غرقت مع الشمكار 🔞(قصة من وحي الواقع 100% )🔞

21

🔪غرقت مع الشمكار 🔪
♠️oumaima mega ♠️
💎21💎

و جات تا شيف كوزينيي كتجي في صباح كتمشي بليل ...تعرفت عليها و بقات خدامة تما عندهم ... تسيق تجفف تاكل من عندك شيف اطباق عمرها في حياتها مداقتهم و بنتها في حزتها حامياها و تتكبر قدام عينيها .... دوزت شهور معاهم خلصوها   كلشي .. معاملة ديال فؤاد كانت مزيانة كتبقا فيه هي و بنتها و حتى سامية كتعملها شي مرات زوين ...و ليني اغلب المرات كتغوت عليها ...مع نسرين مكتردش الهدرة ... و ديرها في جنبها ديما ....فاش كتحس بالملل كتعيط ليها هي و بنتها يجلسو في وحد الطابي في لرض و تبدا تعاود ليها و توريها في حويجها لي شرات من برااا ...و نسرين غا تتسمع ليها و تهيا كيعجبوها الحويج ....مهيم سامية لقات علامن تفاخر و تبين حويجها .... جا وحد سيمانة ...مشات سامية و رجلها غؤاد لسينغافورا يقضيو عطلة ديالهم ...و بقات نسرين بوحدها مع بنتها ...اول مرة غتخرج تسارااا ...مشات تيرات الفلوس من البنكة لقاتهم تما ماشي كلهم مي غا شي حاجة و هبطت لمحلات تجارية ...تكسات هي و بنتها ...تقبت ليها ودناتها و ركبت ليها زواهك بالفضة ...واخا هناء حيحت عليها  بالبكا ... الغد ليه لبست سروال دجين و سرفيط و كاسكيطة لي شرات و سبرديلة و لبست بنتها كسيوة و ركبتها في حمالة عصرية لي شراتها ....و خرجت بيها يدورو جلست في قهوة تاكل ماكلة الزنقة ...و تدوق بنيتها شوية ...لغد ليه تاني مشات لبحر ...جلست فيه و غمضت عينها تشم الهوا تبسمت حست براسها كتبني حياتها من جديد واخا بعيدة على دارهم توحشت مها معرفتها كيف ديرا دابا و شنو حالها ولا خواتها بجوج ....توحشتهم بزاف و لكن متقدش تمشي عندهم على الاقل دابا و في يديها بنت بلا أب بدات كتنزل دموع ...تفكرت نصر ضرها قلبها ...شنو واش باقي في الحبس كيف قالو و لا هرب عليها  ... بدات كتنزل في دموع .. هناء قدامها ديرا ليها سكاتة و تتشوفها تتقطر عليها في دموع  و هي تلوح السكاتة : بمممممام ...ديك الساعة طرطقت عينيها نسرين و شافت فيها ممصدقاش واش بنتها بدات تدوي و غوت ليها ماما

نسرين : عاوديها عاوديها
هناء : ممممم ممممم ...نسرين ضحكت و بدات تعنق فيها و تبوووس و ضحك صافي في هاد اللحظة حست بلي ملكت الدنيا و مافيها نسات همها نسات الدموع و زيرت عليها تبوس فيها ...كانو شي دراري كيشوفو فيها ...جاتهم بكوووصة بزاف و ليني خسارة عندها بنت في يدها باينة مزوجة ...و ليني مسكتوش دازو عليها و لاحو عليها كلام الغزل ...وحد من ورا وحد ...هنا حست شوية بالخوف ..و ناضت هزت بنتها و مشات غادا و تلعب بيها فرحانة غطيير ...شدت طاكسي نيشان لدار ...شرات لي بغات دارت لي بغات ...حتى رجعو سامية و فؤاد من رحلتهم ...و تما رجعت لحياتها عادي خدامة ...و مستحملة غوات سامية حيت عصبية بزاااف و مكتلقا معامن كتشوف غا نسرين قدامها ...شي مرات كتغوت حتى كتنوض هناء مخلوعة كتقفز و كتبدا تبكي ...و ديك الساعة نسرين ماحيلتها لسامية ماحيلتها لهناء ...و لمصيبة سامية كتقوليها منسمعش صداع بنتك ....مهيم نسرين صابرة على الدقة كتجمع في فليسات ...باش دير علاش ترجع هي و بنتها

                      💄بعد مرور سنة كاملة 💄

الشقة مزال على حالها كلشي في بلاصتوو ....هناء كبرت شوية ولات كتمشا و نوضت سنينات و دابا مجلساها مها فوق طابيي منها الحيط  و ملبساها كسيوة و مقيبطات طلعت تتشبه لمها مشاء الله غا زينها و حروفها الكحلين ...و شادة خرشاشة في يد و منيكة في يد الثانية خاشياها في فمها

هناء تحيد المنيكة : ماماماماماماما