيير و لا طحتي في يديه مكيع...
مينا ضربت حناكها : اويليي اوييلي على بنت الحرام اويلييي ....نسرين نزلت راسها كتبكي و تشهق : هيء هي عافاك عاونين مينا : لااااا لااا هادشي خاصووو يعرفووو حمد باش تعلميي نييت نسرين : عافاك لااا ....مسمعتش ليها وخرجت برا دوز نمرة الحمد باش يجي ليها ...بقات نسرين جالسة كتقفقق ...و ترعد معارفة مادير كاع الافكار طاحو عليها غيجي احمد غيضربها غيعلقها لا عرفوها....لا لا مخصهاش تبقا هنا خاصها تمشي عند نصر ضروري ....ناضت من الناموسية واستغلت بلي ممرضات ملهيين عليها لهيه مع المرضا لخرين هزت ساك ادواتها لي كان حداها ...و مشات دغيا خرجت كانت مينا واقفة تما و عاطيها بضهرها و تدوي في تليفون مع احمد و تقوليه بلي البرهوشة طاحت في المدراسة و حاملة ...هادشي زاد شجعها تهرب مشات تجريي غادا هاربة في جيهة لخراا و دموع نازليين و الخلعة و سخفة شادينها غتمشي عند نصر تقولو يتزوج بيها .... مشات دغيا شدات طاكسي ...ركبت فيه حتى وصلها قريب الحي ...عاد خرجت خلصاتو و مشات غادا جيهة الدار تاع نصر الخلعة و الخوف شادين ليها قلبها و دور عينيها دامعين يمين و شمال لا يتلقا ليها شي حد حتى ...توصلت لديك دريبة و مشات للباب .. دقت فيه جوج دقاات ...و هي تخرج من الدار لي حداهم ديك سوسن تتمضغ المسكة و معاها راجل تضحك معاه ...خشا ليها الفلوس في صدرها و هي تضحك عاد مشا ...و هي دور لقات نسرين واقفة تدق
سوسن صغرت فيها عينيها : ماشي نتي عشيرت روبيووو نسرين دارت عندها : ءءءء؟ اااه انايا سوسن : روبيو احنينتي شي شهر مبانش هنا و مجاش لدار من نهار لي وقعت وحد المجزرة جاو البوليس كلشي هزوه الحبس نسرين خبطت فخاضها : اويلييي على الحبس شنو غندير انا سوسن : اش عندك مدير كاع محامي؟ ههههه مهيم ا زوينة انا غا قلت ليك ...و رجعت دخلت نسرين : الله ياربي اش غندير ....كتحس براسها باغا طيح باغا تحير و تجدب تا قالت غتكمل معاه حياتها ...اويلي اش غدير لا لا متقدش ترجع عند مها وخوها والله حتى يقتلوها و يشربو من دمها ...جبدت ساروت كترعد و حلت و دخلت لدار كانت كيفما خلاتها تمن حويجو باقيين فيها سدت الباب و جلست ...تما مشات لضو و الما لقات كلشي مقطووع حيت ممخلصش و بقات هاكاك ...تبكي و تندب على يامها مشات فيها كفتة تعصبت تكرازات طاحت مخلات مدارت ....دوزت داك نهار نعست تمااا ....لا ماكلة لا شراب الغد ليه كانت جالسة في السطح وجهها كلو منفوخ بالدموع و حمر ...كتفكر تنتاحر و تهنا من هاد الحياة هاديي حسن ليها و ليني هي جبانة متقدش على للانتحار ...باش تنتاخر خاصك تكون شجاع ... مهيم رجعت نزلت لتحت فيها جووع بزااف بدات كتشم ريحة العدس و ريحتو شحال جاهتها زوينة في نيفها ...حلت لباب و خرجت كانت ريحة جاية من دار سوسن لي ديما محلولة مشات دقت عليها
سوسن من لداخل : شكوووون ؟ لي براااا يدخل مافيا لي ينوض ...نسرين بقات مدابزة مع راسها واش تدخل و لا تخرج ...تاقررات صافي غتدخل ...دخلت عندهم كانت دويرة عادية ...و في المراح جالسة سوسن و جوج بنات تما لابسين غير لي غوب دو نويي غا عريانات
سوسن ناضت : نتي ؟ اش كديري هنا ؟ الهام وحدة من البنات : شكون هادي سوسن : عشيرة الروبيو نعيمة طلعتها و نزلتها : ياختيي كتبان بنت دااارهم و زويونة و بقا صغيرة اش طيحك نتي اختي مع وحد فحال روبيو الهام : الحب صعيب ابنت *حبة هههههههه نسرين حشمت : س سمحوليا على هاد الدخلة غير شميت شوية لعدس و تشهيتو سوسن صغرت عينها بشك : واش حاملة ؟ نسرين : م م عرفتش ...شافو في بعضياتهم و هضرو بالعين الهام ناضت : اجي اجي اختي جلسيي اش سماك للله بعدا نسرين قربت ليهم و جلست فوق الكرسي : نسرين سوسن : جلسي اختي نسرين ....عطاوها تاكل معاهم بقاو تيسولو فيها تهيا من النوع لي تيقول على راسو كلشي لمن كان
سوسن : دابا شنو قررتي ديري غاتسناي روبيو تيخرج من الحبس نسرين : معنديش شي حل اخر نعيمة : خباركم اول مرة نعرف سمية الروبيو هي نصر الهام : ههههه وباينة داك الزيين كامل مغيكونش سميتو الروبيو ياختي اش غنقوليك لا كنتي حاملة غتولدي زيين حيت الروبيو بوكوووص ياختي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
