غرقت مع الشمكار 🔞(قصة من وحي الواقع 100% )🔞

26

💎26💎

وليد (خوو نصر الكبير ): اختيار هو هاداك ا نصر العجب كان هاد زين كامل معاك في ديك القنت
نصر رفع فيه حاجب : تعاود ديك كلمة الزين ننسا خويا ...وليد دور راسو لهيه و ضحك ...و نسرين حنات راسها حشمت بيناتهم ...بداو كياكلو بشوية بالموس و الفرشيط هي مموالفاش ... حاولت تهز غير الفرشيط بوحدها .. و حشمانة وسطهم ...دارت هزت عينها في نصر لقاتو كيشوف فيها بنفس النظرة لي كان كيشوفيها بيها شحال هادي و رجعت نزلت راسها ...كلها حمرة اولا حيت بين عائلة مكتعرفهاش و كيبانو راقيين بزاف ...و لاباس عليهم ...عمرها في حياتها توقعت ان نصر داك الشمكار لي كانت كدور معاه راه لاباس عليه ... دابا شنو غدير بضبط معرفت والو ...حتى تحطت يد فوق كتفها

نصر : شفتك ماكتاكليش
نسرين حركت ليه راسها بأاه و نزلت راسها شدت الفرشيط
نبيلة ديرا رجل على رجل و كتقطع في طبق لي قدامها و كتاكل : امتا ناوي تزوج ؟
نصر كيوكل في هناء غير شادها في دراعو : فاش نحدو وقتنا غنعلمو كلشي ...نسرين مكتهزش عينها كتشوف من لتحت اشمن وقت ولا زواج كيهدرو عليه ...حتى سلاو و طلعو لفوق لجناح نصر الخاص ...جلست نسرين فوق السرير و عطاها تشد هناء 

نصر : غانمشي دابا ..في ليل غنهضرو على حياتنا كلها صافي مفاهمين ....نسرين كتشوف فيه واخا تتحرك ليه راسها باقا مقدراش تسامحو و لا تستوعب فكرة انه رجع ....هو نزل و باس ليها فوق راسها هو كيحرك الابهم ديالو في خدها و رجع حط جبهتو و على جبهتها و نيفو على نيفها و غمض عينو : عارف بقا مدخلش ليك هادشي لدماغك الوقت غيقاد كلشي ا نسرين غيقاد كلشي ....نسرين فاتحة عينها فحالا قرا افكارها و نطقت : كنتمنى يتقاد كلشي ...و غمضت عينها ...بقاو هاكاك ...حتى دخلت بيناتهم هناء كتلعب في لحية نصر فتح عينو و تبسم نص تبسيمة ...و دار باسها في خدها ...و خلاوهم و دار مشا لدريسنغ ديالو الخاص ... لبس كومبلي باش يمشي يخرج لخدمتو  ...نسرين تبعاتو بعينها واخا كتلعب ببنتها  ...كيبان محترم وهو لابس كومبلي و زوين بزاف ...  و نسرين بقات جالسة تما ...تفكر البارح افكار ديها و تجيبها معقلتش مزيان ...خاصها تدوي مع مدام سامية ...مشكل مهزت معاها والو ...تال شوية و دقت نبيلة و دخلت عندها ...جلست في الفوطوي ديرا رجل على رجل ....نسرين ناضت وقفت حانية راسها و هناء في يدها

نبيلة هزتها و طلعتها بشوفة : جلسي (نسرين رجعت جلست ) بالنسبة لولدي نصر سمعت بقصتكم كلها و كيف نتي من عائلة على قد الحال صراحة حنا معندناش مشكل في طبقات من الاجتماعية واخا في عائلة النصيري عمر شي بنت من الشعب تزوجت بوحد فيهم و لكن ولدي نصر لي اختارك و انا يلاه قدرت نرجع ولدي ليا داكشي علاش خاصك ديري مجهودات بزاف باش تقدري تكوني من هاد العائلة كفاية ولدي بعد عليا و عاش في داك الوسخ و مبيغيتوش يرجع ليه
نسرين : و ولكن انا مزال مهدرناش في هاد الموضوع انا و نصر يعني مزال موفقتش على الزواج
نبيلة ضحكت جنب : ماشي من عويدي نقلل من شي حد و لكن نتي ابنتي لا دار عندك لا مستوى دراسي لا ولدين وحد فحال ولدي نصر همزة بالنسبة ليك ...نسرين طلعت معاها السخانة في هاد اللحظة معرفت باش تجاوب و نسبيا عندها الحق
هو يتدق في الباب دارت نبيلة نص دورة : تفضل ....و تحل لباب ...و دخلو شي خدم هازين دي بوااط انيقين بزاف...و حطوهم في الارض
نبيلة : كيبان ليا خاصني نمشي باش توجدي راسك
نسرين كتشوف في لي بواط : علاش ؟
نبيلة ناضت وقفت : مهيم كنتمنى نتعود عليك في اقرب وقت باش نتفاداو المشاكل ...و تبسمت ليها نص تبسيمة و خرجت ....نسرين تبعتها تاخرجت مفهمتش هاد المرا مالها ...خرجو كلشي و بقات غير خدامة وحدة واقفة

الخدامة : مدام الكوافور كتسناك
نسرين : اشمن كوافور ؟
الخدامة : لي غتصايب ليك ا لالة على قبل هاد اليل كيف تلقينا الاوامر من مسيو نصر ...نسرين مفهمت والو بقات غا تشوف فيهم

🍷🍷🍷🍷🍷🍷 الليلة 🍷🍷🍷🍷🍷🍷

كانو انوار هاد الجناح خافتيين بزاف بالاضاءة ...في  الفوطوي جالسة هناء و ديرين بيها جوج خدامات كيلبسوها كسيوة بالحمر مرصعة بشي جواهر و كيمشطو ليها و يلبسو ليها سبيبطها ...و هي ديرا سكيكتها و مفاهمة والو غا كدور عينيها صغار بيناتهم ...و قدامها واقفة نسرين ...لابسة كسوة حمرا كلها معندهاش سماطي و مزيرة كلها و كتبين ليها طايتها بومبا ...و شعرها كريباوها ليها ...و مكياجها صارخ لصقو ليها رموش طوال و شفايفها لي بداك لون الحمر العاطي ....واقفة قدام المرايا كتشوف في نسرين وحدة اخرى ....نسرين لي مابين ليلة و نهار ولات وحدة اخرى ....غير لبارح مكان عندها ما تلبس و هاهيا دابا لابسة فستان غالي بزاف و المصممات كيقادو ليها ... دارو ليها لمسة الاخيرة لي هي عقد الماسي في عنقها ... دابا عارفة انها كتجهز للقاء نصر ...و لكن ماشي نصر الروبيو لي عرفاتو لا هادا نصر وحد اخر لي عندو الفلوس و قادر انه يعوضها على كلشي كيف قال شنو واش تيق فيه كيفما دارت و لا شنو غدير بضبط