🔞القصة القصيرة الثانية 🔞 "الممنوعة من النشر "
🔪غرقت مع الشمكااار 🔪
♠️قصة من وحي الواقع تحت الطلب ديالكم ...من بعد قصتي مع المافيا
♠️كلنا كنعرفو داك الشمكار ديال السيكتور لي كيكون معروف بايلا خطيير و لا طحتي في يديه مكيع...
شنو دابا واش سالا كابوس سناوات و عداب سنين ...صافي واش ترفع عليها العقاب ... تنهدت تسمع شنو غيقول شنو عندو و تخلي القرار القدر ...هو لي يسير كلشي حيت هي في وضع دابا لي فعلا معارفة شنو دير و عاد هي ماشي بوحدها في هاد الحياة هي معاها بنتها ....دارت كتشوفها شنو دنبها تعدبها معاها و تاخد قرار يقدر يضر بيها ...هي تستاهل عيشة حسن من لي قدمتها ليها ...جات خدامة اخرى علمتها بلي طموبيل جاهزة ليها ....هزت بنتها بين يدها و مشات هبطت تابعة الخدامة ...و كتمشا بكعب عالي و هابطة بشوية ...مكانش شي حد في الدار ...خرجت من باب الفيلا كتشوف في جردة لي كبيرة بزاف ...و تمشات لوحد ليموزين مفتوحة ليها و شيفور لي فاتحها ليها ...طلعت فيها كانت فحال شي بيت عريض ...نسرين باقا غتبهر بهادشي ...و هازا في يدها هناء باغا تنتف في داك الحجر لي في الكسوة ديالها .... ركبت ...و خرجوها من القصر و هي غير تتشوف على برا ...شي نص ساعة ...وصلوها لمارينا ...بلاصة اليوخوث ... دخلت تما كان كلشي مريزرفي و الدنيا خاوية و عامرة بالضواو ... حتى وقفوها و حلو ليها ...نزلت على وحد البيساط حمر ...و هي غير حالة فمها في داكشي ...و هازا هناء
شيفور : تفضلي من هنا نسرين : ءءء؟ شيفور : تفضلي ا لالة نسرين : ااه واخا شكرا ....و مشات كتمشى في داك البساط بشوية و كتشوف و كسوتها الحمرا كتجر من وراها ...بقات غادا في داك البيساط على طول ....حتى وصلت لوحد بيخث بجوج ديال لي طاج و صغير شوية ...طلعت في دروجو خطوة خطوة ...حتى وصلت لوسط الباطو ...كان مضوي و كلو اضواء و ورود بالاحمر و وسطو طابلة كبيرة فيها اشهى الاكل ووسطها سطل عامر بثلج و وسطو قرعة ديال نبيد ... و واقف من ورا باب ديال زاج ...نصر عاطيها بضهرو بكومبلي كحل ديال سهارات ليلية ...و دير يد في جيب و يد كيدوي بيها في تليفون ...مع شي غبارة صحاح ... صحابو ...متخلاش على خدمتو القديمة ...ماشي حبا فيها و ليني صافي غرق معاهم غرقة ديال الصح ....ماشي ساهل تعوم في الغيس و تخرج منو ...و عاد هو ولا من ريوووس الكبار ...ديال للغبرة لي كتدخل غا من لتحت و في نفس الوقت خدمة باه لي ولات عاتق ثقيل على كتافو
هناء : ماماماماممممم ...نصر سمع صوت درية صغيرة دار نص دورة : نعيط ليك من بعد ...و طفا تليفون ...و دار عندها كان لابس قميجة بالكحل و حال جوج صدفات ... غاشاف نسرين هو يبتسم ليها هو كيطلعها و كينزلها ...و تمشا و حل لباب و دخل تهو وسط اليخث كيدوي : تيتيز ديالي (و مشا قرب ليها توقف قدامها هز يدو كيدوزها على شعرها ) جيتي زوينة بزاف نسرين ولات غتشوفق في عينها تهيا عاجبها حاولت غير تفادى النظر ليه ...و ليني هو شد ليها خدودها و طلعهم ليها تشوف في عينو و هناء ممخلياهمش مدخلة يدها صغيرة معاهم نصر : اجي ...جرها و جلسها في لي فوطوي بيضين ...تما كب ليه هو كاس ديال نبيد
نسرين : احم بغيت نسولك نصر هز الكاس في يدو : سولي نسرين : بغيت نعرف شنو غيخليني نثيق فيك مرة اخرى نصر شرب رشفة : ليام لي غتخليك تعرفي نسرين : و لكن هادي حياتي و خاصني نعرف نصر : واخا نحلف لجدك باشما بغيتي والله لا تقتي و انا معنديش الهدرة عندي تطبيق (.حط داك النبيد و جبد من جيبو بواط صغيرة ) و كيبان ليا جا الوقت نبداو صفحة جديدة (و حلو كان فيها جوج خواتم ماسيين واحد صغير تاع بنيتات صغار و واحد كبير ) معنديش مع داكشي درومانسية و الافلام الهندية تقبلي تزوجي بيا و نكملو حياتنا انا و نتي و بنتنا ....نسرين بالصدمة بقات مخرجة فيه عينيها فحالا مصمكة ...و هناء شافت الخواتم كيلمعو و هي تماطا ليهم باغا تشدهم
نصر رفع حاجبو في نسرين : هابنتي قبلت و نتي (نسرين بدا قلبها كيضرب يضرب يضرب و بدات كترعد ليه تما و شدتها الخلعة و الخوف مخلطة مع الصدمة ) راه بربي و متقبليش عمرك تحلمي نخلي موك تخرجي هاد الخاتم غتخشيه في صبعك بزز من موك نسرين كتشوف في الخاتم شي حاجة متصورتهاش توقع ليها و الهدرة غالبة عليها السخفة و نهيج فحالا غتخنق : ع ع عندي شروط نصر دار عطاها كاس دالما : غاا بشوية و شرطي تال الصباح ..شدات كاس دالما كترعد باش تشربو ...و هو شد عليها هناء لا طيحها ...و خشا ليها الخويتم الصغير الماسي في صبيعها و باسها في خدها ...و بقات تخبشش في الخويتم ...و نصر هز راسو في نسرين لي معرفت تضحك و لا تبكي تخلطت عليها في هاد الساعة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
