🔞القصة القصيرة الثانية 🔞 "الممنوعة من النشر "
🔪غرقت مع الشمكااار 🔪
♠️قصة من وحي الواقع تحت الطلب ديالكم ...من بعد قصتي مع المافيا
♠️كلنا كنعرفو داك الشمكار ديال السيكتور لي كيكون معروف بايلا خطيير و لا طحتي في يديه مكيع...
سامية : ماشي مشكيل هادي غا خلاص خدمة يدك صراحة نتي بقيتي فيا منكدبش عليك واش عايشة بوحدك نتي و بنتك ؟ نسرين جمعت فلوسها : ااه عايشين في وحد دار سامية : مهيم انا كانت عندي خدامة قبل ما نتنقل هنا و دابا مشات غادي نقتارح عليك تخدمي في بلاصتها و غنديرو ليك شهرية و تأمين و تبقاي تباتي هنا غنزيدو غير شي شيف و بالكونترا ديالك باش نعاونك و نتي تعاوني بنتك نسرين وسعت عينيها جاها هاد الخبر في رحمة ربييي مفكرتش : قابلة سامية ضحكت : ههه فكري بعدا نسرين : ا مدام انا مفكرة معندي لا خدمة لا والو كين شي يام كنبقا بجوع و بلا فلوس هادشي لي قلتي ليا متخيليش شحال بالنسبة ليا زوين بزاف الله يكثر خيرك سامية تبسمت ليها : ادن تافقتا غيوصلك شيفور تجمعي حويجك و غدا تكوني عندي راه شيفور غيجيبك تال هنا نسرين عينيها غرغروو بالفرحة : لهلا يخطييك ا مدام ..... عيطت سامية لشيفور و قالتيليه لي كين ....عاد دارت نسرين هي و شيفور خرجو من للباب و هبطو في سانسور كانت نسرين غطيير بالفرحة مسكينة واخيرا ربي سهل عليها ... مشات مع الشيفور تاطلعها في طموبيل ...و كسيراو طلباتو يوقف عند مول حانوت خدات لي كوش الحليب لبنتها ... و رجعت طلعت ...توصلت بليل كاع لدرب داخلة منعتة ليه ...غير خرجت اول حاجة دارتها مشات عند سوسن و الهام ...سلمت عليهم و قالت ليهم الخبر فرحو ليها عنقوهاا ...توادعو معاها قالو ليها مرة مرة تهبط ...تهيا تسالمت معاهم ....و رجعت لدارها جمعت حويجاتها لي قلال و حويجات هناء و لي كوش و الرضاعة ...شافت في الدار و تنهدت ...كتمنى مترجعش لهنا مرة اخرى لا كتاب تبقا مع دوك الناس تيجريو عليها دخلت نعست اخر نعسة في ديك الدار مع بنتها ... و رضعتها وكلتها ...تا صبح الحال ناضت فطرت لبست جلابيتها ...بالغينتها و...هزت بنتها و فاليزاتها و خرجت و سدت الباب و سورتاتو ...رجعو سوسن و الهام عنقوها و مشاو معاها تا ركبت في طموبيل لي شيفور فيها ممشاش مسكين دارت للبنات باي باي .... صراحة بقاو فيها دوزت معاهم اوقات كثار و ليني هادي هي الدنيا تلاقيك بناس و تفرقك مع لخرين ....داها عند مدام سامية ....لي وصلت عندها مع ديك 10 دصباح ...طلعها تاني شيفور ...كانت مدام سامية جالسة تتفطر و معاها راجلها باينة فيه شي حاجة جالس و دير نضاضر ديال شوف ...و لابس كومبليي و سميتو فؤاد ....و كتبان عليه انسان متواضع و ضريف عكس مرتو قويصحة ... سامية غا شافت شيفور طلع نسرين ...قالت راجلها بلي جابت خدامة جديدة خاصهم يديرو ليها وراقيها ...حتى فؤاد معارضش وافق على هادشي ...دار شاف في الخدامة كتبان مسكينة غا من شوفة و باقا صغيرة
ناضت سامية ...ورات نسرين البيت لي غتنعس فيه غاصغير فيه ناموسية و طواليط و على قد الحال ...و كان حدا الكوزينة ...و قالت ليها من دابا تبدا الخدمة ...تا نسرين ولا عليك كانت منعسة الدرية ...حطتها في لرض مفرشة ليها و حداها ماشي في البيت باش تبقا تحت عينيها ... و هي شمرت على دراعها باش بت لصق تمااا ...معندها فين تمشي و لا تجيي .... و هنا بدات رحلة اخرى من حياتها ... رحلة لي غتكون فيها خدامة في دار رسمية ....طلعو ليها ليها الوراق تاعها مع كانت ديجا مصيبة لاكارط ناسيونال باش تقيد بنتها في الحالة المدنية ...قادو ليها كونط في البنكة على حساب الحساب غيدوز ليها من تما و كونترا و كلشي ولات خدامة عندهم رسمية ....خدات لبسة تاع لخدامة كسوة هابطة تال ركبة باليض بالحزام و صابو و بوندو في شعرها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
