غرقت مع الشمكار 🔞(قصة من وحي الواقع 100% )🔞

18

🔪غرقت مع الشمكار 🔪
♠️oumaima mega ♠️
💎18💎

اختارت تمشي الموقف على الاقل تكمل حياتها بشرف متمشيش للوسخ و تزيد تغرق في الحرام و الوسخ ....فضلت تلبس جلابة و تمشي مع الصباح بكري و توقف في طروطوار حدا عيالات كبار تهما واقفين و تيساينو في الناس لي بغاو شي حد يغسل ليهم الدار ...يجي يديهم باش يدورو معاهم....كانت واقفة بيناتهم و تتكره في الحياة لي كانت تتشوفها كيف الوردة و كتعجبها ...هاهيا ولات تكرهها و مقاداش توضع حد لحياتها حيت خايفة .. ماغتزدق لا بدنيا لا بآخرة ...كتفكر صحبتها ملاك كتحسدها في هاد لحظة حيت جلست في دارهم و ممشاتش عند شمكار يشبع فيها فاش يسالي يغبر عليها
تفكرت ديك بنت قسمهم لي تخطبات ببوليسي راس سوووق ...بعزها و ووزها ...و هي شوف فين وصلت ...بدات كاتمشي عند الناس لديور تغسل ليهم و يدورو معاها كين لي كيعطوها 20 درهم لا كثرو معاها 50 درهم لي مغدير ليها والو ....كين لي كيبغب يعطيها كثر و تنعس معاه كتهرب ... و كين نهار لي تمشي و نهار لي لا ...داز عليها شمش و شتااا فوق راسها ...كرشها بدات تتبان و هي مقدراش حتى تجمع 100 درهم صحيحة غا باش تضمن غداها تااع غدا عاد تجمع لفلوس الاجهاض ...و زادت ثقلت كثر و كثر ...تولات مقدراش تزييد ...بزز كتمشي تغسل لناس و تكا على ركبتها و يدها و تغسل و تسيق ...و كين من ناس لي مكيرحموش كيشوفو بنت باقا صغيرة و حاملة و كيزيدو فوقها الحمل ....  و نصر ولا بغا يبان لا حسو لا اخبارو بكثرة متسناتو فقدت فيه الامل ...حيت ماشي راجل موفاش بوعدو مجاش و عتقها خلاها مكرفصة بوحدها منين هو مقادش عليها اش داه يحط فيها يدو ...دابا ملقاتش غير هي بوحدة ولات روح لي كتحس بيها في كرشها و بطنها تتكبر ...و فاش تتركل ليها في كرشها كتحس بوحد الفرحة ولات تتبغي هاد الجنين لي معرفاتو بنت معرفاتو دري ...لدرجة تحولت حياتها لهدف اخر  ولات تسنا هاد الجنين امتا يخرج لهاد الدنيا غا تشوفو كيف دير ...معرفتش واش غتقد بيه ولا لا ....يمكن ربي مبغاهش يموت و بغاه يعيش داكشي باش مسهلش عليها ربي باش تجمع فلوس الاجهاض باش تحيدو ....توصل نهار لي ولدت فيه ...كانت في الدار مع سوسن و الهام و شي قابلة ...اما نعيمة معرفوهاش فين مشات كانت معاهم ... حيت كانت معاهم حتى وحد نهار باتت ما صبحت  فين مشات منعرف...عاونوها ولدوها و هي كانت تتغوت و تبكي و تعيط بسميت نصر ...لربيي لي خلقهاا ...حتى سمعت لغا تربية تيخرج منها و سوسن و الهام فرحانين و القابلة مفرقة ليها رجليها و تتخرجو 

نسرين وسعت عينها تخرجوه ليها ... كانت تتبكي و تضحك و تشوفي فيه خارج ...كانت بنية حميمرة و مغطية بالدم ...غسلو ليها في بانيو دافيي ....و لواوها في كويشة تتبكي و عطاوها ليها في دراعها
نسرين كتشوف فيها و تبكي و تضحك كانت زويونة ديك البنيتة بزاف عنقتها ...و القابلة تكلفت باش ميجيش لنسرين نزيف خيطتها من لداخل ... تما ناضو سوسن و الهام زغرتو خلصو القابلة من جيهتهم دارو ليها الرفيسة ...سولها واش مغتحطهاش في الخيرية ...رفضت ليهم بغات تخليها معاها ...على قبل هاد درية صغيرة لي في دراعها ... غتقاتل بسنانها باش تعيشها ... صافي جلست سيمانة هاكا كترضع البنت من حليب صدرها ...واخا تتبكي ليها بزاف ....سوسن كتعرف وحد كليان عندها زبوون في القيادة ....طلعو لدريرية الصغيرة حالة مدنية ...و سماوها هناء ....كانت فرحانة بيها بزاف كيف تتحرك صغيورة في يديها ...وعدتها غتبقا حاضياها و مغتخلي حتى دري شكون ما كان النوع ديالو يضحك عليها ...غتبقا حاضياها و تكبرها و كلشي .... حيت هي بنتها ...بنتها بوحدها ...حيت بان ليها هاد نصر مزال مطول في غيبتو و حتى لا جااا و رجع مغتبدل حتى حاجة ... من بعد شهر من نفاسها ....ولات تركب في ضهرها هناء و تغطيها عل  شمش و تخرج لموقف تاني تترزق الله ...و كين نهارات ديال الجلبة كتمشي تجلب البنت ...و كيسولوها الممرضات واش هي أم عازبة باش لا كان يعونوها ... و ليني كتجوب غير سوسن حيت تتمشي معاها ...كيجوبها  بلا غير راجلها في الحبس و صافي ....حتى ولفت نسرين تقولها الراسها

ماعلينا وحد النهار من يمات الله وقفت طموبيل فيها شيفور في الموقف ...و بدا تسابيق شكون تطلع ...كانت نسرين مقاتلة تاطلعت هي ...حيت خصها الحليب لبنتها ليكوش و هما اما خشيتيش راسك عمرك تحلم تطلع