Unicode
အပိုင်း၄၃၂- ကျောက်စိမ်းပြား
စိန်ခေါ်ပြိုင်ပွဲက သုံးရက်တွင်းမှာရောက်လာတော့
မှာဖြစ်တာကြောင့် ပြိုင်ပွဲကိုကြိုဆိုဖို့အတွက်
စိတ်အားထက်သန်နေကြကာ အထပ်တိုင်းတွင်
စိတ်လှုပ်ရှားမှုများဖြင့်ဆူညံနေ၏။
ပင်မအဆောက်အအုံတွင် စင်မြင့်မှ အထက်ရှိ
အထပ်တစ်ရာသို့ဆန့်ထွက်သွားသော
ကောင်းကင်ကိုမျက်နှာမူထားသည့်လှေကားကြီး
ဆယ်ခုရှိသည်။ ထိုလှေကားကြီးများအတိုင်း
လျှောက်သွားပါက အဓိကပြိုင်ပွဲကွင်းများကို
မြင်နိုင်သည်၊ သို့သော်လည်း ၎င်းမှာ
ခြောက်ဆယ့်ကိုးထပ်ထိသာဖြစ်သည်၊
ထိုအထပ်ထက်ကျော်လွန်လျှင် အမှတ်ပေးရမည်
ဖြစ်၏။
ထျန်ရှင်းက သူတို့ကိုခြောက်ခုမြောက်လှေကားကြီး
ဆီသို့ ခေါ်သွားသည်၊ လမ်းတစ်လျှောက်တွင်
ဖြတ်သွားဖြတ်လာများ များပြားနေသည်။
သူတို့အများစုက စိတ်လှုပ်ရှားနေကြပြီး
လူအနဲငယ်ကသာ စိတ်ပူနေကြပုံရသည်။
ပထမထပ်မှ ဆယ်ထပ်မြောက်ထိမှာ
လူဦးရေအများဆုံးဖြစ်တာကြောင့်
ထျန်ရှင်းက သူတို့ကိုပထမမြောက်ပြိုင်ပွဲကွင်းပြင်ကို
ဖြတ်၍ခေါ်သွားသည်။ ဤပြိုင်ပွဲကွင်းမှာ
အားလုံးထဲတွင်အကြီးဆုံးဖြစ်၏။
ပြိုင်ပွဲကွင်းအလယ်မှာ တိုက်ခိုက်ပွဲစင်မြင့်အသေး
အခုတစ်ရာရှိသည်၊ ပတ်ပတ်လည်တွင်မူ
အဆုံးမရှိသောကျောက်ထိုင်ခုံများရှိနေကာ
အကြမ်းဖျင်းတွက်ကြည့်လျှင်
လူသန်းနှင့်ချီ၍ဝင်ဆံ့နိုင်၏။
ထျန်ရှင်းက သူတို့ကို အထပ်ငါးဆယ်ရှိ
ငါးခုမြောက်ပြိုင်ပွဲကွင်းသို့ တန်းခေါ်သွားသည်။
ဒီအထပ်ကနေလူသိမများတဲ့ပါရမီရှင်တွေ
ထွက်ပေါ်လာတတ်တာကြောင့် ပင်မအဆောက်အအုံ
က ပိုင်းခွဲအထပ်လို့ယူဆနိုင်သည်။
ဒါ့ကြောင့် ဒီနေရာကဒုတိယလူအထူအထပ်ဆုံး
ပြိုင်ပွဲကွင်းဖြစ်သည်။ အထပ်ခြောက်ဆယ်မှ
လူများက ပိုမိုသန်မာကြသော်လည်း
လူကြိုက်မများပေ။
သူတို့ရောက်သွားတဲ့အချိန်မှာ လူတွေအများကြီး
ရှိနှင့်နေပြီဖြစ်သည်။
ESTÁS LEYENDO
The Legendary Master's Wife [မြန်မာဘာသာပြန်]
AventuraOriginal Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...
![The Legendary Master's Wife [မြန်မာဘာသာပြန်]](https://img.wattpad.com/cover/244421690-64-k987673.jpg)