غرقت مع الشمكار 🔞(قصة من وحي الواقع 100% )🔞

19

🔪غرقت مع الشمكار 🔪
♠️oumaima mega ♠️
💎19💎

داها داك مول الطموبيل تاخرجها على المدينة للرباط ....نسرين تخلعت و زيرت على بنتها ولات غا تقرق خافت لا يديوها لبلاصة ماشي تال لهيه .... بقات كتدعي في نفسها تحميها هي و بنتها  تاوصلهم ..لوحد الموبل عمارة  طوييل و عرييضة في وسط المدينة ....هي عمرها وصلت لهنا مع كازا عريضة و كبيرة ...نزلت معاه كتشوف الدنيا تما غير الجاج و طموبيلات الواعريين و النقييين ... هبطت تما ديرا بنتها قدامها ...كتطبطب عليها و غا تتشوف الناس تما كديرين كيشعلو غير صحاب لي كومبلي و العيالات لي لابسين لميني و الشعر و كتبان عليهم و على ولادهم الفلوش ...شيفور زيدها معاه و هي غادا و كتشوف الناس لي عيشين تااع بصح مكرهتش تهيا تعيش فحال هاكا مع بنتها هناء واخا غا سويعة... ماعلينا طلعها في سانسور تال لفوق تما كانت وحد شقة كبيييرة و فخماا بزااف دخلت ليها مع شيفور ...و مزيرة على بنيتها و كتشوف اثات ثقيل و راقي بزاف فيه لمسة تقليدية و حيوط كلها من زاج ....بقات غير حالة فمها و الدار كبيييرة بزااف ... هناء في يدها ناعسة مسكينة ....حتى تمات جاية وحد البنت شعرها طويل عينها كووحل ...و لابسة طالون في رجلها و كانت كتهدر في تليفون  ...و لباسها باين غاليي بزاف  ....حتى وصلت قدام شيفور و طلعتها و نزلتها شافتها هازا بنتها و حالتها حالة من راسها رجليها دارت سامية شافت في شيفور : شنو هادشي جايب ليا ؟ قلت خدامة ماشي سعاية
شيفور حاني الراس : مدام راه لقيتها مع دوك الخدامة لبغيتيني نردها منين جات
نسرين نطقت خافت ضيع رزقها بيدها  : هانا ا مدام نقدر ندير اية حاجة نسيق نصبن كلشي
سامية : اففففف نعديو بيك بينما نيت جابو خدامة بعقلها (هزت عليها صبعها ) نلقا شي حاجة مهزوزة من هنا غادي التعفني في الحبس
نسرين ردت عليها براسها لا : والله مااا نهز شي حاجة والله القااساام
سامية : يلاه بداي خدمتك (دارت عند شيفور ) نتا شنو باقي كدير هنا
شيفور : انا مدام غادي  .... و دار غادي خارج فحالو ...و نسرين حيدت الحمال ديال بنتها ... جبدت من ساكها وحد الطابية صغيرة فرشتها ليها ...باش فينما مشات بنتها تبقا حداها ....و حطتها تما ناعسة مسيكينة و على مزويناتها شعرها كحيحل ... و عويناتها مغيمضيين و يدياتها مسدودين

سامية مشات جلست في الفوطوي و دارت رجل على رجل وشدت تليفون ديالها : مواد تنظيف لهيه حدا الكوزينة ...نسرين دارت ليها براسها اه ...و هزت حزمت جلابتها و حزمت شعرها بزيفها و مشات دغيا غاتبدا ...لقات مواد تنظيف داكشي زايد نغزة و متطور شوية ...هي عمرها جات لبلاصة فحال هاكا و لا لدار فحال هادي و يقدرو يخلصوها مزيان ....هزت مواد تنظيف و خرجت بيهم

سامية جالسة في بلاصتها و كتهدر في تليفون : هههه بصاح ازين واخا بقاي معايا في الخط شوفي نتيي (نسرين عاد جاية وقفت ) غتكلفي بدروج بغيت نلقاهم كيشعلو و الزاج و عندك تطيحي شي حاجة
نسرين : كوني هانية ا مدام ....مشات نسرين بدات تكرم و تسيق في دروج و ضرب الكرفي و مرة مرة تطل على هناء لا تفيق و تبقا تبكيي ...مشات لزاج ...و الدار المصيبة كلها زاج ...مشات تمسح فيهم و حاضية جنابها لا تخسر شي حاجة ....شوية فاقت ليها هناء مشات طلبت من سامية غير شوية الوقت ...ترضعها و ترجع ...سامية ردت عليها غيربيديها حيت مشغولة كتهدر في تليفون و كتقلب بيدها ...مشات هزت هناء رضعتها ...و رجعت حملتها قدامها  ....و مشات تكمل شقاها و هناء ...لاصقة عند صدرها و كتهز عينيها في ميمتها و كتضحك ليها
نسرين كتمسح في زاج و العرق و العيا كتنزل عينها كتلقاها كتضحك ليها كترد عليها : ياختي بكوصتي هنائي ويتي ويتي يضحك لعمري لخيير (هناء غير تتضحك ليها ) ....مهيم رجعت تكمل خدمتها ...و ديك سامية فينما تقوليها سيري تمشي تخدم مكتقولش أاح ضرتني هادي و لا ما ضرتنيش ...حتى سامية بانت ليها درية تتطيع و على قد اليد ....تاسلات مع ديك للستة لعشية كاع مسكينة تهدت وعيات ....هازة بنتها و مشات عندها ... تا البنية تبارك الله مهيدنة في يديها واخا فايقة

نسرين : هانا ا مدام ساليت
سامية كدور عينها من الفوق : اممم صراحة عجبتني لخدمة ديالك و لي قلتها ليك درتيها
نسرين تبسمت ليها : لهلا يخطيك ا مدام
سامية حلات الساك ديالها كتقلب فيه : كتباني باقا صغيرة شحال عندك
نسرين : انا 19 عام
سامية هزت حجبانها : قدك باقيين تيقراو اش داك لشي زواج و جاية ببنتك فين راجلك
نسرين حيدت ابتسامتها و حنات راسها : غ غ غير حيت م م مشا الحبس اما ميخلينيش نتكرفص هاكا لا انا لا بنتي
سامية هزت فيها راسها و هزت حاجبها : حبس ؟ و ولديك عارفين هادشي
نسرين كتهدر بندم : انا اختاريتو هو و تخليت على عائلتي و كلشي
سامية جبدت 500 درهم  : كتلوحو راسكم في العافية و امتا غيخرج
نسرين : معرفتش (شدت من عندها ل 500 درهم و هي توسع عينها بالفرحة ) لهلا يخطييك ا مدام و يزيد من كرمك