نور حياااااتي لبسمة مجدي سيد

الفصل الاول (لقاء صدفه)

- شايف ياعم البت عامله في نفسها اي تحس انها حاطه كيلو بودرة ولا مش عارفه اللي هم بيحطوه ده علي وشهم
= امشي يابني ملناش دعوه وغض بصرك يااستاذ
- اي ياعم نور هو انا اتكلمت انا بشفق عليها وهي اللي لفتت انتباهي باللي عملاااه ده والله دي شكلها اصلا لسه في ثانوي مش عارفه معندهاش حد كبير ميخرجهاش كدا هي ماتعرفش اللي بتعمله ده بتاذي نفسها واكيد مش انا بس اللي بقول كدا دا تلاقي بيقولو لو شالت المكياج هتلاقي واحد صاحبك هههههه
= استغفر الله ياعم امشي وانت ساكت
- خلاص ماشي اهو
-------------------------
امي ياامي ياااميييييي
الام: في اي يابنتي سرعتيني بتزعقي لي يابسمة في اي
بسمة: ياامي مش لاقيه النقاب الاسود بتاااعي ومتاخرة علي المحاضرة دا اول اسبوع ياامي يوووه هتأخر كدا
الام: مش لازم الاسود او صحيح ماانتي كل اللي عندك اسود يابسمة البسي اي حاجه ومتوجعيش قلبي يابنتي
نور وهو يدخل عليهم: اي يابسووم عامله قلق علي الصبح لي كدا
بسمة بضيق: ياابيه النهاردة اول يوم في الجامعه واتأخرت ومش لاقيه النقاب الجديد
نور وهو يضربها علي رأسها: مش المفروض كل حاجه تتحضر بالليل ولا اي بتفكريني بمعاذ عايز يضرب زيك مش بيدور علي الحاجه الا قبلها بدقيقه
الام: اهو اهو لاقيته كوتيه يااستاذة ونسيتيه في الاوضه هناك
بسمة وهي تضرب جبهتها : تصدقي تسلملي ياعسل انت مش عارفه من غيرك يامي كنت هعمل اي .
نور وهو يبتسم لاخته : طب يلا يازقردة نوصلك الجامعه وياريت تكوني فهمتي اللي قلته انبااارح ان ....
بسمة مقاطعا : لاااا استوب انا حفظت اقسم حفظت مش هنصاحب حد علطول زي مابعمل علطول وابقي هبله يووه قصدي مش هبله وماكلش حاجه من بره كلاام مع ولااااد ممنوع منعا باااتا ومتخافش ياعم وراااك راااجل ولما اجي اصاحب اصاحب الكويس اللي ياخد بايدي للجنه مش يعقدني من النقاب متخافش صدقني و..
نور : خلاص يلا مش بتقولي اتاخرت
بسمة بغباء: ااه تصدق انا خلصت هلبس النقاب بس ونمشي
(اعرفكم علي نفسي انا بسمة لسه داخله اولي جامعه كليه تربيه انا منتقبه من اولي ثانوي وبحب النقاب جدااا مهما مين يقول عليه لاني حابه اني اتشبه بزوجات النبي صلي الله عليه وسلم واخي وكل حياااتي نور هو مخلص هندسه السنه دي دفعه الكرونا هههه هش ليسمعني يقطعني وامي وابي ربنا يديمهم ليا ياااارب مشجعني علي الالتزام )
-------------------------
في سرايا القبه امام جامعه عين شمس
نور: خلي بالك من نفسك ومتقفيش لحد وانتي مروحه لتتخطفي ونرتاح منك قصدي بعد الشر عليكي يانونا
بسمة بضيق: امشي يااابيه شكرا علي التوصيله منجلكش في حاجه وحشه يابطل.
نور بعبوس: سواق توكتوك ياخواتي يلا يابت وهو يلتفت لفت انتباهه الفتاة اللي رأها هو ومعاااذ ليله امس ولكن في حال لا تسر عدو ولا حبيب فكانت ترتدي ملابس وميكب وتتجه اليهم
نور وهو يغض بصره سريعا: استغفر الله العظيم ياااارب ربنا يهدينا جميعا
البنت : لو سمحتي هي دي الكليه صح اصل انا اولي ومش عارفه حاجه.
بسمة بعفويه كعادتها وتناست ماقاله اخاها: ااه هي اهلا ياقمر انا بردو اولي انتي قسم اي
مريم: انا قسم كيمياء انجليزي وانتي
بسمة:بصرة يامعلم ثم نظرت الي اخاها سلام يامان عايز حاجه انا هدخل مع ..ثم التفتت اليها ااه صحيح اسمك اي
مريم : انا اسمي مريم
بسمة : اووه مريومه تشرفت ياقمر وانا بسمه يلا بينا
نور بضيق: بسمه تعالي عايزك
نظرت بسمه له بغباء عايز اي انت الله
نور: تعالي بقولك
بسمه وهي تنظر لمريم : حاضر هروح اشوفه ثم اتجهت الي اخاها ها عايز اي
نور بضيق: انا قلت اي يازفته انتي كلامي اتبخر ولا اي انتي داخله مع مين ومصاحبه مين انتي مش شايفاها عامله ازاي ولا اللي قاله معاذ انبارح عليها لما شوفناها ده اللي اتفقنا عليه
بسمه: ياابيه انا هدخل معاها بس وبعدين فين غض البصر ياشيخنا انت واستاذ معاذ التاني وعلفكرا انا عارفه بعمل اي انا كنت داخله معاها ولسه مصاحبتهاش يمكن تبقي طيبه وربنا يهديها علي ايدي ياحبيبي متخافش علي اختك
نور : لا صاحبي اللي شبهك لانها ممكن تشدك لطريق تااني
بسمه: ياحبيبي يمكن تطلع شبهي وملقتش حد ينصحها وانا مش هصاحبها يعني من اول يوم اكيد هتعدي مواقف كتير هتبينلي انها كويسه ولا لا
نور: بت ماتعمليش عاقله عليا اللي قلته يتنفذ انا ماااشي وغصب عنه رفع نظره لها ثم نظر لها نظره ساخطه ورحل
رجعت بسمه اليها
بسمه بابتسامه: يلا بينا
مريم بحزن: هو اخوكي مضايق انك ماشيه معايا صح
بسمه باحرااج: احم هو يعني مش كدا تعالي ندخل واكلمك
دخلت الفتيات المدرج وحضرت المحاضرات واحست بسمه بالفه لمريم وانها شخص كويس بس محتاج ايد تساعده وتشده لطريق الصلاح
ومرت الايام وبسمه تريد ان تحدث مريم عن الزي الشرعي وكل مابه لكن انتظرت حتي يكونو اصدقاء اكثر حتي تتقبل منها الكلام
بسمه : مريومه اي اكتر سورة في القران بتحبيها
مريم: بحب اسمع سورة البقرة جداا وسورة يوسف
بسمه: جميل جداا وانا بحبهم بس تعرفي انا بحب سورة النور جددا جداا وبحب الاحكام اللي فيها سمعتيها قبل كدا
مريم بحرج: لا انا بسمع دوول بس
بسمه بابتسامه: اااه انا بحب اسمع سورة نور وكمان زي ماقلتلك اول ايه فيها بسم الله الرحمن الرحيم (سورة انزلناها وفرضناها وانزلنا فيها ءايات بينات لعلكم تذكرون) يعني اي بقي ياقمر
مريم بحرج : مش عارفه
بسمه بهدوء : يعني ياقمر ان السورة ربنا نزلها فيها احكام كتييرة اوووي وفي دلالات لتذكر المؤمنين بالاحكام دي وواجب فعلها يعني مثلا بتناقش قضايا كتير اوووي ياقمر زي حكم الزاني والزانية واللي بيقول كلام علي الناس بالباطل وواجب الاستئذان قبل ماندخل اي بيت غير بيتنا وحاجات كتير يعني مثلا يامريومه الايه 30 و31 ( قل للمؤمننين يغضوا من ابصارهم ويحفظوا فروجهم ذالك ازكي لهم ان الله خبير بما يصنعون& وقل للمؤمنات يغضضن من ابصارهن ويحفظن فروجهن ولا يبدين زينتهن الا ماظهر منها وليضربن بخمارهن علي جيوبهن ولا يبدين زينتهن الا لبعولتهن او ءابائهن او ءاباء بعولتهن او ابنائهن او ابناء بعولتهن او اخوانهن او بني اخوانهن او بني اخواتهن او نسائهن او ماملكت ايمانهن اوالتابعين غير اولي الاربه من الرجال او الطفل الذين لم يظهروا علي عورات النساء ولايضربن بارجلهن ليعلم مايخفين من زينتهن وتوبوا الي الله جميعا ايه المؤمنون لعلكم تفلحون& يعني ربنا بيأمر كل مسلم ومسلمه هنا بغض البصر وبعد كدا قال اي ولا يبدين زينتهن يعني الميكب والروج وكل ما هو ملفت للانتباه دا كله ماينفعش وحررام ومفيش جداال بعد كلام القران وكرر سبحانه تعاله ولايبدين زينتهن مرتين لخطورة الامر
مريم: يعني لبسي وكل ده حرااام ازاي احنا بنات وعادي يعني ماكله بيحط
بسمه: ياقمري انتي اللي هتتحاسبي هتيجي تقولي ادام ربنا مالكل بيحط سبحانه تعالي قال يوم يفر المرء من اخيه وامه وابيه وصاحبه وبنيه يعني كل هيقول يلا نفسي يوم القيامه فانتي بتعملي الحسنه ليكي وبردو السيئه ليكي
مريم: بس يابسمه عارفه ان كلامك صح ادعيلي ربنا يهديني
بسمه: طول ماانتي عارفه الصح والغلط علي قد ماتقدري تعملي الصح لان ده الصح ياقمر وربنا ميزنا بالعقل طب تعالي نجيب حكايه التستر دي من الاول لو سألتك وقولتلك المصريين القدماء او رجل الكهف كان بيلبس اي
مريم: بيلبس فرو الحيوانات
بسمه: الله ينور عليكي صح وكل لما تتقدم كل لما الملابس يحصلها اي
مريم: تتطور وبيلبسوا اكتر
بسمه: فعلا لغايه لما وصلنا لعصر حبيبنا كلنا محمد صلي الله عليه وسلم لما وصلناله ونزل عليه قرانا الكريم قلنا كدا قلنا ازاي نلبس يابنتي كل الاديان بتدعي لاله وكل الرسل كانت نازله علشان تدعي لاله واحد اما اسلامنا بتدعي لعباده الله الواحد الاحد وكيفيه الاداب وكيفيه التعامل مع الخير بيعلمنا كل حاجه مفيش دين علم ازاي فن التعامل والنصيحه والاخلاق الا دينا الدين الاسلامي الاسلام نعمه ربنا من علينا بيها لازم نحمده عليها فباللي بنعمله بنرجع لعصور التخلف تاااني بنرجع لورا المراة ملكه بحجابها
مريم: يابسمه كلامك صح بس انا ممكن اكون لابسه كدا واحسن من واحده ممكن تكون لابسه النقاب زينه ومش بتعمل بيه
بسمه بهزااار: قصدك اي يابت مااانا منتقبه اهو الله
مريم بسرعه: والله ابدا ماقصدش قصدي
بسمه بابتسامه: عارفه قصدك ياقمر اسمعيني لما يكون الاستاذ مكلفك بحاجه معينه جيتي عملتي حاجه وحاجه لا وتقوليله انا كنت هعملها بس انا نيتي كذا وكذا وحاشا لله اني اشبه ربنا بكدا بس ربنا نزل التعاليم ووضح اي اللي نلبسه واي لا واي اللي نعمله واي لا والحرام بين والحلال بين مينفعش نبقي زي الايه دي اتؤمنون ببعض الكتاب وتكفرون ببعض ياقمري اول حاجه بيعملها اللي بيأسلم بيدور ازاي يلتزم بالزي الشرعي والحجاب اللي تلاقي معظم البنات مش لابساه ومتعرفيش هي مسلمه ولا لا زي مانا اسمي مسلمه لازم التزم بكل حاجه وانتي قولتي دلوقتي ياقمري ممكن واحده منتقبه لابساه كذا ومش كويسه ومش عارفه اي مش علشان واحده كانت كدا او شوفتي واحده من مليون يبقي المليون زيها يااامي دوول ملتزمين بالزي الشرعي الواجب علينا اما اللي بيعملوه دا بينهم وبين ربنا و ياحبيبتي اول انطباع باخده عن اللي قدامي ده بيفضل محفور في ذاكرتي لما اشوف بنت لابسه ضيق وحطه ميكب كتيير وكلام من ده كله وكلام شباب وهزار والخ من ده كله مش هستلطفها نهائي لانه غلط ومينفعش وميصحش يابنتي ربنا اكرمنا ورفع من شأننا نيجي احنا نقلل منه دا كلام بذمتك ها
مريم بحرج: كلامك صح بس مش عارفه انا الكبيرة زي مانتي عارفه ولاقيت اصحابي بلبسوا كدا فهحاول باذن الله
بسمه : مش اسمها هحاول اسمها يارب توكلت عليك وباذن الله هعمل وهمشي في طريقك وهرجعلك لاني مليش غيرك وعلفكرا يامريومه لازم تاخدي بالك من حاجه ان سيدنا محمد قال لا يدخل الجنه ديوث وهو اللي مش غيور علي اهل بيته يعني ممكن والدك او اخوكي مش مدرك الحاجه دي وشايف اني دي حريه انتي بتاذيهم فاهماني فلازم احنا نشد اهالينا للجنه مش للنار نلبسهم تاج الوقار فاهماني ياقمري فنعمل علي كدا وياستي اللهم يرزقنا العمل الصالح والهدايه الخالصه يااارب
مريم: انا بحبك جداا ومبسوطه اني عرفتك بس عايزة اقولك حاجه انا كل لبسي كدا ولما بنزل انا وماما بجيب كدا
بسمه بفرحه: ياستي ولا يهمك بكرا احلي طقم عندي هجبهولك انا اساسا من يوم مالبست النقاب نادرا لما بجيب اطقم لاني زي ماانتي شايفه بلبس اسمر في اسمر ههههههه لا الباقي حلاال عليكي
مريم بفرح: لا تسلميلي يااارب انا معايا فلوس كنت محوشاها هنزل اشتري جيبه طب هو انا ممكن البس حاجه واسعه وطويله لغايه الركبه عليها لأن اللبس اللي عندي كتير وحرام يترمي
بسمه: من ترك شيئا لله عوضه الله خيرا منه ياجميله وعلي قد ماتقدري توسعي من لبسك
مريم : ماشي يلا بينا نروح نشتري
بسمه: حاضر استني هستاذن بس
بسمه: السلام عليكم ورحمه الله وبركاته كيف الحال يااستاذ نور وحشتيني يارااجل فينك من زمااان
نور بضحك: ههههههه علي اساس مش موصلك الصبح ارغي عايزة اي
بسمه بخوف وبسرعه: هنزلاجيبلبسمعمريم
نور وهو يرفع حاجبه : هو انتي بتتكلمي هروغليفي مفهمتش حاجه
بسمة: بص بصراحه يعني ومش هخاف انا ليا شخصيه ورأي علفكرا اسمعني بقي وبطل زن
نور بضيق: اخلصي يابت انا اللي بزن بردو عايزة اي مش فاضيلك
بسمه: احم احم بسم الله الصراحه مريم عايزة تنزل تجيب جيبه وهروح معاها ممكن
نور بصوت عااالي: نعم ياروووح طنط عايزة اي
بسمه بخضه: في اي يانور الله براحه
نور بزعيق: انا قلت اي مش تبعدي عن البنت دي وملكيش دعوه بيها قلت ولا لا
بسمه: والله يانور
نور: بلا نور بلا زفت ارجعي يلاااا وقفل في وجها يوووه بقي عليك والتفت وجدت ( انتظرووووووني) ورأيكم بقي ولاف وكومنت وشجعوني💔😇

# نور حياااتي1
# الفصل الاول
# بسمة مجدي سيد