غرقت مع الشمكار 🔞(قصة من وحي الواقع 100% )🔞

17

🔪غرقت مع الشمكار 🔪
♠️oumaima mega ♠️
💎17💎

نسرين غا تتشوف فيهم
سوسن : وا سكتو قولي شنو غاديري دابا
نسرين : غنبقا تايخرج من هنا و هو يشوف شنو يدير
الهام : مصيبتك مصيبة تا مع داركم و باش غتعيشي
نسرين : م م معرفتش يمكن غنبيع السنسلة و تليفون باش يجيبو ليا شي فلوس بنما خرج نصر
سوسن : لا ا نسرين خاصك شي خدمة
نسرين خنزرت : انا مبغيتش نكون عاهرة
نعيمة : عاهرة هههههه قصدك *حبة ههههه
الهام : اياه فاش هزتي رجليك لنصر مكنتيش *حبة ... نسرين حدرت راسها كتلعب بصبعان يديها حيت عرفت عندهم الحق
سوسن : اودي غا سكتي شكون يبغي هاد الوسخ واخا يكون عدويا منبغيهش ليه و لكن شنو كتعرفي ديري
نسرين : من غير القرايا و الشقا و والو
سوسن : المهيم شوفي جلسي معانا بينما ضبرنا ليك فشي لعبة في الموقف و لا شي حاجة
نسرين مرضاتش : لا لا مبغيتش نوقف في الموقف
سوسن : اسمعي داك الفشوش حيديه مكين لي غيصرف عليك قد داركم لي خورتيهم خاصك تضبري على راسك باش حتى لا كنتي حاملة تجمعي شي فلوس و طيحي داك العجب في كرشك مغتبقايش هازاه و الروبيو داخل خارج الحبس راه والله لا قبلك بييه
نسرين : و شحال كيحيدوه ؟
الهام : كين غا زرقالاف تنطح زرقالاف ا كبيدة خاصك تحكيي دراعك و وحد المرا هي لي تتحيدهم غنديوك تااال عندها ....بقات نسربن غا تشوف فيهم اش هاد الوحلة ياربي و الغيس لي لاحت فيه راسها ...بقات صابرة صابرة تتفركعت بالبكا هي هي لي حمارة خلات دارهم تيقييين فيها و كلشي و هازا رجليها ها وحلتها دابا تمن المدرسة مبقات غتمشي ليها ....ناضو بغاو يسكتوها و ليني مكين لي غينسيها في هادشي في ليلة و نهارها هربت من دارهم بسباب طيشها و قلت حيلتها ....و تما غاتبدا حياتها من الزيرو..... حياة اخرى لي غتكبرها مغتبقاش ديك بنت ليسي الصغيرة لي معندها عقل منديوش عليها ...غيولي مجتمع يحاسبها على كبيرة و صغيرة ....اول حاجة تصاحبت مع دوك ثلاتة سوسن و الهام و نعيمة ...و توسخت سمعتها كثر ماهيا مسخة واخا مكدير والو و ليني كتبقا معامن شفتك معامن شبهتك هادا مجتمعنا الحبيب ...مشاو معاها باعت سنسلة لي كان عطاها ليها نصر باعت التليفون ...بعدا هادو باش تعيش .... و قضية الاجهاض تتاكد بعدا واش حمل عاد تمشي تخدم باش تجمع لييه .... دازت ليام و غبرها الزمان و هي غير تتسنا غدا نصر غيخرج بعدو نصر غيخرج و معرفت حتى اينا حبس هو فييه باش تمشي تسول ...كتقوليها الهام مشات تسول البزنازة و الغبارة في المرسا و ليني تاحد مكيعطيها راس الخيط كلشي كيقولها منعرف ...غبر غبرة وحدة وهو صحابو ...تقول سرطتهم لرض ...و المسخوطة بقات بوحدها تزاوط من بلاصة البلاصة ....خدمت في الفران تاع الحومة يعطيوهم الخبز يبيعوه منجمتش ....ماعرفتش ليه مكتبيع ما والو على عكس العيالات ... و عاد تاني مكتمشيش لسوق لادوز مها و تلقاها كتغبر غا في الدروبة ... خدمت سربايا في قهوة ديال الرجال مع زويونة شحال تعرضت لتحرشو اللفظي و لمسي ....حاولت تصبر و ليني فاش شافت خوها دايز من قدام القهوة هربت مبقات رجعت القهوة....كانت ديما كتشكي و تبكي و ثقيا حتى تأكدو بصح بلي حاملة ....و بقاو ليها جوج حلول يا غتمشي عاهرة و هنا سلات حياتها بمرة ..... يا غتمشي لموقف مع العيالات الضبر على لقمة العيش حيت راه فلوس قربو يتقاداو و منها تجمع طيح هادشي لي في كرشها راه مغتقدش عليه بوحدها هي خاص لي يحميها و يعيشها ....عاد تزيد عليها نفس مغتعرف حتى كيف تشدها و ربي يسمح ليها على كلشي اما الحرام لي دارتو في لول هاهيا تتحاسب عليه بالدوبل ....و ديك ساع من بعد تشوف شنو دير في حياتها ...المهيم القرايا عمرها غترجع ليها واخا توحشت تدخل للقسم توحشت تقرا و تحلم بلي غتشد الباك و تمشي لجامعة تهيا و تقرا و تخدم استادة و لا معلمة ...و لكن هادشي كامل ضاااع في لحظت طيش المراهقة