🔞القصة القصيرة الثانية 🔞 "الممنوعة من النشر "
🔪غرقت مع الشمكااار 🔪
♠️قصة من وحي الواقع تحت الطلب ديالكم ...من بعد قصتي مع المافيا
♠️كلنا كنعرفو داك الشمكار ديال السيكتور لي كيكون معروف بايلا خطيير و لا طحتي في يديه مكيع...
في غرفة خاصة بعيدة على القاعة ديال الحفلات ...كانت بلي فوطوي المدهبين و الاثات ثقيل ... نسرين باقا فاقدة الوعي فوق داك الفوطوي ...يمكن كتعمد ماتفيقش و ترجع الوعيها او بمعنى ادق ...وصل الوقت انها ترتاح و تنعس حيت حبيبها هناا ...و جالس قريب منها و كتشم ريحتو حداها كتزيد ترتاح و تنعس ...كان نصر جالس في الفوطوي لي مقابل معاها و غير مشبك يدو و و عينو مكيحدوش عليها و نبيلة دايرا رجل على رجل و كتسمع
فؤاد كيشرح لنصر : المرة لولة جات كانت بنتها يمكن عندها غير شي شهورة قلال قالت بلي راجلها في الحبس و سامية مرتي بقات فيها و دخلتها خدامة عندنا (نصر حول فيه عينو حومر كيخلعو ) ممكنتش عارف ا سي النصيري بلي هي من طرفكم مكنتش نحطها في مرتب خدامة نبيلة : انا لي مبغاش يتفهم ليا كيفاش عندها بنت صغيرة ....تادخلت سامية و هازا في يدها هناء كتبكي و كتقلب برويسها على ماماها : هء هء م ممماماا ... نصر اعتدل في لجلسة و هو تيشوف في ديك الدرية الصغيرة
سامية : هاهيا ا سي النصيري نصر ناض وقف و تمشا لعندها كيشوف في هاد درية الصغيرة ....هناء كانت كتبكي توقف قدامها طلعت فيه عويناتها الصغار كتبكي و تشوف فيه و هي تزيد في وثيرة البكااا و مدات ليه دريعاتها الصغار ...نصر هز يدو و هزها من عندها بوحد الحدر حيت عمرو هز شي دري صغيير في طوال حياتو...كان كيسري في عروقو احساس في شكل و هناء تهيا تخشات فيه ...و تبكي و تهرنن و تخربق في كلمات فحالا كتشكي عليه ... عنقها لعندو ...و تبسم ...اكيد بنتو كيحس بلي هي من صلبو و غتكون تاهي حست بيه بلي هو باهااا نبيلة وقفت : شنو زعمو واش البنت بنتك ا نصر ؟ ...سامية و فؤاد دارو شافو في بعضهم هادشي بزاف على الصدمة الخدامة لي كانو مخلينها عندهم هي و بنتها ...طلعت حبيبة نجل الاصغر ديال عائلة نصيري ...و والدة منو بنت من الفوق ...شي حاجة فوق الصدمة
💄الغد ليه في الصباح 💄 ....كانت نسرين في وحد الجناح كبيير مأثث ...و هي ناعسة فوق وحد الناموسية عريضة ديرين بيها الخوامي ...بدات كتفيق بشوية بشوية ...و كتاخد نفسها و هي كتشوف في الصقف ... كتحس براسها مرتاحة شحال ما نعست بهاد العمق ...عقدت حجبانها كتفكر احداث البارح ...البارح شافت نصر ناضت مفزوعة جلست و الصدمة على وجهها ...واش داكشي بصح شدت من قلبها لا ميمكنش تكون شافتووو
....".توحشت طاسيلت جدك ا الفردة" .... جملة فيها صوتو لكنة كلامو هضرتو اختارقو ودانها ...دارت عندو بوجه مصدوم ...كان جالس فوق الفوطوي و متفطح عليه و عريان من الفوق كلو وشام ...و فوق صدرو كانت ناعسة هناء و ديرا سكاتها و شادها غا بيد ....دقيقة صمت كانت كتشوف فيه تتاكد من وجودو من بعد عامين عامين لي تعدبت فيها عاد بان في حياتها ...حيدت الغطا ناضت كتغوت و عينيها كيخرج منهم الدمووع : شنووووو راااجع كدييير في حياتييييي شنووو عطينييي بنتيي حنا ممحتاجينكش
ناض وقف و قبل متوصل عندو حط صبعو على فمها : شش شش ششش (قالها بشكل متقطع وهو شاد البنت لي تقفزت في دراعو كانت ناعسة ) دابا درية ديالنا ناعسة مزال غنتفاهمو مزيااان نسرين كانت معصبة منو مبغاش حتى تشوف في وجهوو : عطينييي بنتيييييي مغنتفاااهم مع حد غنمشييي فحاليييي انا و بنتييي نصر شد من دراعها زير عليه و داها و جابها : فين غتمشيي ؟ شفتك ولفتي الدورااان من نيت مووك ....درية في يدو تقفزت و ناضت كتبكيي نسرين كترعد بفمها و تبكي حتى صوتها بح خرج من صوت اليم قاصح: فيين كنتيي نتااا هادي عامين قووول فين كنتيي فاش كنت انا كندور ءءءء؟ تال دابا عاد جاي تمنع عليا زعمة شكون نتااا بصيفتك شكون ؟ لعبتيي بيااا فاش ساليتي لحتيني فحال شي كلبة نصر كان ساكت و كيشوف في عينها كيف كتدمع و كتبكي : نسرين سمحي ليا غنعوض ليك كلشي... يلاه غتجاوبو هو يجبدهااا جبدة وحدة مطلعها عندوو بيد وحدة ...و بدا كيمص في شفايفها ...بوحد الشوق و لهفة ...بدات نسرين تعنتت معاه و بين يدو و باغا الدفعو و لكن مقدراتش كان شوقو قوى من كرهها ليه باضعاف ...اما هناء فدارت سكاتها و سكتت و بقات تتفرج فيهم ....بين نار الشوق و نار الكره
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
