Unicode
အပိုင်း၄၄၅- ခံစားချက်များ
လင်းရှောင်ထွက်သွားပြီးတဲ့နောက်တွင်
ယူရှောင်းမိုဘဝကပိုလို့တောင်လုပ်ရိုးလုပ်စဉ်
အတိုင်းဖြစ်လာသည်။ အသွင်ပြောင်းလဲခြင်းအခန်း
ကနေ ထွက်လာပြီးတဲ့နောက်မှာ
အဲ့နေ့ကသူမှတ်မိတာတွေကိုချေဖျက်ဖို့အတွက်
အခန်းထဲမှာပဲပိတ်နေတော့သည်။
အသွင့်ပြောင်းလဲခြင်း အဆင့်နိမ့်ကျင့်စဉ်တွေနဲ့
အဆင့်မြင့်ကျင့်စဉ်တွေက ကွာဟချက်ကြီးမားတယ်။
အထင်ရှားဆုံးကွာဟမှုကတော့ စာအရှည်ပဲ။
အဆင့်နိမ့်ကျင့်စဉ်တွေက စာတစ်ကြောင်းပဲရှိပြီး
ရှင်းရှင်းဖော်ပြထားခြင်းမရှိဘဲ နားလည်ဖို့ခက်
သော်လည်း စွမ်းရည်လုံလုံလောက်လောက်ရှိပြီး
အဲ့ဒီ့စာကြောင်းနဲ့ရင်းနှီးမယ်ဆိုရင်
လွယ်လွယ်ကူကူဖမ်းဆုပ်လို့ရနိုင်တယ်။
အလယ်လတ်ဆင့်ကျင့်စဉ်တွေအတွက်ကျတော့
စာကြောင်းနှစ်ကြောင်းကနေသုံးကြောင်းထိ
ရှိပြီး စာတစ်ကြောင်းချင်းစီတိုင်းက
အဆင့်တစ်ခုစီဖြစ်သည်။
တစ်ရက်ဆိုတဲ့အချိန်ကမလုံလောက်ဘူး၊
ထို့ကြောင့်ပဲ လူတိုင်းကမြင်သမျှကိုသိမ်းကြုံး
မှတ်ထားပြီး ထွက်လာပြီးတော့မှ
သူတို့စုဆောင်းလာတာတွေကိုပြန်ထုတ်ပြီး
လေ့လာသင်ယူကြခြင်းဖြစ်သည်။
ယူရှောင်းမိုရွေးခဲ့တဲ့ သားရဲအသွင်ပြောင်းခြင်း
ကျင့်စဉ်က သူ့ရဲ့ဆက်နွယ်သားရဲနဲ့
ဆက်စပ်နေတယ်။ လန်ချုံးကို ဥပမာယူရရင်...
သူကမာနငှက်ဖြစ်တာကြောင့် သူ့ရဲ့အဓိက
ပင်ကိုယ်အရည်အချင်းကပျံသန်းခြင်းဖြစ်တယ်၊
ဒါပေမယ့် တိုက်ခိုက်တာနဲ့ခုခံကာကွယ်တာလိုမျိုး
အရည်အချင်းတွေကိုတော့ အထူးအာရုံစိုက်ရ၏။ ပျံသန်းတာကအရေးပါတယ်
ဒါပေမယ့် ယူရှောင်းမိုကတော့
ခုခံတာနဲ့တိုက်ခိုက်တာကပိုအရေးပါတယ်လို့
ခံစားရသည်။ ထို့ပြင် သူ့ဆက်နွယ်နတ်ဆိုးသားရဲ
တွေထဲမှာ လန်ချုံးကအသန်မာဆုံးဖြစ်သည်။
ယူရှောင်းမိုကသူ့ခေါင်းထဲကအချက်အလက်တွေကို
လှန်လှောရှာလိုက်ပြီး နောက်ဆုံးမှာတော့
အသွင်ပြောင်းလဲခြင်းကျင့်စဉ်တစ်ချို့ကို
သဘောပေါက်သွားတော့သည်။
STAI LEGGENDO
The Legendary Master's Wife [မြန်မာဘာသာပြန်]
AvventuraOriginal Author- Yin Ya English Translators- Exiled Rebels Scanlations [Chapter(400)- (590)] (If you want to read from Chapter-1, please check my reading list, The Legendary Master's Wife.) (Available in both Unicode and Zawgyi) story cover-crd t...
![The Legendary Master's Wife [မြန်မာဘာသာပြန်]](https://img.wattpad.com/cover/244421690-64-k987673.jpg)